ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵇⴻⴷⴷⴻⵎ-ⴷ ⴰⵎⴰⵣⵉⴳⵀ ⴽⴰⵜⴻⴱ ⴰⵀⴰⵏⴰⵢ ⵏ « ⴰⵔⴳⴻⵍ ⴷⴻ ⵍⴰ ⵀⴰⵠⴰⵏⴰ » ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵉⵇⴻⴷⴷⴻⵎ-ⴷ ⴰⵎⴰⵣⵉⴳⵀ ⴽⴰⵜⴻⴱ ⴰⵀⴰⵏⴰⵢ ⵏ « ⴰⵔⴳⴻⵍ ⴷⴻ ⵍⴰ ⵀⴰⵠⴰⵏⴰ » (ⵍⴷⵣⴰⵢⴻⵔ ⵏ ⵀⴰⴱⴰⵏⴰ) ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷ ⴰⵀⴰⵏⴰⵢ ⵏ ⵓⵥⴰⵡⴰⵏ ⴰⵢⴷⴻⴳ ⵢⴻⵅⵍⴻⴹ ⵛⵛⴻⵄⴱⵉ ⴷ ⵓⴷⵉⵡⴰⵏ ⴰⴷⵣⴰⵢⵔⵉ ⴷ ⵓⵥⴰⵡⴰⵏ ⴰⵏⵙⴰⵢⴰⵏ ⵏ ⴽⵓⴱⴰ ⵢⴻⵙⵄⴰⵏ ⵜⴰⵣⵔⵉⵔⵜ ⵜⴰⴼⵔⵉⵇⵉⵜ ⵉⵊⴻⵀⴷⴻⵏ.
ⴷⴻⴳ ⵓⵀⴰⵏⴰⵢ-ⴰ ⴰⵢ ⵜⴻⵙⵙⵓⴷⴷⴻⵙ ⵜⴻⵕⵎⵉⵙⵜ (ⵛⴰⵔⵉⴽⴰ) ⵜⵓⵙⵍⵉⴳⵜ ⵏ « ⵡⴻⵍⵍ ⵙⵧⵓⵏⴷ », ⵉⵇⴻⴷⴷⴻⵎ-ⴷ ⴰⵎⴰⵣⵉⴳⵀ ⴽⴰⵜⴻⴱ ⵢⵉⵡⴻⵜ ⵏ ⵜⴻⴳⵔⴰⵡⵜ ⵜⴰⵎⴰⵢⵏⵓⵜ ⵏ ⵢⵉⵏⴰⵥⵓⵔⴻⵏ ⵢⴻⵔⵏⵓ ⵡⵜⴻⵏ ⴰⵥⴰⵡⴰⵏ ⵙⴷⴰⵜ ⵢⵉⵡⴻⵏ ⵡⴻⴳⴷⵓⴷ ⴰⵢⴷⴻⴳ ⵍⵍⴰⵏ ⴰⵣⴰⵍ ⵏ 1000 ⵏ ⵢⴻⵎⴼⴻⵕⵕⴵⴻⵏ. ⴳⴰⵔ ⵢⵉⵏⴰⵥⵓⵔⴻⵏ ⵢⴻⵜⵜⴻⴽⴽⴰⵏ ⴷ ⴽⴰⵜⴻⴱ, ⵍⵍⴰⵏ ⵡⵉⴷ ⵏ ⵜⴻⴳⵔⴰⵡⵜ-ⵏⵏⴻⵙ ⵏ « ⴳⵏⴰⵡⴰ ⴷⵉⴼⴼⵓⵙⵉⵧⵏ » ⴷ ⵢⵉⴹⴻⴱⴱⴰⵍⴻⵏ ⵉⴽⵓⴱⵉⵢⴻⵏ.
ⴷⴻⴳ ⵓⴱⴰⵔⴰⵣ-ⴰ (ⵃⴰⴼⵍ), ⵉⴱⴰⵏ-ⴷ ⵡⴻⵎⵛⴰⴱⵉ ⴳⴰⵔ ⵓⵥⴰⵡⴰⵏ ⴰⴷⵣⴰⵢⵔⵉ ⵏ ⵓⴷⵉⵡⴰⵏ ⴷ ⵢⵉⵥⴰⵡⴰⵏⴻⵏ ⵉⴽⵓⴱⵉⵢⴻⵏ ⵏ « ⴽⵧⵏⴳⵧ » ⴷ « ⵒⴰⵍⵧ » ⴰⵢ ⴽⴽⴰⵜⴻⵏ ⴷⴻⴳ ⵜⴼⵓⴳⵍⵉⵡⵉⵏ ⵜⵉⵎⵇⴻⴷⴷⵉⵏ ⴰⵎⴰ ⴷⴻⴳ ⴽⵓⴱⴰ, ⴰⵎⴰ ⴷⴻⴳ ⵜⴻⴼⵔⵉⵇⵜ ⴷ ⴽⵔⴰ ⵏ ⵜⵎⵓⵔⴰ ⵏ ⵜⴻⵎⵔⵉⴽⵜ, ⵢⴻⵔⵏⵓ ⵢⴻⴼⴽⴰ-ⴷ ⵡⴰⵢⴰ ⴰⵎⵜⴰⵡⴰ ⵉⵛⴻⴱⵃⴻⵏ ⴳⴰⵔ ⵢⵉⵖⴰⵏⵉⴱⴻⵏ.
ⵉⴹⴻⴱⴱⴰⵍⴻⵏ ⵉⴽⵓⴱⵉⵢⴻⵏ ⵙⵙⴻⴽⵏⴻⵏ-ⴷ ⵍⵎⵉⵣⴰⵏ ⵉⴼⴰⵣⴻⵏ ⵏ ⵓⵥⴰⵡⴰⵏ ⴰⴼⵔⵉⵇⵉ ⴰⵢ ⴷ-ⵙⵙⴰⵡⴹⴻⵏ ⵖⴻⵔ ⵜⵎⵓⵔⴰ ⵏ ⴽⴰⵕⴰⵢⵉⴱ ⵡⴰⴽⵍⴰⵏ ⴰⵢ ⴷ-ⵡⵡⵉⵏ ⵙⴻⴳ ⵜⴻⴼⵔⵉⵇⵜ, ⵢⴻⵔⵏⵓ ⵎⵉ ⵢⴻⴷⴷⵓⴽⴽⴻⵍ ⴹⴹⴱⴻⵍ ⴰⴽⵓⴱⵉ ⴷ ⵓⵥⴰⵡⴰⵎ ⵏ ⵓⴳⵓⵎⴱⵔⵉ, ⵢⴻⴼⴽⴰ-ⴷ ⵡⴰⵢⴰ ⴰⵥⴰⵡⴰⵏ ⵉⴼⴰⵣⴻⵏ. ⴽⵔⴰ ⵙⴻⴳ ⵢⵉⵙⴻⴼⵔⴰ ⴰⵢ ⴷ-ⵢⴻⵜⵜⵡⴻⵛⵏⴰⵏ ⵉⵄⴰⵡⴻⴷ ⵢⵓⵔⴰ-ⵜⴻⵏ ⴰⵎⴰⵣⵉⴳⵀ ⴽⴰⵜⴻⴱ ⵙ ⵜⴰⵄⵕⴰⴱⵜ ⵜⴰⵖⴻⵔⴼⴰⵏⵜ.
ⵙ ⴹⴹⴱⴻⵍ-ⵏⵏⵉ ⴰⴽⵓⴱⵉ, ⴷⴰⵖ, ⵢⴻⵛⵏⴰ-ⴷ ⴰⵎⴰⵣⵉⴳⵀ ⴽⴰⵜⴻⴱ ⴽⵔⴰ ⵏ ⵜⴻⵣⵍⴰⵜⵉⵏ ⵙ ⵜⵢⵧⵔⵓⴱⴰⵜ ⵢⴻⵍⵍⴰⵏ ⴷ ⵢⵉⵡⴻⵜ ⵏ ⵜⵓⵜⵍⴰⵢⵜ ⵜⴰⴼⵔⵉⵇⵉⵜ ⴰⵢ ⵙⵙⴰⵡⴰⵍⴻⵏ ⴷⴻⴳ ⵏⵉⵊⵉⵔⵢⴰ ⴷ ⴱⴻⵏⵉⵏ.
ⴰⵙⴻⵏⴼⴰⵔ ⴰⵥⵓⵔⴰⵏ (ⴼⴰⵏⵏⵉ) ⵏ « ⴰⵔⴳⴻⵍ ⴷⴻ ⵍⴰ ⵀⴰⵠⴰⵏⴰ » ⴰⴷ ⵉⴼⴰⴽ ⵙ ⵓⵀⴻⵢⵢⵉ ⵏ ⵡⴰⵍⴱⵓⵎ ⴰⴷ ⴷ-ⵢⴻⴼⴼⵖⴻⵏ ⴷⴻⴳ 2017, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵏⴰⵥⵓⵔ-ⴰ ⴰⴷⵣⴰⵢⵔⵉ.
