ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴱⵧⵓⴷⵉⴰⴼ: ⵢⵉⵔ ⵜⴰⵎⵓⵖⵍⵉ ⵏ ⵢⵉⵎⵓⴹⵉⵏⴻⵏ ⵏ ⵓⵙⵉⴷⴰ ⴷ « ⴰⵄⴻⵡⵡⵉⵇ ⴰⵎⴻⵇⵔⴰⵏ » ⴷⴻⴳ ⵓⴷⴰⵡⵉ-ⵏⵙⴻⵏ
ⵏⴻⵡ ⵢⵓⵔⴽ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴷⴰⵙⵡⴰ (ⵚⵉⵃⵃⴰ), ⴰⴱⴷⴻⵍⵎⴰⵍⴻⴽ ⴱⵧⵓⴷⵉⴰⴼ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵏⴻⵡ ⵢⵧⵔⴽ, ⴷⴰⴽⴽⴻⵏ ⵢⵉⵔ ⵜⴰⵎⵓⵖⵍⵉ ⴰⵢⵢⴻⵙ ⵜⵜⵡⴰⵍⵉⵏ ⵎⴻⴷⴷⴻⵏ ⵉⵎⵓⴹⵉⵏⴻⵏ ⵏ ⵓⵙⵉⴷⴰ ⴷ « ⴰⵄⴻⵡⵡⵉⵇ ⴰⵎⴻⵇⵔⴰⵏ » ⴷⴻⴳ ⵓⴷⴰⵡⵉ ⵏ ⵢⵉⵎⵓⴹⵉⵏⴻⵏ-ⴰ ⵢⴻⵔⵏⵓ ⵉⴳⴻⵔ-ⴷ ⵜⵉⵖⵔⵉ ⵓⵏⴻⵖⵍⴰⴼ ⴰⴽⴽⴻⵏ ⴰⴷ ⵜⵜⵡⴰⵇⴰⴷⵔⴻⵏ ⵢⵉⵣⴻⵔⴼⴰⵏ ⵏ ⵢⵉⵎⵓⴹⵉⵏⴻⵏ.
ⴷⴻⴳ ⵢⵉⵡⴻⵜ ⵏ ⵡⴻⵎⵢⴰⴳⴻⵔ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⵊⵉⴼⴻⵕ ⵏ ⵜⴻⵎⵍⵉⵍⵉⵜ ⵏ ⵡⴻⵙⵡⵉⵔ ⵓⵏⵏⵉⴳ ⵖⴻⴼ ⵓⵙⵉⴷⴰ ⴷⴻⴳ ⵏⴻⵡ ⵢⵧⵔⴽ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⵜⵜⴻⵊⵕⵉⴱⴰ ⵜⴰⴷⵣⴰⵢⵔⵉⵜ ⴷⴻⴳ ⵡⴻⵏⵔⴰⵔ-ⴰ ⵜⴻⵙⵙⴽⴻⵏ-ⴷ ⴷⴰⴽⴽⴻⵏ ⵢⴻⵣⵎⴻⵔ ⴰⴷ ⵢⴻⴼⵔⵓ ⵡⵓⴳⵓⵔ ⵏ ⵢⵉⵔ ⵜⴰⵎⵓⵖⵍⵉ ⴷ ⵓⵎⴻⵃⵢⴰⴼ ⵎⴳⴰⵍ ⵢⵉⵎⵓⴹⵉⵏⴻⵏ ⵏ ⵓⵙⵉⴷⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴷⴰⵡⵉ ⵏ ⵡⴰⴹⴹⴰⵏ-ⴰ.
ⵢⴻⵜⵜⴻⴽⴽⴰ ⵎⴰⵙⵙ ⴱⵧⵓⴷⵉⴰⴼ ⴷ ⴰⵎⴻⴽⴼⴰⴹⵓ ⴷⴻⴳ ⵡⴻⵎⵢⴰⴳⴻⵔ-ⴰ ⵖⴻⵔ ⵢⵉⴷⵉⵙ ⵏ ⵢⵉⵏⴻⵖⵍⴰⴼⴻⵏ ⵉⵎⴻⵏⵣⴰ ⵏ ⵓⴳⴰⵏⴷⴰ ⴷ ⵙⵡⴰⵣⵉⵍⴰⵏⴷ ⴷ ⵢⵉⵏⴻⵖⵍⴰⴼⴻⵏ ⵏ ⵜⵎⵓⵔⴰ ⵏⵉⴹⴻⵏ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⴰⴹⵎⴰⵏ ⵏ ⵓⴷⴰⵡⵉ ⵉ ⵎⴻⴷⴷⴻⵏ ⴷ ⴰⵖⴱⴻⵍ ⵢⴻⵣⴳⴰⵏ ⴷⴻⴳ ⵍⴱⴰⵍ ⵏ ⵢⵉⴷⵓⴱⴰ ⵉⵏⴰⴳⴷⵓⴷⴻⵏ (ⵙⵓⵍⵓⵟⴰⵜ ⵄⵓⵎⵓⵎⵉⵢⵢⴰ) ⵏ ⵍⴷⵣⴰⵢⴻⵔ.
ⵢⴻⵜⵜⵡⴰⵍⵉ ⵡⴻⵖⵍⵉⴼ ⵏ ⵜⴷⴰⵡⵙⴰ ⴷⴰⴽⴽⴻⵏ ⵢⵉⵔ ⵜⴰⵎⵓⵖⵍⵉ ⵏ ⵓⵎⵓⴹⵉⵏ ⴷ ⵓⵎⴻⵃⵢⴰⴼ ⵢⴻⵙⵙⴻⴼⴽ ⴰⴷ ⵃⴻⴱⵙⴻⵏ ⵢⴻⵔⵏⵓ ⴷ ⴰⵢⴰ ⴰⵢ ⵜ-ⵢⴻⴵⴵⴰⵏ ⴰⴷ ⴷ-ⵉⵡⴻⵚⵚⵉ ⵖⴻⴼ ⵍⵡⴰⵊⴻⴱ ⵏ ⵓⴷⴰⵡⵉ ⵏ ⵢⵉⵎⵓⴹⵉⵏⴻⵏ ⵏ ⵓⵙⵉⴷⴰ.
ⴰⵎⴻⵃⵢⴰⴼ ⵎⴳⴰⵍ ⵢⵉⵎⵓⴹⵉⵏⴻⵏ ⵏ ⵓⵙⵉⴷⴰ « ⵓⵔ ⵢⴻⵜⵜⵡⴰⵇⴱⴰⵍ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵍⵓⴳⴰⵏ ⵏ ⵍⵍⵙⴰⵙ ⵏ ⵜⴻⵣⴷⴻⴳ ⵏ ⵚⵚⴻⵏⵄⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵡⴻⵎⵢⴰⴳⴻⵔ-ⴰ.
