ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⴳⵎⴰⴹ ⵏ ⵍⴱⴰⴽ ⵏ 2016 ⴰⴷ ⴷ-ⵔⵙⴻⵏ, ⵎⴰ ⴰⵟⴰⵙ, ⴰⵙⵙ ⵏ 15 ⵢⵓⵍⵢⵓ (ⵜⴰⵏⴻⵖⵍⴰⴼⵜ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵡⴻⵖⵍⵉⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⴰⵙⵙ ⵏ ⵙⵙⴻⴱⵜ, ⴷⴰⴽⴽⴻⵏ ⵉⴳⵎⴰⴹ ⵏ ⵓⴽⴰⵢⴰⴷ ⵢⵓⵔⴰⵏ ⵏ ⵢⵉⵙⴻⵍⵎⴰⴷⴻⵏ ⴰⴷ ⴷ-ⵜⵜⵡⴰⴽⴻⵛⴼⴻⵏ ⴰⵙⵙ ⵏ 23 ⵢⵓⵏⵢⵓ, ⵎⴰ ⴷ ⵡⵉⴷ ⵏ ⵍⴱⴰⴽ ⵏ 2016, ⴰⴷ ⵜⵜⵡⴰⴽⴻⵛⴼⴻⵏ, ⵎⴰ ⴰⵟⴰⵙ, ⴰⵙⵙ ⵏ 15 ⵢⵓⵍⵢⵓ.

«ⵙⴷⴰⵜ ⵜⴻⴳⵏⵉⵜ-ⴰ ⵉⵡⴻⵄⵕⴻⵏ ⴰⵢⴷⴻⴳ ⵜⵜⵡⴰⴽⴻⵛⴼⴻⵏ-ⴷ ⵢⵉⵙⴻⵏⵜⴰⵍ ⵏ ⵍⴱⴰⴽ, ⵍⴰⴷⵖⴰ ⵉⵎⵉ ⴰⵢ ⴷ-ⵢⴻⵔⵏⴰ ⵛⵛⵖⴻⵍ ⵏ ⵓⵙⵙⵓⴷⴷⴻⵙ ⵏ ⵓⴽⴰⵢⴰⴷ ⵏ ⵓⵄⴰⵡⴻⴷ ⵏ ⴽⵔⴰ ⵏ ⵜⵏⴻⴳⵡⴰ ⵏ ⵍⴱⴰⴽ, ⵢⴻⵜⵜⵅⴻⴱⴱⵉⵔ-ⴷ ⵡⴻⵖⵍⵉⴼ ⵏ ⵓⵙⵙⴻⴳⵎⵉ ⴷⴰⴽⴽⴻⵏ ⵉⴳⵎⴰⴹ ⵏ ⵍⴱⴰⴽ ⵏ 2016 ⵏ ⵡⴰⴽⴽ ⵉⴼⵓⵔⴽⴰ ⵏ ⵡⴻⵍⵎⴰⴷ ⴰⴷ ⴷ-ⵜⵜⵡⴰⴽⴻⵛⴼⴻⵏ, ⵎⴰ ⴰⵟⴰⵙ, ⴰⵙⵙ ⵏ 15 ⵢⵓⵍⵢⵓ 2016 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ (ⴱⴰⵢⴰⵏ) ⵏ ⵡⴻⵖⵍⵉⴼ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⵡⴻⵅⵅⴻⵔ ⵡⴻⵖⵍⵉⴼ ⵏ ⵓⵙⵙⴻⴳⵎⵉ ⵙ ⴷⴷⵓⵕⵜ ⴰⴽⵛⴰⴼ ⵏ ⵢⴻⴳⵎⴰⴹ ⵏ ⵓⴽⴰⵢⴰⴷ ⵏ ⵢⵉⵙⴻⵍⵎⴰⴷⴻⵏ, ⵢⴻⵔⵏⵓ ⵉⵅⴻⴱⴱⴻⵔ-ⴷ ⵡⴻⵖⵍⵉⴼ ⴷⴰⴽⴽⴻⵏ « ⵉⴳⵎⴰⴹ ⵏ ⵓⴽⴰⵢⴰⴷ ⵢⵓⵔⴰⵏ ⴰⴷ ⵜⵜⵡⴰⵙⵙⵏⴻⵏ ⴰⵙⵙ ⵏ 23 ⵢⵓⵏⵢⵓ, ⵎⴰ ⴷ ⴰⴽⴰⵢⴰⴷ ⴰⵏⵉⵎⵉ (ⵛⴰⴼⴰⵡⵉ) ⴰⴷ ⴷ-ⵢⵉⵍⵉ ⵓⵙⵙⴰⵏ ⵏ 27 ⴷ 28 ⵢⵓⵏⵢⵓ ⵢⴻⵔⵏⵓ ⴰⴳⵎⵓⴹ-ⵏⵏⴻⵙ ⴰⴷ ⴷ-ⵢⴻⵜⵜⵓⵏⴻⴼⴽ ⴰⵙⵙ ⵏ 3 ⵢⵓⵍⵢⵓ 2016 ».

ⵢⴻⴼⴽⴰ ⵡⴻⵖⵍⵉⴼ ⵜⵓⵣⵡⵉⵔⵜ « ⵉ ⵢⴻⴳⵎⴰⴹ ⵏ ⵢⵉⴽⴰⵢⴰⴷⴻⵏ ⵉⵖⵓⵔⴱⵉⵣⴻⵏ (ⴰⵙⴻⴳⴳⴰⵙ ⵡⵉⵙ 5 ⴷ ⵓⴽⴰⵢⴰⴷ ⵏ ⵡⴻⵍⵎⵓⴷ ⴰⵍⴻⵎⵎⴰⵙ), ⵢⴻⵔⵏⵓ ⴰⴷ ⴷ-ⵜⵜⵡⴰⴽⴻⵛⴼⴻⵏ ⵢⴻⴳⵎⴰⴹ ⵏ ⵓⴽⴰⵢⴰⴷ ⵏ ⵓⵙⴻⴳⴳⴰⵙ ⵡⵉⵙ 5 ⴰⵙⵙ ⵏ 11 ⵢⵓⵏⵢⵓ, ⵎⴰ ⴷ ⵡⵉⴷ ⵏ ⵓⵖⴻⵔⴱⴰⵣ ⴰⵍⴻⵎⵎⴰⵙ ⴰⵙⵙ ⵏ 17 ⵢⵓⵏⵢⵓ 2016, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⴰ.