ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵛⴻⴽⵕⴻⵏ-ⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴷⴷⵓⵕ ⵏ ⵍⴻⵣⵣⴰⵢⴻⵔ ⴷⴻⴳ ⵓⵙⵙⴻⵔⴽⴻⴷ ⵏ ⵜⴻⵎⵏⴰⴹⵜ ⵏ ⵙⵙⴰⵃⴻⵍ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵛⴽⴻⵕ-ⴷ ⵓⵙⴻⵎⵢⴰⴷⴷⴰⵙ ⵏ ⵓⴳⴻⵣⴷⵓ ⴰⵎⴰⵔⵉⴽⴰⵏⵉ ⴷ-ⵢⴻⵍⵀⴰⵏ ⵙ ⵢⵉⵎⴻⵏⵖⵉ ⵎⴳⴰⵍ ⵜⵔⴻⵎⵎⵉⵖⵜ (ⵉⵔⵀⴰⴱ), ⵊⵓⵙⵜⵉⵏ ⵙⵉⴱⴻⵔⴻⵍⵍ, ⴰⵙⵙ ⵏ ⵍⵃⴻⴷⴷ, ⴷⴷⵓⵕ ⵏ ⵍⴷⵣⴰⵢⴻⵔ ⴷⴻⴳ ⵓⵙⵙⴻⵔⴽⴻⴷ ⵏ ⵜⴻⵎⵏⴰⴹⵜ ⵏ ⵙⵙⴰⵃⴻⵍ ⴷ ⵢⵉⵎⴻⵏⵖⵉ ⵎⴳⴰⵍ ⵓⵅⴻⵚⵚⴰⵔ ⵏ ⵜⵔⴻⵎⵎⵉⵖⵜ.
« ⵍⴻⵣⵣⴰⵢⴻⵔ ⵜⴻⵙⵄⴰ ⴷⴷⵓⵕ ⴷ ⴰⴳⴻⵊⴷⴰⵏ ⴷⴻⴳ ⵜⴻⵎⵏⴰⴹⵜ ⵢⴻⵔⵏⵓ ⴷⵉⵎⴰ ⵜⴻⵅⴷⴻⵎ ⵉ ⵍⵎⴻⵏⴷ ⵏ ⵡⴻⵔⴽⴰⴷ » ⴷⴻⴳ ⵜⴻⵎⵏⴰⴹⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵙⵉⴱⴻⵔⴻⵍⵍ ⵉ ⵜⵖⴻⵎⵙⴰ ⴷⴻⴼⴼⵉⵔ ⵜⴻⵎⵍⵉⵍⵉⵜ ⵜⵉⵙ 3 ⵏ ⵓⴷⵉⵡⴻⵏⵏⵉ (ⵃⵉⵡⴰⵔ) ⴰⴷⵣⴰⵢⵔⵉ-ⴰⵎⴰⵔⵉⴽⴰⵏⵉ ⴷⴻⴳ ⵡⴻⵏⵔⴰⵔ ⵏ ⵜⵖⴻⵍⵍⵉⵙⵜ (ⴰⵎⵏ) ⴰⵢ ⴷ-ⵢⴻⵍⵍⴰⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.
ⵢⴻⵛⴽⴻⵕ-ⴷ ⴷⴰⵖ ⴷⴷⵓⵕ ⵏ « ⵜⴻⵎⴹⴻⴱⴱⴻⵔⵜ » ⴰⵢ ⵜⴻⵙⵄⴰ ⵍⴻⵣⵣⴰⵢⴻⵔ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵜⵔⴻⵎⵎⵉⵖⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⴷⴰⴽⴽⴻⵏ ⵜⴰⵎⵓⵔⵜ-ⴰ « ⴷ ⵜⴰⵎⴰⵙⵍⴰⴹⵜ (ⵄⵓⴹⵡⴰ) ⵜⵉⵎⵙⴻⴱⴷⴻⴷⵜ » ⵏ ⵡⴻⵏⵎⴰⴳⴻⵔ ⴰⵎⴰⵜⵓ ⵏ ⵢⵉⵎⴻⵏⵖⵉ ⵎⴳⴰⵍ ⵜⵔⴻⵎⵎⵉⵖⵜ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵎⵍⵉⵍⵉⵜ-ⴰ, ⵢⴻⵏⵏⴰ-ⴷ ⵓⵎⴰⵙⴰⵢ-ⴰ (ⵎⴰⵙ’ⵓⵍ) ⴰⵎⴰⵔⵉⴽⴰⵏⵉ ⴷⴰⴽⴽⴻⵏ ⵢⴻⵍⵍⴰ-ⴷ ⴰⵡⴰⵍ ⵙ ⵡⴰⵣⴰⵍ-ⵏⵏⴻⵙ ⵢⴻⵔⵏⵓ ⴰⴷ ⴷ-ⵢⴰⵡⵉ ⵍⴼⴰⵢⴷⴰ ⴳⴰⵔ ⵢⵉⴷⵉⵙ ⴰⵎⴰⵔⵉⴽⴰⵏⵉ ⴷ ⵓⴷⵣⴰⵢⵔⵉ, ⴷ ⵍⴻⵎⵛⴰⵡⵕⴰⵜ ⴰⵢ ⵢⴻⵙⵙⴻⴷⴷⴰ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵍⵎⴻⵖⵔⴻⴱ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ.
ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵍⵍⴰ-ⴷ ⵡⴻⵙⴽⴰⵙⵉ (ⵏⵉⵇⴰⵛ) ⵖⴻⴼ ⵜⴻⵎⵙⴰⵍ ⵢⴻⵎⴳⴻⵔⵔⴰⴷⴻⵏ ⴷⴻⴳ ⵜⴻⵎⵍⵉⵍⵉⵜ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵍⵍⴰ ⵡⴰⵡⴰⵍ ⵖⴻⴼ ⵜⴻⴷⵢⴰⵏⵉⵏ ⵜⵉⵏⴻⴳⴳⵓⵔⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵎⵏⴰⴹⵜ ⴷ ⵡⴻⵎⵄⴰⵡⴻⵏ « ⵓⵊⵀⵉⴷ » ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ.
« ⴷ ⵜⵉⵛⵛⵓⵔⴽⴰ ⵉⵊⴻⵀⴷⴻⵏ ⴰⵢ ⵏⴻⴱⵖⴰ ⴰⴷ ⵜⵜ-ⵏⴻⵙⵙⴰⵍⵇⴻⵢ ⵢⴻⵔⵏⵓ ⴰⴷ ⵜⵜ-ⵏⴻⵙⵏⴻⴼⵍⵉ ⵙⴻⴳ-ⴰ ⵖⴻⵔ ⵙⴷⴰⵜ ⴰⴽⴽⴻⵏ ⴰⵢ ⵏⴻⵙⵙⴰⵡⴻⴹ ⴰⴷ ⵜ-ⵏⴻⴳ ⴰⵙⵙ-ⴰ » ⵙ ⵡⴻⵎⵛⵉⵡⴻⵕ-ⴰ ⵉⵎⴻⵄⵏⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵙⵉⴱⴻⵔⴻⵍⵍ.
