ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴼⵎⵉⴹⵉ ⵏ ⵓⵅⴻⴷⴷⵉⵎ ⵏ ⵢⵉⴳⴻⵔⴷⴰⵏ ⵓⵔ ⵢⴻⵜⵜⵄⴻⴷⴷⵉ ⵉ 0,01% ⴷⴻⴳ ⵍⴻⵣⵣⴰⵢⴻⵔ (ⴰⵎⴰⵙⴰⵢ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⴼⵎⵉⴹⵉ ⵏ ⵢⵉⴳⴻⵔⴷⴰⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵍⴻⵣⵣⴰⵢⴻⵔ ⵓⵔ ⵉⵄⴻⴷⴷⴰ ⵉ 0,01% ⴷⴻⴳ ⵍⴻⵣⵣⴰⵢⴻⵔ ⴷⴻⴳ 2016, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵓⵎⴰⵙⵡⴰⴹ ⴰⵎⴰⵜⵓ ⵏ ⵓⵅⴻⴷⴷⵉⵎ ⴷⴻⴳ ⵡⴻⵖⵍⵉⴼ ⵏ ⵓⵅⴻⴷⴷⵉⵎ, ⴰⴽⵍⵉ ⴱⴻⵔⴽⴰⵜⵉ.

ⵉⵃⵜⴰⵛⴻⵏ ⴰⵢ ⵜⴳⴰ ⵜⴻⵙⵡⴰⴹⵜ (ⵎⵓⴼⴰⵜⵜⵉⵛⵉⵢⵢⴰ) ⵏ ⵓⵅⴻⴷⴷⵉⵎ ⴷⴻⴳ 2016 ⴷⴻⴳ 11.000 ⵏ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ) ⵜⵓⴼⴰ-ⴷ ⴷⴰⴽⴽⴻⵏ 0,01% ⵙⴻⴳ ⵢⵉⵅⴻⴷⴷⴰⵎⴻⵏ ⵙⵄⴰⵏ ⴷⴷⴰⵡ 16 ⵏ ⵢⵉⵙⴻⴳⴳⴰⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴻⵔⴽⴰⵜⵉ ⵉ ⵜⵖⴻⵎⵙⴰ ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ ⵏ ⵡⴰⵙⵙ ⴰⵏⵎⴰⴹⴰⵍ ⵎⴳⴰⵍ ⵓⵅⴻⴷⴷⵉⵎ ⵏ ⵢⵉⴳⴻⵔⴷⴰⵏ.

ⵢⴻⵏⵏⴰ-ⴷ ⵎⴰⵙⵙ ⴱⴻⵔⴽⴰⵜⵉ ⴷⴰⴽⴽⴻⵏ ⵍⵇⴰⵏⵓⵏ ⵢⴻⵙⵙⵓⵜⵓⵔ-ⴷ ⵜⵜⴻⵙⵔⵉⵃ ⵏ ⵢⵉⵎⴰⵡⵍⴰⵏ ⴰⴽⴽⴻⵏ ⴰⴷ ⵢⴻⵙⵄⵓ ⵡⴻⴳⵔⵓⴷ ⴰⵣⵔⴻⴼ ⴰⴷ ⵢⴻⵅⴷⴻⵎ ⵙ ⵍⴻⵄⵇⴻⴷ ⵏ ⵓⵅⴻⴷⴷⵉⵎ ⵎⴰ ⵢⴻⵙⵄⴰ ⴳⴰⵔ 16 ⴷ 18 ⵏ ⵢⵉⵙⴻⴳⴳⴰⵙⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵉⴳⴻⵔⴷⴰⵏ ⵓⵔ ⵢⴻⵡⵡⵉⴹⴻⵏ ⵖⴻⵔ ⵍⴻⵄⵎⴻⵕ ⵓⵙⴹⵉⴼ (ⵇⴰⵏⵓⵏⵉ) ⵏ ⵓⵅⴻⴷⴷⵉⵎ ⵍⴰⴰ ⵅⴻⴷⴷⵎⴻⵏ, ⵙ ⵓⵎⴰⵜⴰ, ⴷⴻⴳ ⵜⴻⵕⵎⵉⵙⵉⵏ ⵜⵉⵎⴻⵥⵢⴰⵏⵉⵏ ⴰⵢⴷⴻⴳ ⵅⴻⴷⴷⵎⴻⵏ ⴷⴷⴰⵡ 10 ⵏ ⵢⵉⵅⴻⴷⴷⴰⵎⴻⵏ ⴷⴻⴳ ⵢⴻⵃⵔⵉⵛⴻⵏ ⵏ ⵢⵉⵎⴻⵥⵍⴰ (ⵅⴰⴷⴰⵎⴰⵜ) ⴷ ⵜⴻⵏⴹⵉ.

ⵎⴰ ⵢⴻⵜⵜⵡⴰⴽⵛⴻⴼ-ⴷ ⵡⴰⵢⴰ, ⴰⴷ ⴳⴻⵏ ⵢⵉⵎⴻⵥⵍⴰ ⵏ ⵜⴻⵙⵡⴰⴹⵜ ⴰⵕⴰⴱⵓⵍ ⴰⴷ ⵢⴻⵜⵜⵡⴰⵣⵏⴻⵏ ⵉ ⵢⴻⵎⵡⴻⴽⴽⴻⵍ ⵏ ⵜⴻⴳⴷⵓⴷⴰ.

ⴷⴻⴳ ⵡⴰⴽⴽ ⵜⵉⴳⵏⴰⵜⵉⵏ ⴰⵢⴷⴻⴳ ⴷ-ⵜⵜⴰⴼⴻⵏ ⵉⴳⴻⵔⴷⴰⵏ ⵉⵅⴻⴷⴷⵎⴻⵏ, ⵉⵎⴻⵥⵍⴰ ⵏ ⵜⴻⵙⵡⴰⴹⵜ ⵏ ⵓⵅⴻⴷⴷⵉⵎ ⵜⵜⵚⴻⴳⴳⵉⵎⴻⵏ ⵜⴰⴳⵏⵉⵜ-ⵏⵏⵉ ⵖⴻⴼ ⵍⴻⵃⵙⴰⴱ ⵏ ⵍⵇⴰⵏⵓⵏ. ⵜⴰⵙⵡⴰⴹⵜ ⵜⴻⵜⵜⵃⴻⵜⵜⵉⵎ ⴱⴰⴱ ⵏ ⵜⴻⵕⵎⵉⵙⵜ ⴰⴷ ⵢⴻⵃⴱⴻⵙ ⴰⴳⵔⵓⴷ-ⵏⵏⵉ ⵙⴻⴳ ⵓⵅⴻⴷⴷⵉⵎ ⵢⴻⵔⵏⵓ ⴰⴷ ⵜ-ⵉⵡⴻⵀⵀⵉ ⵖⴻⵔ ⵡⴰⵎⵎⴰⵙ ⵏ ⵓⵙⵙⵉⵍⴻⵖ (ⵜⴰⴽⵡⵉⵏ) ⴰⴽⴽⴻⵏ ⴰⴷ ⵢⴻⵍⵎⴻⴷ ⵚⵚⴻⵏⵄⴰ.

ⴷⴻⴳ ⵡⴰⵟⴰⵙ ⵏ ⵜⴻⴳⵏⴰⵜⵉⵏ, ⴷⴰⵖ, ⵉⴳⴻⵔⴷⴰⵏ ⵅⴻⴷⴷⵎⴻⵏ ⵉ ⵢⵉⵎⴰⵏ-ⵏⵙⴻⵏ ⵏⴻⵖ ⵖⴻⵔ ⵜⵡⴰⵛⵓⵍⵉⵏ-ⵏⵙⴻⵏ ⵢⴻⵔⵏⵓ, ⴰⴽⴽⴻⵏ ⴰⴷ ⵢⴻⵃⴱⴻⵙ ⵡⴰⵢⴰ, ⵢⴻⵏⵏⴰ-ⴷ ⵓⵎⴰⵙⴰⵢ-ⴰ (ⵎⴰⵙ’ⵓⵍ) ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵡⴻⵙⵃⵓⵍⴼⵓ.