ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴱⴰⵜⴻⵏⵜ: ⵓⴳⴰⵔ ⵏ 20.000 ⵏ ⵢⵉⵏⴻⵔⵣⴰⴼⴻⵏ ⵖⴻⴼ ⵜⵎⴻⵙⵔⵉⵜ ⵏ ⵓⴼⴰⵔⵉⵙ ⴰⵖⴻⵍⵏⴰⵡ (ⴰⵎⴰⵙⴰⵢ)
ⵜⴰⴱⴰⵜⴻⵏⵜ – ⵓⴳⴰⵔ ⵏ 20.000 ⵏ ⵢⵉⵏⴻⵔⵣⴰⴼⴻⵏ ⴰⵢ ⴷ-ⵢⴻⵔⵣⴰⵏ ⵖⴻⴼ ⵜⵎⴻⵙⵔⵉⵜ (ⵚⴰⵍⵓⵏ) ⵏ ⵓⴼⴰⵔⵉⵙ (ⵎⴰⵏⵜⵓⴵ) ⴰⵖⴻⵍⵏⴰⵡ ⵙⴻⴳ ⵡⴰⵙⵎⵉ ⴰⵢ ⵢⴻⵔⵥⴻⵎ ⴰⵙⵙ ⵏ 2 ⵢⵓⵏⵢⵓ ⵢⴻⵣⵔⵉⵏ ⴷⴻⴳ ⵜⵣⴻⵇⵇⴰ ⵏ ⵜⵣⵉⴽⴽⵏⵉⵏ ⵏ ⴰⵙⵉⵀⴰⵕ ⵏ ⵜⴱⴰⵜⴻⵏⵜ, ⴰⵔⵎⵉ ⴷ ⴰⵙⵎⵉ ⴰⵢ ⵢⴻⵔⵥⴻⵎ ⴰⵙⵙ ⵏ ⵍⵃⴻⴷⴷ ⵜⴰⵎⴻⴷⴷⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⵏ ⵜⴻⵅⵅⴰⵎⵜ ⵏ ⵜⵏⴻⵣⵣⵓⵜ ⴷ ⵜⴻⵎⴳⵓⵔⵉ ⵏ ⵡⴻⵡⵔⴰⵙ, ⵎⴻⴱⵔⵧⵓⴽ ⴱⴻⵣⵣⴰⵣ.
ⵙ ⵡⴰⵢⴰ, ⵏⵏⴰⵏ-ⴷ ⵢⴻⵎⵣⵉⴽⴽⵏⴻⵏ ⴷⴰⴽⴽⴻⵏ ⴰⵣⴰⵍ ⵏ 2.300 ⵏ ⵢⴻⵎⴷⴰⵏⴻⵏ ⴰⵢ ⵢⴻⵍⵍⴰⵏ ⵔⴻⵣⵣⵓⵏ-ⴷ ⴷⴻⴳ ⵡⴰⵙⵙ, ⴰⵎⵓⵔ ⴰⵎⴻⵇⵔⴰⵏ ⵙⴻⴳ-ⵙⴻⵏ ⴷ ⵜⵉⵙⴻⴷⵏⴰⵏ.
ⵜⴰⵎⴻⵙⵔⵉⵜ-ⴰ ⵔⵣⴰⵏ-ⴷ ⴼⴻⵍⵍ-ⴰⵙ ⵎⴻⴷⴷⴻⵏ ⵙ ⵍⵃⵉⵔ ⴷ ⴰⵎⴻⵇⵔⴰⵏ ⵢⴻⵔⵏⵓ ⵜⴻⵖⵍⵉ-ⴷ ⴷ ⵜⴻⵣⵡⴰⵔⴰ ⵏ ⵡⴰⵢⵢⵓⵔ ⵏ ⵔⴻⵎⴹⴰⵏ. ⴰⵟⴰⵙ ⵏ ⵢⵉⴼⴰⵔⵉⵙⴻⵏ ⵉⴷⵉⴳⴰⵏⴻⵏ (ⵎⴰⵃⴰⵍⵍⵉⵢⵢⴰ) ⵏ ⵜⵓⵞⵞⵉⵜ ⴰⵢ ⴷ-ⵢⴻⵔⵙⴻⵏ ⴷⴻⴳ-ⵙ.
ⴽⵔⴰ ⵙⴻⴳ ⵢⵉⵏⴻⵔⵣⴰⴼⴻⵏ ⴰⵢ ⵏⴻⵙⵙⴻⵇⵙⴰ ⵏⵏⴰⵏ-ⴷ ⴷⴰⴽⴽⴻⵏ ⵙⵙⵓⵎⴰⵜ ⵏ ⵢⵉⴼⴰⵔⵉⵙⴻⵏ ⴰⵢ ⴷ-ⵢⴻⵔⵙⴻⵏ ⴷⴻⴳ ⵜⵎⴻⵙⵔⵉⵜ-ⴰ ⵇⴻⵡⵎⴻⵏⵜ, ⵓⵔ ⵖⵍⴰⵢⵉⵜ, ⵢⴻⵔⵏⵓ ⴽⵔⴰ ⵏ ⵢⵉⴼⴰⵔⵉⵙⴻⵏ ⵏⵣⴰⵏ ⵙ ⵙⵙⵓⵎⴰ ⵏ ⵍⵍⵓⵣⵉⵏ ⴰⵎ ⵢⵉⴼⴰⵔⵉⵙⴻⵏ ⵏ ⵓⴽⴻⴼⴼⴰⵢ ⵏ ⵍⵍⵓⵣⵉⵏ ⵏ ⴰⵓⵔⴻⵙ-ⵍⴰⵉⵜ.
ⴰⵟⴰⵙ ⵏ ⵎⴻⴷⴷⴻⵏ ⴰⵢ ⵢⴻⵙⵙⵓⵜⵔⴻⵏ ⵙⴻⴳ ⵢⴻⵎⵙⵓⴷⴷⵙⴻⵏ ⵏ ⵜⴻⴷⵢⴰⵏⵜ-ⴰ ⴰⴷ ⵙⵖⴻⵣⴼⴻⵏ ⵜⴰⵍⵍⵉⵜ ⵏ ⵜⵎⴻⵙⵔⵉⵜ-ⴰ ⴰⴽⴽⴻⵏ ⴰⴷ ⵣⴻⵎⵔⴻⵏ ⴰⵟⴰⵙ ⵏ ⵎⴻⴷⴷⴻⵏ ⴰⴷ ⴷ-ⵇⴹⵓⵏ ⵙⴻⴳ-ⵙ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⴽⵔⴰ ⵏ ⵢⴻⵎⵣⵉⴽⴽⵏⴻⵏ ⵏⵏⴰⵏ-ⴷ ⴷⴰⴽⴽⴻⵏ ⵓⵍⴰ ⵎⴰ ⵜⴰⴷⵢⴰⵏⵜ-ⴰ ⵜⴻⵇⵇⵉⵎ 9 ⵏ ⵡⵓⵙⵙⴰⵏ, ⵢⴻⵍⵍⴰ-ⴷ ⵡⴰⵢⴰ ⴷⵔⵓⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⴱⴷⴻⵍⵀⴰⵇ ⵜⵉⴰⵔ, ⴱⴰⴱ ⵏ ⵜⴻⵕⵎⵉⵙⵜ ⵏ ⵓⵙⵙⴻⵏⵣⵉ ⵏ ⵜⵉⵏⵉ ⴷⴻⴳ ⵜⴱⴻⵙⴽⴻⵔⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵜⴰⵎⴻⵙⵔⵉⵜ-ⴰ ⵜⴻⵔⴱⴻⵃ ⵙⴻⴳ ⵡⴰⴽⴽ ⵉⴷⵉⵙⴰⵏ.
