ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵄⴻⴷⴷⴰ-ⴷ ⵓⵙⴰⵔⵓ ⵏ « ⵉⵖⴻⴱⵍⴰⵏ » ⵏ ⵙⵉⴷⴰⵍⵉ ⴼⴻⵜⵜⴰⵔ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵉⵄⴻⴷⴷⴰ-ⴷ ⵓⵙⴰⵔⵓ ⴰⵖⴻⵣⴼⴰⵏ ⵏ « ⵉⵖⴻⴱⵍⴰⵏ » ⵏ ⵙⵉⴷⴰⵍⵉ ⴼⴻⵜⵜⴰⵔ ⴰⵙⵙ ⵏ ⵍⴻⵜⵏⵉⵢⴻⵏ ⵜⴰⵚⴻⴱⵃⵉⵜ ⵉ ⵜⵉⴽⴽⴻⵍⵜ ⵓⵇⴱⴻⵍ ⵏ ⵜⵎⴻⵣⵡⴰⵔⵓⵜ ⵙ ⵡⴻⵃⴷⴰⵕ ⵏ ⵢⴻⵎⵙⴻⴹⵔⵓ-ⵏⵏⴻⵙ ⴷ ⵜⴻⵖⵍⴰⵎⵜ ⵜⴰⵜⵡⵉⵍⴰⵏⵜ (ⵜⵉⵇⵏⵉⵢⵢⴰ) ⴷ ⵜⵥⵓⵔⴰⵏⵜ ⴰⵢ ⵢⴻⵜⵜⴻⴽⴽⴰⵏ ⴷⴻⴳ-ⵙ.

ⴰⵙⴰⵔⵓ-ⴰ ⵏ 90 ⵏ ⵜⴻⴷⵇⵉⵇⵉⵏ ⵉⵃⴻⴽⴽⵓ-ⴷ ⵜⴰⵃⴽⴰⵢⵜ ⵏ ⵙⵙⵉ ⵎⵃⴻⵎⵎⴻⴷ, ⴷ ⴰⴱⴰⴱⴰⵜ ⵏ ⵜⵡⴰⵛⵓⵍⵜ ⵢⴻⵡⵡⵉⵏ ⵜⴰⵙⵜⴰⵖⵜ (ⵜⴰⵇⴰⵄⵓⴷ), ⵉⵄⴻⵢⵢⴰⵍⴻⵏ ⵏ ⵜⵡⴰⵛⵓⵍⵜ-ⵏⵏⴻⵙ ⵙⵄⴰⵏ ⵉⵖⴻⴱⵍⴰⵏ ⵢⴻⵎⴳⴻⵔⵔⴰⴷⴻⵏ ⵢⴻⵔⵏⵓ ⴰⵎⴻⵇⵔⴰⵏ ⴷⴻⴳ ⵡⴰⵔⵔⴰⵡ-ⵏⵏⴻⵙ ⵢⵓⴷⴻⴼ ⵖⴻⵔ ⵢⵉⵡⴻⵜ ⵏ ⵜⴻⴳⵔⴰⵡⵜ ⵜⴰⵔⴻⵎⵎⴰⵖⵜ (ⵉⵔⵀⴰⴱⵉⵢⵢⴰ), ⵎⴰ ⴷ ⴰⵎⴻⵥⵢⴰⵏ ⴷⴻⴳ ⵡⴰⵔⵔⴰⵡ-ⵏⵏⴻⵙ ⵢⴻⴼⵔⴻⵏ ⴰⴷ ⵢⴻⴷⴷⵓ ⴷ ⴰⵃⴻⵔⵔⴰⵇ.

ⵙⴻⴳ ⵜⴽⴻⵔⵔⵉⵙⵜ-ⴰ, ⵉⵃⵓⵣⴰ-ⴷ ⵢⴻⵎⵙⴻⴹⵔⵓ ⴰⵟⴰⵙ ⵏ ⵜⵍⵓⴼⴰ, ⴳⴰⵔ-ⴰⵙⴻⵏⵜ ⵓⵖⴰⵍ ⵏ ⵢⵉⵔⴻⵎⵎⴰⵖⴻⵏ ⵉⵎⵜⵓⴱⴻⵏ ⴷ ⵓⵏⵏⵓⵎⵎⴻⴷ-ⵏⵙⴻⵏ (ⵉⵏⴷⵉⵎⴰⴵ) ⵉⵡⴻⵄⵕⴻⵏ ⴷⴻⴳ ⵜⵎⴻⵜⵜⵉ. ⵉⵃⵓⵣⴰ-ⴷ ⴷⴰⵖ ⵓⵙⴰⵔⵓ-ⴰ ⴰⵙⴻⵏⵜⴻⵍ ⵏ ⵜⵏⴻⵣⵣⵓⵜ (ⵜⵉⴵⴰⵔⴰ) ⵢⴻⴼⴼⵖⴻⵏ ⵉ ⵍⵇⴰⵏⵓⵏ ⴰⵢ ⵜⵜⴳⴻⵏ ⴽⵔⴰ ⵏ ⵢⴻⵔⴳⴰⵣⴻⵏ ⵏ ⵢⵉⵡⴻⵥⵍⴰ ⴰⴽⴽⴻⴷ ⵢⵉⴷⵉⵙⴰⵏ ⵉⵡⴻⵔⴷⴰⵏⵉⵢⴻⵏ.

ⴰⴷ ⵢⴻⵜⵜⵡⴰⴼⵔⴻⵇ ⵓⵙⴰⵔⵓ-ⴰ ⴷⴻⴼⴼⵉⵔ ⵔⴻⵎⴹⴰⵏ ⴷⴻⴳ ⵜⵣⴻⵖⵡⴰ ⵏ ⵙⵙⵉⵏⵉⵎⴰ ⵏ ⵜⵖⵉⵡⴰⵏⵜ ⵏ ⵍⴻⵣⵣⴰⵢⴻⵔ ⵜⴰⵍⴻⵎⵎⴰⵙⵜ.

ⴷ ⵜⴰⵏⴻⴳⴳⴰ ⵜⴰⴷⵣⴰⵢⵔⵉⵜ ⵏ ⵓⴼⴻⴵⴵⴻⴵ ⴰⴷⴻⵍⵙⴰⵏ ⴷ ⵜⴻⵕⵎⵉⵙⵜ (ⵛⴰⵔⵉⴽⴰ) ⵏ ⴰⵎⵉⵏ ⵉⵏⵜⴰⵊ ⴰⵢ ⴷ-ⵉⴼⵓⵔⵙⴻⵏ ⴰⵙⴰⵔⵓ-ⴰ, ⵢⴻⵔⵏⵓ ⵄⴻⴷⴷⴰⵏ-ⴷ ⴷⴻⴳ-ⵙ ⵢⵉⵙⴻⴳⴱⴰⵔⴻⵏ (ⵎⵓⵎⴰⵜⵜⵉⵍⵉⵏ) ⵔⴻⴷⴰ ⵍⴰⴳⵀⵧⵓⴰⵜⵉ, ⵀⴰⵎⵧⵓⴷ ⵍⵧⵓⴽⴰⵍ, ⵢⵧⵓⵏⴻⵙ ⵍⴰⴰⵔⵧⵓⵉ, ⵔⴰⴱⴻⴰ ⵙⵧⵍⵜⴰⵏⵉ, ⴼⴰⵜⵉⵀⴰ ⵏⴻⵙⵔⵉⵏⴻ, ⴰⴱⴷⴻⵍⴽⴰⴷⴻⵔ ⵜⴰⴷⵊⴻⵔ ⴷ ⴰⵎⵉⵏⴻ ⴱⵧⵓⵛⵀⴻⵎⵍⴰ.

ⵢⵓⵖⴰⵍ-ⴷ ⵙⵉⴷⴰⵍⵉ ⴼⴻⵜⵜⴰⵔ ⵖⴻⵔ ⵡⴻⵏⵔⴰⵔ ⵏ ⵜⵥⵓⵔⵉ ⴷⴻⴼⴼⵉⵔ ⵎⴰ ⵉⵖⴰⴱ ⴰⵛⵃⴰⵍ ⵏ ⵢⵉⵙⴻⴳⴳⴰⵙⴻⵏ. ⵢⴻⵙⵙⵓⴼⴼⴻⵖ-ⴷ ⵢⴰⴳⵉ ⴰⵙⴰⵔⵓ ⵏ ⵜⵎⴻⵍⵍⴰⵖⵜ (ⴽⵓⵎⵉⴷⵢⴰ) ⵓⵎⵉ ⵉⵙⴻⵎⵎⴰ « ⵉⵏⴰⵔⴰⴳⴻⵏ » (ⴵⵉⵔⴰⵏ) ⴰⵢ ⴷ-ⵜⴼⵓⵔⴻⵙ ⵜⴻⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵓⴼⴰⵔⴻⵙ ⴰⵙⵍⵉⵥⵔⴰⵏ, « ⴰⵃⵍⴰⵎ ⵡⴰ ⴰⵡⵀⴰⵎ » (ⵜⵉⵔⴳⴰ ⴷ ⵢⴻⴷⵔⵓⴳⴻⵏ), ⵢⴻⵍⵍⴰⵏ ⴷ ⴰⵎⴰⵣⵔⴰⵔ ⵏ 30 ⵏ ⵢⴻⵃⵔⵉⵛⴻⵏ, ⴷ « ⵎⴰⴽⴰⵜⵉⴱ », ⴷ ⴰⵎⴰⵣⵔⴰⵔ ⵏ 20 ⵏ ⵢⴻⵃⵔⵉⵛⴻⵏ.