ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴱⴰⵏⴽⴰ ⵏ ⵡⴻⵙⵏⴻⴼⵍⵉ ⴰⴷⵉⴳⴰⵏ (ⴱⴷⵍ) ⵜⴻⵙⵙⴻⴱⵖⴰⵙ ⴰⵙⵙⴻⴼⵜⵉ ⴰⵢ ⴷ-ⵢⴻⵜⵜⴰⵡⵉⵏ ⵏⵏⴼⴻⵄ
ⴱⴻⵛⵛⴰⵕ – ⵢⴻⵏⵏⴰ-ⴷ ⵓⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⴱⴰⵏⴽⴰ ⵏ ⵡⴻⵙⵏⴻⴼⵍⵉ ⴰⴷⵉⴳⴰⵏ (ⴱⴷⵍ) ⴷⴰⴽⴽⴻⵏ ⵜⴰⴱⴰⵏⴽⴰ-ⴰ ⵜⴻⵙⵙⴻⴱⵖⴰⵙ ⴰⵙⵙⴻⴼⵜⵉ ⴰⵢ ⴷ-ⵢⴻⵜⵜⴰⵡⵉⵏ ⵏⵏⴼⴻⵄ ⴷ ⵡⴻⵙⵏⴻⴼⵍⵉ ⴰⴷⵉⴳⴰⵏ (ⵜⴰⵏⵎⵉⵢⴰ ⵎⴰⵃⴰⵍⵍⵉⵢⵢⴰ) ⴷⴻⴳ ⵜⴻⵎⵏⴰⴹⵉⵏ ⵏ ⵡⴻⵏⵥⵓⵍ ⵏ ⵜⵎⵓⵔⵜ.
«ⵏⴻⵙⵙⴻⴱⵖⴰⵙ, ⵏⴻⴱⴷⴻⴷ ⵢⴻⵔⵏⵓ ⵏⴻⵜⵜⵄⴰⵡⴰⵏ ⵉⵙⵙⴻⴼⵜⵉⵢⴻⵏ ⴰⵢ ⴷ-ⵢⴻⵜⵜⴰⵡⵉⵏ ⵏⵏⴼⴻⵄ ⴷⴻⴳ ⵡⴰⴽⴽ ⵉⵃⵔⵉⵛⴻⵏ ⴷⴻⴳ ⵡⴻⵏⵥⵓⵍ (ⴵⴰⵏⵓⴱ) ⵏ ⵜⵎⵓⵔⵜ ⴷ ⵜⵎⵓⵔⵜ ⵙ ⵓⵎⴰⵜⴰ, ⵢⴻⵔⵏⵓ ⵏⴻⵜⵜⴻⴳ ⴰⵢⴰ ⵉ ⵡⴻⵙⵎⴰⵍ (ⵜⴰⵔⵇⵉⵢⴰ) ⵏ ⵡⴻⵙⵏⴻⴼⵍⵉ ⴰⴷⵉⴳⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⵧⵀⴰⵎⴻⴷ ⴽⴰⵔⵉⵎ ⴷⴻⴳ ⵜⴳⴻⵔⵎⴰⵏⵜ-ⵏⵏⴻⵙ ⵜⵓⵙⵔⵉⴷⵜ ⴷⴻⴳ ⵕⵕⴰⴷⵢⵓ ⵏ ⴱⴻⵛⵛⴰⵕ.
« ⵉⵖⴻⴱⵍⴰⵏ-ⵏⵏⴻⵖ ⵏ ⵡⴰⵙⵙ-ⴰ ⵔⵣⴰⵏ ⴰⵙⵙⴻⵜⵔⴻⵔ (ⵄⴰⵚⵔⴰⵏⴰ) ⵏ ⵢⵉⵎⴻⵥⵍⴰ (ⵅⴰⴷⴰⵎⴰⵜ) ⵏ ⵜⴱⴰⵏⴽⴰ ⵏ ⵡⴻⵙⵏⴻⴼⵍⵉ ⴰⴷⵉⴳⴰⵏ ⴰⴽⴽⴻⵏ ⴰⴷ ⴷ-ⵉⵍⵉⵏ ⵉ ⵍⵎⴻⵏⴷⴰⴷ ⵏ ⵢⴻⵎⵙⴰⵖⴻⵏ-ⵏⵏⴻⵖ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵎⴰⵙⵙ ⵎⵧⵀⴰⵎⴻⴷ ⴽⴰⵔⵉⵎ, ⴰⵢ ⵉⴳⴰⵏ ⵜⵉⵔⵣⵉ ⵏ ⵓⵅⴻⴷⴷⵉⵎ ⵖⴻⴼ ⴱⴻⵛⵛⴰⵕ, ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ « ⴰⵏⴰⴳⵔⴰⵡ ⴰⴱⴰⵏⴽⴰⵏ (ⵏⵉⴹⴰⵎ ⵎⴰⵚⵔⴰⴼⵉ) ⵢⴻⵡⵊⴻⴷ ⴰⴷ ⴷ-ⵉⵙⴻⵔⵔⴻⵃ ⵉ ⵓⵅⴻⵍⵍⴻⵚ ⵙ ⵉⵏⵜⴻⵔⵏⴻⵜ », ⵎⴰ ⴷ « ⵜⴰⴽⴰⵔⴹⴰ ⵜⴰⴱⴰⵏⴽⴰⵏⵜ ⴰⴷ ⵜⵓⵖⴰⵍ ⵜⴻⵜⵜⵡⴰⵙⵙⴻⵇⴷⴰⵛ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ ⴷⴻⴳ ⵓⴽⴰⵜⴰⵔ ⵏ ⵓⵙⵙⴻⵜⵔⴻⵔ ⵏ ⵢⵉⵎⴻⵥⵍⴰ ⵉⴱⴰⵏⴽⴰⵏⴻⵏ ».
ⴰⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⴱⴰⵏⴽⴰ ⵏ ⵡⴻⵙⵏⴻⴼⵍⵉ ⴰⴷⵉⴳⴰⵏ ⵢⴻⵔⵣⴰ ⵖⴻⴼ ⵜⴻⵎⵚⵓⴽⵉⵏ (ⵀⴰⵢⴰⴽⵉⵍ) ⵢⴻⵎⴳⴻⵔⵔⴰⴷⴻⵏ ⵏ ⵜⵎⴻⵀⵍⴰ (ⵉⴷⴰⵔⴰ) ⵜⴰⵎⵏⴰⴹⴰⵏⵜ ⴷ ⵜⵏⴻⴳⴳⴰ ⵏ ⵜⴱⴰⵏⴽⴰ-ⴰ ⴷⴻⴳ ⴱⴻⵛⵛⴰⵕ, ⵅⴻⴱⴱⵔⴻⵏ-ⵜ-ⵉⴷ ⵖⴻⴼ ⵓⵙⴻⵏⴼⴰⵔ ⵏ ⵍⴻⴱⵏⵉ ⵏ ⵜⵎⴻⵀⵍⴰ ⵜⴰⵎⵏⴰⴹⴰⵏⵜ ⵜⴰⵎⴰⵢⵏⵓⵜ ⵏ ⵜⴱⴰⵏⴽⴰ-ⴰ, ⴷ ⵜⵉⵏ ⴰⴷ ⴷ-ⵢⴻⵍⵀⵓⵏ ⵙ ⵜⵏⴻⴳⴳⵉⵡⵉⵏ ⵏ ⵡⴻⵏⵥⵓⵍ-ⵓⵜⵔⵉⵎ, ⵉ ⵍⵎⴻⵏⴷ ⵏ ⵓⴳⴻⵔⵔⴻⵣ ⵏ ⵡⴻⵃⴷⴰⵕ ⵏ ⵜⴱⴰⵏⴽⴰ-ⴰ ⴷⴻⴳ ⵡⴻⵃⵔⵉⵛ-ⴰ ⵏ ⵜⵎⵓⵔⵜ.
