ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵄⴻⵏⵏⴰⴱⴰ: ⴰⵡⵡⴰⴹ ⵏ ⵓⵖⴻⵔⵔⴰⴱⵓ ⵏ ⵜⴰⵙⵙⵉⵍⵉ 2 ⴰⵢ ⴷ-ⵢⴻⵡⵡⵉⵏ 320 ⵏ ⵢⵉⵎⵉⵏⵉⴳⴻⵏ ⵉⴷⵣⴰⵢⵔⵉⵢⴻⵏ

ⵄⴻⵏⵏⴰⴱⴰ– ⵢⴻⵡⵡⴻⴹ ⵓⵖⴻⵔⵔⴰⴱⵓ ⵏ ⵢⴻⵎⵙⵉⴽⵍⴻⵏ (ⵎⵓⵙⴰⴼⵉⵔⵉⵏ) ⵜⴰⵙⵙⵉⵍⵉ 2 ⴰⵙⵙ ⵏ ⵍⴰⵕⴻⴱⵄⴰ ⵖⴻⵔ ⵓⵙⴰⴳⴻⵏ ⵏ ⵄⴻⵏⵏⴰⴱⴰ (ⵢⵓⵙⴰ-ⴷ ⵙⴻⴳ ⵎⴰⵔⵙⴻⵉⵍⵍⴻ, ⴼⵕⴰⵏⵙⴰ), ⵢⴻⵔⵏⵓ ⵢⴻⵡⵡⵉ-ⴷ ⵢⵉⴷ-ⵙ 324 ⵏ ⵢⵉⵎⵉⵏⵉⴳⴻⵏ ⴷ 233 ⵏ ⵜⴽⴻⵕⵕⵓⵙⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵡⴰⵍⴰ.

ⵉ ⵍⵎⴻⵏⴷ ⵏ ⵓⴳⴻⵔⵔⴻⵣ ⵏ ⵓⵎⵎⴰⴳⴻⵔ-ⵏⵙⴻⵏ, ⵜⴳⴰ-ⴷ ⵜⴻⴷⵡⴰⵏⵜ ⵜⴰⴷⵣⴰⵢⵔⵉⵜ « ⴰⴳⵏⵉⵔ ⴰⵣⴻⴳⵣⴰⵡ » ⵉ ⵜⵡⴰⵛⵓⵍⵉⵏ ⴷ ⵢⴻⵎⵖⴰⵔⴻⵏ, ⵢⴻⵔⵏⵓ ⵏⵏⴰⵏ-ⴷ ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⵏ ⵜⴻⴷⵡⴰⵏⵜ ⴷⴰⴽⴽⴻⵏ ⵜⵜⵡⴰⴷⴷⵎⴻⵏ ⵢⵉⵃⴻⵣⵣⵉⴱⴻⵏ ⵉⵎⴰⵢⵏⵓⵜⴻⵏ ⵉ ⵓⵙⵙⴻⵍⵀⵓ ⵏ ⵜⴻⴳⵏⴰⵜⵉⵏ ⵏ ⵡⴰⴷⴰⴼ ⵏ ⵢⴻⵎⵙⵉⴽⵍⴻⵏ. ⴳⴰⵔ ⵢⵉⵃⴻⵣⵣⵉⴱⴻⵏ-ⴰ, ⵓⵖⴰⵍⴻⵏ, ⵉⵎⵉⵔ-ⴰ, ⵢⴻⵎⵙⵉⴽⵍⴻⵏ ⵣⴻⵎⵔⴻⵏ ⴰⴷ ⴷ-ⴽⴻⵛⴼⴻⵏ ⴰⵏⴻⵛⵜ ⴰⵢ ⵙⵄⴰⵏ ⴷ ⵉⴷⵔⵉⵎⴻⵏ ⵉⵡⴻⵔⴷⴰⵏⵉⵢⴻⵏ ⴷⴻⴳ ⵓⴷⴻⴳ ⵓⵏⵚⵉⴱ ⵏ ⵜⴻⴷⵡⴰⵏⵜ ⵓⵇⴱⴻⵍ ⵎⴰ ⵔⴻⴽⴱⴻⵏ ⴰⵖⴻⵔⵔⴰⴱⵓ, ⴰⵎ ⵡⴰⴽⴽⴻⵏ ⴰⵢ ⵣⴻⵎⵔⴻⵏ ⴰⴷ ⴷ-ⴰⵣⵏⴻⵏ ⵍⴻⴽⵡⴰⵖⴻⴹ ⵏ ⵡⴻⵙⵄⴻⴷⴷⵉ ⵏ ⵙⵙⴻⵍⵄⴰ ⵎⵉ ⴰⵔⴰ ⵉⵍⵉⵏ ⵎⴰⵣⴰⵍ-ⵉⵜⴻⵏ ⴷⴻⴳ ⵓⵖⴻⵔⵔⴰⴱⵓ.

ⵉⵙⵡⵉ ⵏ ⵢⵉⵃⴻⵣⵣⵉⴱⴻⵏ-ⴰ, ⴷⴰⵖ, ⴷ ⴰⵙⵙⴻⵡⵣⴻⵍ ⵏ ⵡⴰⴽⵓⴷ ⵏ ⵓⵙⵙⴻⴼⵇⴻⴷ ⵏ ⵢⵉⵖⴻⵔⵔⵓⴱⴰ ⴰⵢ ⵉⵃⴻⴱⴱⵙⴻⵏ ⴷⴻⴳ ⵢⵉⵙⵓⴳⴰⵏ (ⵎⴰⵡⴰⵏⵉ’) ⵉⴷⵣⴰⵢⵔⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ.

ⴷⴻⴳ ⵓⵏⴻⴱⴷⵓ-ⴰ, ⴰⴷ ⴷ-ⵜⵜⴰⵡⴹⴻⵏ ⵢⵉⵖⴻⵔⵔⵓⴱⴰ ⵖⴻⵔ ⵓⵙⴰⴳⴻⵏ ⵏ ⵄⴻⵏⵏⴰⴱⴰ ⵙⴻⴳ 9 ⵏ ⵢⵉⵎⵓⴽⴰⵏ ⵉⵡⴻⵔⴷⴰⵏⵉⵢⴻⵏ ⴰⴽⴽⴻⵏ ⴰⴷ ⴷ-ⵙⵙⵉⵡⴹⴻⵏ ⵉⵎⵉⵏⵉⴳⴻⵏ ⵉⴷⵣⴰⵢⵔⵉⵢⴻⵏ ⴰⵢ ⵉⵣⴻⴷⵖⴻⵏ ⴷⴻⴳ ⵡⴻⵣⵖⴰⵔ.