ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⵉⵍⴰ: ⵜⵜⵡⴰⵎⴻⴷⵍⴻⵏⵜ 32 ⵏ ⵜⵃⵓⵏⴰ (ⴰⵎⴰⵙⴰⵢ)

ⵎⵉⵍⴰ – 32 ⵏ ⵜⵃⵓⵏⴰ ⴰⵢ ⵢⴻⵜⵜⵡⴰⵎⴻⴷⵍⴻⵏ ⴰⵎⴷⴰⵍ ⴰⴷⴻⴱⵍⴰⵏ ⴷⴻⴳ ⵎⵉⵍⴰ ⵙⴻⴳ ⵡⴰⵙⵎⵉ ⴰⵢ ⵢⴻⴱⴷⴰ ⵔⴻⵎⴹⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ, ⴰⵙⵙ ⵏ ⵍⴰⵕⴻⴱⵄⴰ, ⵜⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵏ ⵜⵏⴻⵣⵣⵓⵜ ⴷ ⵡⴰⵜⵉⴳⴻⵏ (ⴰⵙⵄⴰⵔ).

28 ⵙⴻⴳ ⵜⵃⵓⵏⴰ-ⴰ ⵜⵜⵡⴰⵎⴻⴷⵍⴻⵏⵜ ⵖⴻⴼ ⵍⴵⴰⵍ ⵏ ⵡⴻⵔⴽⴰⴹ ⵏ ⵢⵉⵍⵓⴳⴰⵏ ⵏ ⵜⵏⴻⵣⵣⵓⵜ, ⵎⴰ ⴷ 4 ⵜⵜⵡⴰⵎⴷⵍⴻⵏⵜ ⵖⴻⴼ ⵍⴵⴰⵍ ⵏ ⵜⵖⴰⵔⴰ (ⴵⴰⵡⴷⴰ) ⵏ ⵙⵙⴻⵍⵄⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ (ⵎⵓⴷⵉⵔ) ⵏ ⵜⵏⴻⵣⵣⵓⵜ ⴷ ⵡⴰⵜⵉⴳⴻⵏ, ⵎⵧⵀⴰⵎⴻⴷ ⴷⵊⴻⵎⴰⴰ.

ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵜⵃⵓⵏⴰ ⴰⵢ ⵢⴻⵜⵜⵡⴰⵎⴻⴷⵍⴻⵏ ⵓⵔ ⵙⵄⵉⵏⵜ ⴰⵣⵎⴰⵎ ⵏ ⵜⵏⴻⵣⵣⵓⵜ, ⵓⵔ ⵙⵄⵉⵏⵜ ⵜⵉⴼⴰⵜⵓⵕⵉⵏ, ⵜⵜⴻⴼⴼⵔⴻⵏⵜ ⵙⵙⴻⵍⵄⴰ ⴷⴻⴳ ⵡⴻⵎⴽⴰⵏ ⵓⵔ ⵉⵡⴰⵜⴰⵏ, ⵓⵔ ⵣⴻⴷⴷⵉⴳⵉⵜ ⵏⴻⵖ ⵙⵏⵓⵣⵓⵢⴻⵏⵜ ⵙⵙⴻⵍⵄⴰ ⵡⴰⵔ ⵜⵉⵎⴻⵏⵟⴰⵟⵉⵏ (ⵍⴰⵚⴰ’ⵉⵇ), ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⵜⴻⵜⵜⵡⴰⴹⴹⴻⴼ ⴷⴻⴳ-ⵙⴻⵏⵜ ⵙⵙⴻⵍⵄⴰ ⵙ ⵓⵊⴻⵎⵎⴰⵍ ⵏ 221.000 ⵏ ⵢⵉⴷⵉⵏⴰⵕⴻⵏ.

ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⵎⴻⵀⵍⴰ ⵏ ⵜⵏⴻⵣⵣⵓⵜ ⴷ ⵡⴰⵜⵉⴳⴻⵏ ⵜⴻⵙⵙⴻⴱⴳⴻⵙ 56 ⵏ ⵜⴻⴼⵔⴻⵇⵜⵉⵏ ⵏ ⵓⵙⵙⴻⴼⵇⴻⴷ ⵢⴻⵔⵏⵓ ⴳⴰⵏⵜ 2.356 ⵏ ⵜⵓⴼⴼⵖⵉⵡⵉⵏ ⴷⴻⴳ ⵡⴰⴽⴽ ⵉⵎⵓⴽⴰⵏ ⵏ ⵜⵏⴻⵣⵣⵓⵜ ⵏ ⵜⵡⵉⵍⴰⵢⵜ, ⴷ ⴰⵢⴻⵏ ⴰⵢ ⵢⴻⵙⵙⴰⵡⴹⴻⵏ ⵖⴻⵔ 400 ⵏ ⵢⵉⵕⴰⴱⵓⵍⴻⵏ ⵏ ⵓⵛⴰⵕⴻⵄ ⵏ ⵢⵉⵎⴰⵡⵍⴰⵏ ⵏ ⵜⵃⵓⵏⴰ.

ⵏⵏⵉⴳ ⵢⵉⵃⴻⵣⵣⵉⴱⴻⵏ-ⴰ ⵏ ⵡⴻⵎⵃⴰⵇ ⵏ ⵡⴻⴷⵖⴰⵍ, ⵣⴳⴰⵏⵜ ⵜⵜⴳⴻⵏⵜ ⵜⴻⴼⵔⴻⵇⵜⵉⵏ-ⴰ ⵜⵉⵎⵀⴰⵍ (ⵄⴰⵎⴰⵍⵉⵢⵢⴰⵜ) ⵏ ⵓⵙⵙⴻⴼⵇⴻⴷ ⵙⴻⴳ ⵡⴰⵙⵎⵉ ⴰⵢ ⵢⴻⴱⴷⴰ ⵔⴻⵎⴹⴰⵏ ⴷⴻⴳ ⵡⴰⴽⴽ ⵉⴱⵔⵉⴷⴻⵏ ⵉⵎⴻⵇⵔⴰⵏⴻⵏ ⵏ ⵜⵡⵉⵍⴰⵢⵜ-ⴰ, ⵙ ⵡⴻⵎⵄⴰⵡⴻⵏ ⴷ ⵢⵉⵎⴻⵥⵍⴰ (ⵎⴰⵚⴰⵍⵉⵃ) ⵏ ⵜⵖⴻⵍⵍⵉⵙⵜ, ⴰⴽⴽⴻⵏ ⴰⴷ ⵙⵙⴻⵃⴱⵉⴱⵔⴻⵏ ⵖⴻⴼ ⵓⵇⴰⴷⴻⵔ ⵏ ⵓⵙⵙⵉⵙⵎⴻⴹ ⵉⵡⴰⵜⴰⵏ ⵉ ⵜⵓⵞⵞⵉⵜ ⴰⵢ ⵉⵣⴻⵎⵔⴻⵏ ⴰⴷ ⵜⴻⵅⵚⴻⵔ.