ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵇⴻⴷⴷⴻⵎ-ⴷ ⵎⴰⵙⵙⴰ ⴻⴷⴷⴰⵍⵉⴰ ⴰⵙⴻⵏⴼⴰⵔ ⵏ ⵍⵇⴰⵏⵓⵏ ⵏ ⵓⵙⵙⵓⴷⴷⴻⵙ ⴷ ⵜⵉⴷⴷⵉⵜ ⵏ ⵡⴻⵎⵏⵉ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵜⵇⴻⴷⴷⴻⵎ-ⴷ ⵜⵏⴻⵖⵍⴰⴼⵜ ⵏ ⵡⴰⵙⵙⴰⵖⴻⵏ ⴷ ⵡⴻⵎⵏⵉ, ⴳⵀⴰⵏⵉⴰ ⴻⴷⴷⴰⵍⵉⴰ, ⴰⵙⵙ ⵏ ⵍⴻⵅⵎⵉⵙ, ⵙⴷⴰⵜ ⵜⴻⵙⵎⵉⵍⵜ ⵏ ⵜⵖⴰⵡⵙⵉⵡⵉⵏ ⵏ ⵍⵇⴰⵏⵓⵏ, ⵜⴰⴷⴱⴻⵍⵜ ⴷ ⵜⵍⴻⵍⵍⵉⵢⵉⵏ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⴰⵙⴻⵏⴼⵔ ⵏ ⵍⵇⴰⵏⵓⵏ ⴰⴳⵎⴰⵏⴰⵏ (ⵄⵓⴹⵡⵉ) ⵢⴻⵇⵇⵏⴻⵏ ⵖⴻⵔ ⵓⵙⵙⵓⴷⴷⴻⵙ (ⵜⴰⵏⴹⵉⵎ) ⴷ ⵜⵉⴷⴷⵉⵜ ⵏ ⵡⴻⵎⵏⵉ ⵙ ⵙⵏⴰⵜ ⵏ ⵜⴻⵅⵅⴰⵎⵉⵏ-ⵏⵏⴻⵙ, ⴷ ⵡⴰⵙⵙⴰⵖⴻⵏ-ⵏⵙⴻⵏⵜ ⴷ ⵓⵏⴰⴱⴰⴹ.
ⵜⵇⴻⴷⴷⴻⵎ-ⴷ ⵜⵏⴻⵖⵍⴰⴼⵜ ⴰⴹⵔⵉⵙ-ⴰ ⵏ ⵍⵇⴰⵏⵓⵏ ⵙ ⵡⴻⵃⴷⴰⵕ ⵏ ⵓⵙⴻⵍⵡⴰⵢ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⵎⵧⵀⴰⵎⴻⴷ ⵍⴰⵔⴱⵉ ⵧⵓⵍⴷ ⴽⵀⴻⵍⵉⴼⴰ, ⵢⴻⵔⵏⵓ ⵜⴻⵏⵏⴰ-ⴷ ⴷⴰⴽⴽⴻⵏ ⵍⵇⴰⵏⵓⵏ-ⴰ ⵉⵙⵡⵉ-ⵏⵏⴻⵙ ⴷ ⴰⵙⵙⴻⵎⵜⴰⵡⵉ ⵏ ⵢⵉⵃⴻⵣⵣⵉⴱⴻⵏ ⵏ ⵍⵇⴰⵏⵓⵏ ⴰⴳⵎⴰⵏⴰⵏ ⴰⴽⴽⴻⵏ ⴰⴷ ⵢⴻⴷⴷⵓ ⴷ ⵛⵛⵓⵔⵓⴹ ⴰⵢ ⴷ-ⵢⴻⴷⴷⴰⵏ ⴷⴻⴳ ⵜⵎⴻⵏⴹⴰⵡⵜ ⵜⴰⵎⴰⵢⵏⵓⵜ ⴰⵢ ⵢⴻⵙⵄⴻⴷⴷⴰ ⵡⴻⵎⵏⵉ ⴰⵙⵙ ⵏ 7 ⴼⵓⵕⴰⵕ 2016 ⴷ ⵓⵙⵙⴻⵣⴳⵉ ⵏ ⵢⵉⵎⴰⴳⵔⴰⴷⴻⵏ ⵏ ⵜⵡⴻⵍⵀⴰ ⵖⴻⴼ ⵍⴻⵃⵙⴰⴱ ⵏ ⵓⵙⵙⵓⴹⴹⴻⵏ (ⵜⴰⵔⵇⵉⵎ) ⴰⵢ ⴷ-ⵢⴻⴷⴷⴰⵏ ⴷⴻⴳ ⵜⵎⴻⵏⴹⴰⵡⵜ.
ⵜⴻⵏⵏⴰ-ⴷ ⴷⴰⵖ ⵜⵏⴻⵖⵍⴰⴼⵜ ⵏ ⵡⴰⵙⵙⴰⵖⴻⵏ ⴷ ⵡⴻⵎⵏⵉ ⴷⴰⴽⴽⴻⵏ ⴷⴻⴼⴼⵉⵔ ⵏ ⵙⵉⵏ ⵏ ⵢⵉⵙⴻⴳⴳⴰⵙⴻⵏ ⵏ ⵓⵅⴻⴷⴷⵉⵎ, ⴱⴰⵏⴻⵏ-ⴷ ⵡⵓⴳⵓⵔⴻⵏ ⴷ ⵍⴻⵅⵚⴰⵚⴰⵜ ⴷⴻⴳ ⵓⵙⵙⴻⴼⵄⴻⵍ ⵏ ⴽⵔⴰ ⵏ ⵢⵉⵃⴻⵣⵣⵉⴱⴻⵏ ⵏ ⵍⵇⴰⵏⵓⵏ-ⴰ. ⵙ ⵡⴰⵢⴰ, ⵉⴱⴰⵏ-ⴷ ⴷⴰⴽⴽⴻⵏ ⵜⴻⵔⵔⴰ ⵜⵎⴰⵔⴰ ⴰⴷ ⵢⴻⵜⵜⵡⴰⵙⵙⴻⵍⵀⵓ ⴰⴽⴽⴻⵏ ⴰⴷ ⵉⵇⴰⴷⴻⵔ ⵓⴳⴰⵔ ⴰⵎⴰⴳⵔⴰⴷ ⵡⵉⵙ 132 ⵏ ⵜⵎⴻⵏⴹⴰⵡⵜ ⵢⴻⵔⵏⵓ ⴰⴷ ⴷ-ⵢⵉⵍⵉ ⵡⵓⴳⴰⵔ ⵏ ⵓⵙⵙⴻⵎⵢⵓⴷⴷⴻⵙ (ⵜⴰⵏⵙⵉⵇ) ⴳⴰⵔ ⵓⴷⴰⴱⵓ ⴰⵎⵙⴰⴹⵓⴼ (ⵜⴰⵛⵔⵉⵄⵉ) ⴷ ⵓⴷⴰⴱⵓ ⴰⵙⵍⴻⴽⵎⴰⵏ ⵙ ⵓⵇⴰⴷⴻⵔ ⵏ ⵓⵎⴻⵏⵣⴰⵢ ⵏ ⵓⴱⴻⴹⴹⵓ ⵏ ⵢⵉⴷⵓⴱⴰ.
ⴰⵛⴻⴳⴳⴻⵔ (ⵎⵓⵔⴰⴵⴰⵄⴰ) ⵏ ⵍⵇⴰⵏⵓⵏ-ⴰ ⵢⴻⴱⵏⴰ ⵖⴻⴼ ⵙⵉⵏ ⵏ ⵍⵍⵙⵉⵙⴰⵏ, ⴰⵎⴻⵣⵡⴰⵔⵓ ⴷ ⵜⴰⵍⵖⴰ-ⵏⵏⴻⵙ ⵢⴻⵔⵏⵓ ⵢⴻⵔⵣⴰ ⴰⴱⴻⴷⴷⴻⵍ ⴷⴻⴳ ⵜⵓⵜⵍⴰⵢⵜ ⵙ ⵜⵓⴽⴽⵙⴰ ⵏ ⵢⵉⵔⴻⵎ ⵏ « ⵉⵖⴻⴼ ⵏ ⵓⵏⴰⴱⴰⴹ » ⴷ ⵓⵙⵙⴻⵔⵙⵉ ⵏ ⵢⵉⵔⴻⵎ ⵏ « ⵓⵏⴻⵖⵍⴰⴼ ⴰⵎⴻⵏⵣⵓ » ⴷⴻⴳ ⵡⴻⵎⴽⴰⵏ-ⵏⵏⴻⵙ, ⴷ ⵜⵓⴽⴽⵙⴰ ⵏ ⵢⵉⵔⴻⵎ ⵏ « ⵡⴰⵀⵉⵍ ⵏ ⵓⵏⴰⴱⴰⴹ » ⴷ ⵓⵙⵙⴻⵔⵙⵉ ⵏ ⵢⵉⵔⴻⵎ ⵏ « ⵓⵖⴰⵡⴰⵙ ⵏ ⵜⵉⴳⴰⵡⵜ ⵏ ⵓⵏⴰⴱⴰⴹ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵙⵙⴻⴼⵀⴻⵎ ⵜⵏⴻⵖⵍⴰⴼⵜ.
ⵍⵍⵙⴰⵙ ⵡⵉⵙ ⵙⵉⵏ, ⵖⴻⴼ ⵍⴻⵃⵙⴰⴱ-ⵏⵏⴻⵙ, ⵢⴻⵔⵣⴰ ⵜⵉⵎⵙⴰⵍ ⵜⵉⴳⴻⵊⴷⴰⵏⵉⵏ, ⵢⴻⵔⵏⵓ ⵢⴻⵜⵜⵡⴰⵔⵏⴰ-ⴷ, ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⴱⴹⵉ ⵢⴻⵔⵣⴰⵏ ⴰⵎⴻⴽ ⴰⵔⴰ ⵜⵜⵡⴰⵇⴻⴱⵍⴻⵏ ⵢⴻⵎⵜⴰⵡⴰⵢⴻⵏ ⴷⴻⴳ ⵜⴻⵅⵅⴰⵎⵜ ⵏ ⵡⴰⴷⴷⴰ ⴷ ⵜⴻⵅⵅⴰⵎⵜ ⵏ ⵓⴼⴻⵍⵍⴰ ⵏ ⵡⴻⵎⵏⵉ.
