ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴱⴰⵜⴻⵏⵜ: 100 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵉ ⵢⵉⵎⴻⵏⵖⵉ ⵎⴳⴰⵍ ⵓⵏⵏⴻⵥⵔⴻⴼ (ⴰⵎⴰⵙⴰⵢ)

ⵜⴰⴱⴰⵜⴻⵏⵜ– ⵜⵜⴻⵊⵕⵉⴱⴰ-ⵏⵏⵉ ⵜⵓⵔⴱⵉⵃⵜ ⵏ ⵢⵉⵎⴻⵏⵖⵉ ⵎⴳⴰⵍ ⵓⵏⵏⴻⵥⵔⴻⴼ (ⵜⴰⵚⴰⵃⵃⵓⵔ) ⴷ ⵓⵙⵙⴻⵔⴽⴻⴷ ⵏ ⵢⵉⴳⵉⴷⴰⵏ (ⴽⵓⵜⴱⴰⵏ) ⴷⴻⴳ ⵜⵊⵓⵎⵎⴰ ⵏ 450 ⵏ ⵢⵉⵇⴻⵟⵟⴰⵔⴻⵏ ⴷⴻⴳ ⵜⵖⵉⵡⴰⵏⵜ ⵏ ⴱⵉⵜⴰⵎ (ⵜⴰⴱⴰⵜⴻⵏⵜ) ⴷ ⴰⵢⴻⵏ ⴰⵢ ⴷ-ⵢⴻⵙⵇⴰⵎⴻⵏ 100 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵉ ⵍⵅⴻⵣⵏⴰ ⵏ ⵓⵡⴰⵏⴰⴽ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵖⴻⴼ ⵏ ⵓⵎⴻⵥⵍⵓ ⵏ ⵓⵃⵓⴷⴷⵓ ⵏ ⵡⴰⴽⴰⵍ ⴷ ⵡⴻⵃⵔⴰⵣ ⵏ ⵜⵥⴻⴳⵡⴰ, ⵢⴰⵛⵉⵏⴻ ⴳⴰⵔⵧⵓⵏⵉ.

ⵜⴰⵎⵀⴻⵍⵜ-ⴰ (ⵄⴰⵎⴰⵍⵉⵢⵢⴰ) ⴰⵢ ⴷ-ⵢⴻⵍⵍⴰⵏ ⴳⴰⵔ 2006 ⴷ 2010 ⴷ ⵜⵉⵏ ⴰⵢⴷⴻⴳ ⵥⵥⴰⵏ ⵜⵉⵣⴻⵎⵔⵉⵏ ⴷⴻⴳ 5.000 ⵏ ⵢⵉⵇⴻⵟⵟⴰⵔⴻⵏ ⵏ ⵡⴰⴽⴰⵍ ⵢⴻⵔⵏⵓ ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵜⵣⴻⵎⵔⵉⵏ-ⵏⵏⵉ ⴱⴷⴰⵏⵜ ⵜⵜⴰⴼⴽⴻⵏⵜ-ⴷ ⴰⵣⴻⵎⵎⵓⵔ, ⴰⵎ ⵡⴰⴽⴽⴻⵏ ⴰⵢ ⴷ-ⵀⴻⵢⵢⴰⵏ 190 ⵏ ⵜⵎⴻⴷⵡⴰ ⵉ ⵡⴻⵙⵙⵡⴰⵢ ⵏ ⵡⴰⴽⴰⵍ ⵉ ⵍⵎⴻⵏⴷ ⵏ ⵓⵙⵙⴻⵔⴽⴻⴷ ⵏ ⵢⵉⵎⴻⵣⴷⴰⵖⴻⵏ ⵉⴷⵉⴳⴰⵏⴻⵏ (ⵎⴰⵃⴰⵍⵍⵉⵢⵢⴰ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵏ ⵏ ⵡⴰⵙⵙ ⵏ ⵡⴻⵣⵔⴰⵡ ⴰⵢ ⴷ-ⵢⴻⵍⵍⴰⵏ ⴷⴻⴳ ⵡⴻⴼⵔⴰⴳ ⴰⵖⴻⵍⵏⴰⵡ ⵏ ⴱⴻⵍⵍⴻⵣⵎⴰ ⵉ ⵍⵎⴻⵏⴷ ⵏ ⵡⴰⵙⵙ ⴰⵏⵎⴰⴹⴰⵍ ⵏ ⵢⵉⵎⴻⵏⵖⵉ ⵎⴳⴰⵍ ⵓⵏⵏⴻⵥⵔⴻⴼ.

ⵜⴻⵙⵙⴰⵡⴻⴹ ⵜⵜⴻⵊⵕⵉⴱⴰ-ⴰ ⵖⴻⵔ « ⵓⵄⴰⵡⴻⴷ ⵏ ⵡⴻⵎⵖⴰⵢ ⵏ ⵜⴷⵓⵍⵉ ⵏ ⵢⴻⵎⵖⴰⵏ ⵢⴻⵍⵍⴰⵏ ⴷⴻⴳ ⵜⴻⵎⵏⴰⴹⵜ ⵏ ⴱⵉⵜⴰⵎ ⵢⴻⵔⵏⵓ ⵢⴻⴳⵍⴰ-ⴷ ⵡⴰⵢⴰ ⵙ ⵍⴼⴰⵢⴷⴰ ⵜⴰⴷⴰⵎⵙⴰⵏⵜ-ⵜⴰⵏⵎⴻⵜⵜⵉⵜ ⵜⵓⵙⵔⵉⴷⵜ ⵉ ⵢⵉⵎⴻⵣⴷⴰⵖⴻⵏ ⵏ ⵜⴻⵎⵏⴰⴹⵜ-ⴰ », ⵉⵎⵉ ⴰⵢ ⵓⵖⴰⵍⴻⵏ ⵍⴻⵇⵇⴹⴻⵏ ⴰⵣⴻⵎⵎⵓⵔ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴰⴼⵙⴻⵙ ⵡⴰⵢⴰ ⴰⴷⴰⴼ ⵏ ⵢⵉⴳⴻⵔⴷⴰⵏ ⵖⴻⵔ ⵓⵖⴻⵔⴱⴰⵣ ⴷ ⵓⵙⵙⴻⵏⵇⴻⵙ ⴷⴻⴳ ⵡⴰⴹⴹⴰⵏⴻⵏ ⵏ ⵜⵉⵟⵟⴰⵡⵉⵏ ⴷ ⵓⵏⴻⴼⴼⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵔⴰⵛⵀⵉⴷⴰ ⴽⴰⴷⵀⵉ ⴰⵢ ⴷ-ⵉⴳⴰⵏ ⵜⴰⵙⴻⵔⵙⵉⵜ (ⵓⵟⵔⵓⵃⴰ) ⵏ ⵓⵎⴰⵙⵜⵉⵔ ⵡⵉⵙ 2 ⴷⴻⴳ ⵜⴻⵙⴷⴰⵡⵉⵜ ⵏ ⵎⵧⵏⵜⵒⴻⵍⵍⵉⴻⵔ (ⴼⵕⴰⵏⵙⴰ) ⵖⴻⴼ ⵜⴻⵎⵙⴰⵍⵜ-ⴰ.

ⵉⵖⴻⵔⵎⴰⵏ ⵏ ⵡⵍⴰⴷ ⴵⵃⵉⵛ, ⵎⴻⴽⵙⴻⵎ ⴹⴰⵢⴰ ⴷ ⵍⴻⴽⵔⴰⵔⵉⴼ ⵜⵓⵖⴰⵍ-ⴷ ⵖⴻⵔ-ⵙⴻⵏ ⵜⵓⴷⴻⵔⵜ ⵙ ⵛⵛⵖⴻⵍ-ⴰ ⵏ ⵜⵔⵉⵔⵉⵜ ⵏ ⵜⵉⵣⵣⴻⴳⵣⴻⵡⵜ ⵉ ⵜⴻⵎⵏⴰⴹⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵙⴷⴰⵡⴰⵏⵜ-ⴰ.

ⵙⴻⴳ ⴳⴰⵔ 450 ⵏ ⵢⵉⵙⴻⵏⴼⴰⵔⴻⵏ ⴰⵢ ⵜⴻⵇⴱⴻⵍ ⵜⴻⴷⴱⴻⵍⵜ ⵏ ⵡⴻⵃⵔⴰⵣ ⵏ ⵜⵥⴻⴳⵡⴰ ⴳⴰⵔ 2009 ⴷ 2014 ⵙ ⵡⴰⵣⴰⵍ ⵏ 4,5 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ, 80 ⵙⴻⴳ-ⵙⴻⵏ ⵙⵇⴰⵎⴻⵏ-ⴷ 2 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⵢⴻⵔⵏⵓ ⵜⵜⵡⴰⵙⵇⴻⴷⵛⴻⵏ ⵉ ⵢⵉⵎⴻⵏⵖⵉ ⵎⴳⴰⵍ ⵓⵏⵏⴻⵥⵔⴻⴼ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴳⴰⵔⵧⵓⵏⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ 25 ⵙⴻⴳ 61 ⵏ ⵜⵖⵉⵡⴰⵏⵉⵏ ⵏ ⵜⴱⴰⵜⴻⵏⵜ ⵙⵄⴰⵏⵜ ⵢⴰⴳⵉ ⵍⵓⵎⵉⵕⴰⵜ ⵏ ⴱⴻⴷⴷⵓ ⵏ ⵓⵏⵏⴻⵥⵔⴻⴼ ⵢⴻⵔⵏⵓ 18 ⵙⴻⴳ-ⵙⴻⵏⵜ ⵃⵡⴰⵊⴻⵏⵜ ⵛⵛⵖⴻⵍ ⵓⵄⵊⵉⵍ ⵉ ⵡⴻⵃⴱⴰⵙ ⵏ ⵡⴻⵅⵚⴰⵔ ⵏ ⵡⴰⴽⴰⵍ-ⵏⵙⴻⵏⵜ ⴰⵏⵣⴰⵡⴰⵖ (ⵙⵓⵀⴱⵉ).