ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴳⵎⵓⴹ ⵏ ⵡⵉⴷ ⵉⵔⴻⴱⵃⴻⵏ ⴰⴽⴰⵢⴰⴷ ⵓⵙⴻⵍⵎⴻⴷ ⴰⵍⴻⵎⵎⴰⵙ ⵢⴻⵡⵡⴻⴹ 54,42 % (ⴰⵖⵍⵉⴼ)

ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ – ⴰⵣⴰⵍ ⵏ ⵡⵉⴷ ⵉⵔⴻⴱⵃⴻⵏ ⴰⴽⴰⵢⴰⴷ ⵓⵙⴻⵍⵎⴻⴷ ⴰⵍⴻⵎⵎⴰⵙ (ⴱⴻⵎ), ⵜⴰⴷⵡⵉⵍⵜ ⵏ ⵢⵓⵏⵢⵓ 2016, ⴷⵉ ⵢⴰⵍ ⵜⴰⵎⵏⴰⴹⵜ ⵏ ⵜⵎⵓⵔⵜ ⵢⴻⵡⵡⴻⴹ ⵖⴻⵔ 54,42 %, ⵉⴷ-ⵢⴻⵏⵏⴰ ⴰⵙⵙ ⵏ ⵍⵊⴻⵎⵄⴰ ⵓⵎⴰⵙⵡⴰⴹ ⴰⵎⴰⵜⵓ ⵏ ⵡⴻⵖⵍⵉⴼ ⵓⵙⴻⴳⵎⵉ ⴰⵖⴻⵍⵏⴰⵡ, ⵎⴻⵙⵙⴻⴳⵓⴻⵎ ⵏⴻⴷⵊⴰⴷⵉ, ⴷⴻⴳ ⵓⵎⴰⵟⵟⴰⴼ ⴰⵖⴻⵍⵏⴰⵡ.

ⵍⵍⴰⵏ 559 926 ⵏ ⵢⴻⵎⴽⴻⵢⴷⴻⵏ ⴳⴰⵔ-ⴰⵙⴻⵏ 271 856 ⴷ ⵉⵇⵛⵉⵛⴻⵏ ⴷ 288 070 ⴷ ⵜⵉⵇⵛⵉⵛⵉⵏ ⵜⵜⵡⴰⵊⴻⵔⴷⴻⵏ ⵉ ⵓⴽⴰⵢⴰⴷ-ⴰⴳⵉ, ⵖⴻⴼ ⵍⴰⵃⵙⴰⴱ ⵏ ⵡⵉⴷ ⵢⴻⵙⵙⵓⴷⴷⵙⴻⵏ ⴰⴽⴰⵢⴰⴷ (ⵧⵏⴻⵛ).

ⴰⵣⴰⵍ ⵏ ⵡⵉⴷ ⵉⵔⴻⴱⵃⴻⵏ ⵢⴻⵍⵍⴰ ⵢⴻⵡⵡⴻⴹ ⴷⴻⴳ ⵓⵙⴻⴳⴳⴰⵙ ⵢⴻⵣⵔⵉⵏ ⵖⴻⵔ 53,97 % ⵎⴰ ⴷ ⴰⴳⵎⵓⴹ ⴰⵄⵍⴰⵢⴰⵏ ⴷⴻⴳ ⵙⴻⵎⵎⵓⵙ ⵉⵙⴻⴳⴳⴰⵙⴻⵏ ⵢⴻⵣⵔⵉⵏ ⴷ ⵡⵉⵏ ⵏ 2012 ⵢⴻⵡⵡⴹⴻⵏ ⵖⴻⵔ 72,10 %.