ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⴳⴰⵔ ⵏ 10.000 ⵏ ⵢⵉⴳⴻⵔⴷⴰⵏ ⴰⵔⴰ ⵢⴻⴷⴷⵓⵏ ⵖⴻⵔ ⵢⴻⴳⵔⵉⵔⴻⵏ ⵏ ⵢⵉⵎⵓⵔⴰⵙ ⴷⴻⴳ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵜⴻⵏⵏⴰ-ⴷ ⵜⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⴷⴰⴽⴽⴻⵏ ⴰⴷ ⵜⴻⵎⵎⴰⴳⴻⵔ, ⴷⴻⴳ ⵜⵙⴻⵎⵀⵓⵢⵜ-ⴰ ⵏ ⵢⵉⵎⵓⵔⴰⵙ ⵏ ⵓⵏⴻⴱⴷⵓ, ⵓⴳⴰⵔ ⵏ 10.000 ⵏ ⵢⵉⴳⴻⵔⴷⴰⵏ ⵙⴻⴳ ⵜⵡⵉⵍⴰⵓⵉⵏ ⵏ ⵡⴻⵏⵥⵓⵍ ⵏ ⵜⵎⵓⵔⵜ ⴷ ⵜⴰⴷⴷⴰⵔⵜ ⵏ ⵎⵉⵀⵓⴱ (ⵍⴻⵎⴷⴻⵢⵢⴰ).

ⵉⵡⴻⴽⴽⴻⴷ-ⴷ ⵓⵏⴻⵎⵀⴰⵍ (ⵎⵓⴷⵉⵔ) ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ, ⵎⴰⵙⵙ ⴽⵔⴰⵛⵀⴻ ⵜⴰⵔⴻⴽ, ⴰⵙⵙ ⵏ ⵍⵃⴻⴷⴷ, ⴷⴰⴽⴽⴻⵏ 6 ⵏ ⵡⴰⵎⵎⴰⵙⴻⵏ ⵏ ⵢⵉⵎⵓⴰⵙ ⴰⵢ ⴷ-ⵢⴻⵙⵙⴻⵡⵊⴻⵏ ⵡⴻⵖⵍⵉⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ ⵉ « ⵓⵎⵎⴰⴳⴻⵔ ⵏ ⵡⵓⴳⴰⵔ ⵏ 10.000 ⵏ ⵢⵉⴳⴻⵔⴷⴰⵏ ⵙⴻⴳ ⵜⵡⵉⵍⴰⵢⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵡⴻⵏⵥⵓⵍ, ⴳⴰⵔ-ⴰⵙⴻⵏⵜ ⵍⴻⵖⵡⴰⵟ, ⵜⴰⵎⴻⵏⵖⴻⵙⵜ, ⵡⴰⵔⴻⴳⵍⴰ ⴷ ⴰⴷⵔⴰⵔ ».

ⵢⴻⵏⵏⴰ-ⴷ ⵎⴰⵙⵙ ⴽⵔⴰⵛⵀⴻ ⴷⴰⴽⴽⴻⵏ ⵉⴳⵔⵉⵔⴻⵏ-ⴰ (ⵎⵓⵅⴰⵢⵢⴰⵎⴰⵜ) ⵏ ⵢⵉⵎⵓⵔⴰⵙ ⵓⵙⴰⵏ-ⴷ ⴷⴻⴳ 4 ⵏ ⵢⵉⴷⴻⴳⴳⴻⵏ ⵉⵎⴻⵇⵔⴰⵏⴻⵏ, ⵢⴻⵔⵏⵓ ⵡⵉⴷ ⴷ ⵙⵉⴷⵉ ⴼⵕⴻⴵ, ⵙⵟⴰⵡⴰⵍⵉ, ⵣⵣⵔⴰⴷⵍⴰ ⴷ ⵇⴰⴷⵓⵙ, ⵜⵜⵡⴰⵀⴻⵢⵢⴰⵏ-ⴷ ⵉ ⵍⵎⴻⵏⴷ ⵏ ⵡⴰⵢⴰ ⵢⴻⵔⵏⵓ ⵙⵄⴰⵏ ⵉⵅⴻⴷⴷⴰⵎⴻⵏ ⵉⴷⴻⴱⵍⴰⵏⴻⵏ ⴷ ⵢⴻⵙⵏⴰⵊⵢⴰⵏⴻⵏ ⵉ ⵍⵎⴻⵏⴷ ⵏ ⵡⴻⴱⴷⴰⴷ ⵉⵡⴰⵜⴰⵏ ⵉ ⵢⵉⴳⴻⵔⴷⴰⵏ ⴰⵔⴰ ⵢⴻⵙⵄⴻⴷⴷⵉⵏ ⵉⵎⵓⵔⴰⵙ-ⵏⵙⴻⵏ. ⴰⴷ ⴷ-ⵉⵍⵉⵏⵜ 5 ⵏ ⵜⴻⴷⵡⵉⵍⵉⵏ ⵏ ⵢⵉⵎⵓⵔⴰⵙ ⵢⴻⵔⵏⵓ ⴰⴷ ⵉⴼⴰⴽ ⵛⵛⵖⴻⵍ-ⴰ ⴷⴻⴳ ⵜⴳⴰⵔⴰ ⵏ ⵖⵓⵛⵜ.

ⴰⵎⵎⴰⵙ ⵏ ⵢⵉⵎⵓⵔⴰⵙ ⵏ ⵙⵉⴷⵉ ⴼⵕⴻⴵ ⴰⴷ ⵢⴻⵎⵎⴰⴳⴻⵔ 300 ⵏ ⵢⵉⴳⴻⵔⴷⴰⵏ ⴷⴻⴳ ⵢⴻⴳⵔⵉⵔⴻⵏ ⵏ « ⴻⵍ ⴰⵎⴻⵍ » ⴷ « ⵉⴱⵏ ⵅⴻⵍⴷⵓⵏ ». ⵉⴳⵔⵉⵔⴻⵏ ⵏ « ⵍⵎⴻⵇⵔⴰⵏⵉ » ⴷ « ⵉⴱⵏ ⴱⴰⴷⵉⵙ » ⴰⴷ ⵎⵎⴰⴳⵔⴻⵏ 250 ⵏ ⵢⵉⴳⴻⵔⴷⴰⵏ. 200 ⵏ ⵢⵉⴳⴻⵔⴷⴰⵏ ⵏⵉⴹⴻⵏ ⴰⴷ ⵇⵇⵉⵎⴻⵏ ⴷⴻⴳ ⵢⴻⴳⵔⵉⵔⴻⵏ ⵏ ⵢⴻⵙⴽⵓⵜⵉⵢⴻⵏ ⵉⵏⵙⴻⵍⵎⴻⵏ ⵉⴷⵣⴰⵢⵔⵉⵢⴻⵏ. ⴰⴷⴻⴳ ⵏ ⵣⵣⵔⴰⴷⵍⴰ ⴰⴷ ⴷ ⵢⴻⵣⴳⵔⵉⵔⴻⵏ ⵏ ⵍⵇⴰⴷⵓⵙ (ⵜⴰⵖⵉⵡⴰⵏⵜ ⵏ ⵀⵔⴰⵡⴰ) ⴰⴷ ⵎⵎⴰⴳⵔⴻⵏ 250 ⵏ ⵢⵉⴳⴻⵔⴷⴰⵏ.

ⵖⴻⴼ ⵍⴻⵃⵙⴰⴱ ⵏ ⵎⴰⵙⵙ ⴽⵔⴰⵛⵀⴻ, ⵙⴻⴳ ⴳⴰⵔ 10.000 ⵏ ⵢⵉⴳⴻⵔⴷⴰⵏ ⴰⵔⴰ ⴷ-ⵢⴰⵙⴻⵏ ⴷⴻⴳ ⵓⵏⴻⴱⴷⵓ-ⴰ, 5000 ⵙⴻⴳ-ⵙⴻⵏ ⴷ ⴰⵔⵔⴰⵡ ⵏ ⵢⵉⵄⴻⵙⵙⴰⵙⴻⵏ ⵏ ⵜⵖⵉⵡⴰⵏⵉⵏ, ⵎⴰ ⴷ ⵡⵉⵢⴰⴹ ⵓⵙⴰⵏ-ⴷ ⵙⴻⴳ ⵜⴰⴷⴷⴰⵔⵜ ⵏ ⵎⵉⵀⵓⴱ (ⵜⴰⵡⵉⵍⴰⵢⵜ ⵏ ⵍⴻⵎⴷⴻⵢⵢⴰ) ⴰⵢ ⵜⵃⵓⵣⴰ ⵜⵣⴻⵏⵣⴻⵍⵜ ⴷⴻⴳ ⵡⴰⵢⵢⵓⵔ ⵏ ⵎⴰⵢⵓ ⵢⴻⵣⵔⵉⵏ.