ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⴷ ⴷ-ⵢⴻⵜⵜⵡⴰⴹⴹⴻⴼ ⵓⵣⵣⵉⴽⵉⵜ ⵏ ⵡⴻⵙⵙⵡⴰⵢ ⵏ ⵡⵍⴰⴷ ⵃⴻⵎⵍⴰ ⴷⴻⴳ ⵢⴻⴱⵔⵉⵔ ⵏ 2017
ⵓⵎ ⵍⴻⴱⵡⴰⵇⵉ– ⴰⴷ ⵜⴻⵔⵏⵓ ⵜⵊⵓⵎⵎⴰ ⵏ ⵡⴰⴽⴰⵍ ⵢⴻⵜⵜⵡⴰⵙⵙⵡⴰⵢⴻⵏ ⴷⴻⴳ ⵜⵡⵉⵍⴰⵢⵜ ⵏ ⵓⵎ ⵍⴻⴱⵡⴰⵇⵉ ⵙⴻⴳ-ⴰ ⵖⴻⵔ ⵢⴻⴱⵔⵉⵔ ⵏ 2017 ⵖⴻⵔ 2.274 ⵏ ⵢⵉⵇⴻⵟⵟⴰⵔⴻⵏ ⴰⵙⵎⵉ ⴰⵔⴰ ⴷ-ⵢⴻⵡⵊⴻⴷ ⵓⵣⵣⵉⴽⵉⵜ (ⵎⵓⵃⵉⵟ) ⵏ ⵡⴻⵙⵙⵡⴰⵢ ⵏ ⵜⵖⵉⵡⴰⵏⵜ ⵏ ⵡⵍⴰⴷ ⵃⴻⵎⵍⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ (ⵎⵓⴷⵉⵔ) ⵏ ⵓⵙⴻⵏⴼⴰⵔ-ⴰ.
ⴰⵙⵎⵉ ⴰⵔⴰ ⵉⴼⴰⴽ ⵓⵙⵙⴻⵔⵙⵉ ⵏ ⵢⵉⵊⴻⵄⴱⵓⴱⴻⵏ ⴷ ⵓⵀⴻⵢⵢⵉ ⵏ ⵜⴻⵣⵔⵉⴱⵉⵏ ⴷⴻⴳ ⵢⵉⴽⴰⵍⴻⵏ ⵏ ⵜⴽⴻⵔⵔⴰⵣⵜ, ⴰⴷ ⵢⴻⵜⵜⵡⴰⵖⴻⵍⵍⴻⵜ ⵓⵣⵣⵉⴽⵉⵜ-ⴰ ⵉ ⵡⴻⵙⴼⵓⵍⵍⴻⵃ ⵏ ⵢⵉⵎⴻⵏⴷⵉ (ⵃⵓⴱⵓⴱ), ⵜⵉⴷⴰⵍ ⵜⵉⴽⵉⵡⴰⵏⵉⵏ ⴷ ⵜⵉⴷⴰⵍ ⵜⵉⵣⴻⴳⵣⴰⵡⵉⵏ ⴰⵎ ⵍⴱⴰⵟⴰⵟⴰ, ⵟⵓⵎⴰⵟⵉⵛ, ⴰⵥⴰⵍⵉⵎ ⴷ ⵜⴻⵙⴽⴻⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⴰⵎⴰⵏ ⵏ ⵓⵣⵣⵉⴽⵉⵜ-ⴰ ⴰⴷ ⴷ-ⴽⴽⴻⵏ ⵙⴻⴳ ⵡⵓⴳⴳⵓⴳ (ⵙⴰⴷⴷ) ⵏ ⴱⵏⵉ ⵀⴰⵕⵓⵏ ⴷⴻⴳ ⵎⵉⵍⴰ, ⵢⴻⵔⵏⵓ ⴰⵙⵎⵉ ⴰⵔⴰ ⴷ-ⵢⴻⵡⵊⴻⴷ, ⴰⴷ ⵢⵓⵖⴰⵍ ⴷ ⵡⵉⵙ ⵙⵉⵏ ⴷⴻⴳ ⵜⵡⵉⵍⴰⵢⵜ ⵏ ⵓⵎ ⵍⴻⴱⵡⴰⵇⵉ ⴰⵢⴷⴻⴳ ⵢⴻⵍⵍⴰ ⴷⴰⵖ ⵓⵣⵣⵉⴽⵉⵜ ⵏ ⵇⵚⴻⵔ ⵚⴱⵉⵃⵉ ⵢⴻⵙⵄⴰⵏ 2.242 ⵏ ⵢⵉⵇⴻⵟⵟⴰⵔⴻⵏ ⵏ ⵡⴰⴽⴰⵍ ⵏ ⵜⴽⴻⵔⵔⴰⵣⵜ. ⵜⴰⵊⵓⵎⵎⴰ ⵏ ⵓⵣⵣⵉⴽⵉⵜ-ⴰ ⴰⴷ ⵜⴻⵔⵏⵓ ⵙ 500 ⵏ ⵢⵉⵇⴻⵟⵟⴰⵔⴻⵏ ⴷⴻⴼⴼⵉⵔ ⵎⴰ ⵢⴻⵙⵙⵓⵎⴻⵔ-ⴷ ⵓⵡⴰⵍⵉ ⵉ ⵓⵏⴻⵖⵍⴰⴼ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ ⴰⵢⴰ ⴰⵙⵎⵉ ⴰⵢ ⴷ-ⵢⴻⵔⵣⴰ ⵓⵏⴻⴳⴳⴰⵔⵓ-ⴰ ⵖⴻⴼ ⵜⵡⵉⵍⴰⵢⵜ-ⴰ. ⵙ ⵡⴰⵢⴰ, ⴰⵣⵣⵉⴽⵉⵜ ⵏ ⵡⴻⵙⵙⵡⴰⵢ ⵏ ⵓⵣⵣⵉⴽⵉⵜ-ⴰ ⴰⴷ ⵜⴰⵡⴻⴹ 2.774 ⵏ ⵢⵉⵇⴻⵟⵟⴰⵔⴻⵏ ⵢⴻⵔⵏⵓ ⴰⴷ ⴷ-ⵜⵃⴰⵣ ⵓⴳⴰⵔ ⵏ ⵢⵉⴽⴻⵔⵔⴰⵣⴻⵏ.
ⵢⴻⵡⵡⴻⴹ ⵓⵙⴻⵏⴼⴰⵔ-ⴰ ⵖⴻⵔ ⵡⴻⴼⵎⵉⴹⵉ (ⵏⵉⵙⴱⴰ) ⵏ 22%, ⵢⴻⵔⵏⵓ ⴰⵙⵎⵉ ⴰⵔⴰ ⴷ-ⵢⴻⵡⵊⴻⴷ, ⴰⴷ ⵢⴻⵙⵙⴻⵊⵀⴻⴷ ⴰⴼⴰⵔⴻⵙ ⴰⵏⴽⴻⵔⵔⴰⵣ ⵏ ⵜⵡⵉⵍⴰⵢⵓⵜ-ⴰ ⴰⵎ ⵡⴰⴽⴽⴻⵏ ⴰⵔⴰ ⴷ-ⵢⴻⵅⵍⴻⵇ ⴰⵟⴰⵙ ⵏ ⵢⵉⵅⴻⴷⴷⵉⵎⴻⵏ ⵉⵎⴰⵢⵏⵓⵜⴻⵏ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵍⴰ ⴷ-ⵜⴻⵜⵜⵉⵍⵉ ⵜⴻⵣⵔⴰⵡⵜ (ⴷⵉⵔⴰⵙⴰ) ⵉ ⵓⵀⴻⵢⵢⵉ ⵏ ⵓⵣⵣⵉⴽⵉⵜ ⵏ ⵡⴻⵙⵙⵡⴰⵢ ⵡⵉⵙ 3 ⵏ 2.000 ⵏ ⵢⵉⵇⴻⵟⵟⴰⵔⴻⵏ ⴷⴻⴳ ⵄⵉⵏ ⵍⴽⴻⵔⵛⴰ ⴷ ⵍⵀⴻⵔⵎⴰⵍⴻⵢⵢⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵡⵊⴻⴷ ⵜⴻⵣⵔⴰⵡⵜ ⵏ ⵢⵉⵡⴻⵏ ⵏ ⵓⵣⵣⵉⴽⵉⵜ ⵏ 82 ⵏ ⵢⵉⵇⴻⵟⵟⴰⵔⴻⵏ ⴷⴻⴳ ⴱⵧⵓⴳⵀⵔⴰⵔⴰ-ⵙⴰⵧⵓⴷⵉ, ⴷ ⵢⵉⵡⴻⵏ ⵏ ⵓⵣⵣⵉⴽⵉⵜ ⵏ 2.000 ⵏ ⵢⵉⵇⴻⵟⵟⴰⵔⴻⵏ ⴷⴻⴳ ⵎⴻⵙⴽⵢⴰⵏⴰ. ⵉⵙⴻⵏⴼⴰⵔⴻⵏ-ⴰ ⴰⴷ ⵙⵎⴻⵖⵔⴻⵏ ⵜⴰⵊⵓⵎⵎⴰ ⵏ ⵡⴰⴽⴰⵍ ⵢⴻⵜⵜⵡⴰⵙⵙⵡⴻⵏ ⴷⴻⴳ ⵜⵡⵉⵍⴰⵢⵜ-ⴰ ⵖⴻⵔ ⵓⵊⴻⵎⵎⴰⵍ ⵏ 11.636 ⵏ ⵢⵉⵇⴻⵟⵟⴰⵔⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
