ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴻⵡⵡⵉ-ⴷ ⵜⴻⵖⵍⴰⵎⵜ ⵏ ⴰⵊ ⴰⵓⵅⴻⵔⵔⴻ ⴰⵎⴰⵔⵉⵔ ⴳⵀⵉⵙⵍⴰⵉⵏ ⴳⵓⴻⵙⵙⴰⵏ ⴰⴽⴽⴻⵏ ⴰⴷ ⵜ-ⵜⴻⵄⵔⴻⴹ
ⵒⴰⵔⵉⵙ– ⴰⵎⴻⵏⵟⴰⴳ ⴰⵇⴱⵓⵔ ⵉⵠⵡⴰⵕⵉ ⵏ ⵔⵛ ⵍⴰⵕⴻⴱⵄⴰ, ⴳⵀⵉⵙⵍⴰⵏ ⴳⵓⴻⵙⵙⴰⵏ, ⵢⴻⴷⴷⴰ ⴰⴷ ⵢⵓⵔⴰⵔ ⴷⴻⴳ ⴰⵊ ⴰⵓⵅⴻⵔⵔⴻ (ⵜⴰⵎⵖⵓⵏⵜ ⵜⵉⵙ 2 ⵏ ⴼⵕⴰⵏⵙⴰ) ⴰⴽⴽⴻⵏ ⴰⴷ ⵢⴻⵜⵜⵡⴰⵄⵔⴻⴹ ⵢⴻⵔⵏⵓ ⴰⴷ ⵜⵥⴻⵔ ⵜⴻⵖⵍⴰⵎⵜ-ⴰ ⵎⴰ ⵜ-ⵜⴻⵙⵙⵉⴷⴻⴼ ⵏⴻⵖ ⵓⵀⵓ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵖⴻⵎⵙⴰ ⵜⴰⴷⵉⴳⴰⵏⵜ (ⵎⴰⵃⴰⵍⵍⵉⵢⵢⴰ) ⴰⵙⵙ ⵏ ⵜⵜⵍⴰⵜⴰ.
ⴷⴻⴳ ⵜⵙⴻⵎⵀⵓⵢⵜ (ⵎⴰⵡⵙⵉⵎ) ⵢⴻⵣⵔⵉⵏ, ⵢⴻⵙⵙⴰⴷⴻⴼ ⴳⵀⵉⵙⵍⴰⵉⵏ (23 ⵏ ⵢⵉⵙⴻⴳⴳⴰⵙⴻⵏ) 10 ⵏ ⵢⴻⵙⵡⴰⵏ ⵉ ⵍⴼⴰⵢⴷⴰ ⵏ ⵜⴻⵖⵍⴰⵎⵜ ⵏ ⵔⵛ ⵍⴰⵕⴻⴱⵄⴰ (ⴰⵢ ⵢⴻⵖⵍⵉⵏ ⵖⴻⵔ ⵜⴻⵎⵖⵓⵏⵜ ⵜⵉⵙ 2 ⵏ ⵍⴷⵣⴰⵢⴻⵔ). ⴰⵙⵙ ⵏ ⵍⴻⵜⵏⵉⵢⴻⵏ, ⵢⴻⴱⴷⴰ ⴰⵙⵍⴻⵖⵎⵓ-ⵏⵏⴻⵙ (ⵜⴰⴷⵔⵉⴱ) ⴷⴻⴳ ⵜⴻⵖⵍⴰⵎⵜ ⵏ ⴰⵊ ⴰⵓⵅⴻⵔⵔⴻ.
ⵎⴻⵏⵖⵉⵔ ⴰⵓⵅⴻⵔⵔⴻ, ⴱⵖⴰⵏⵜ ⴷⴰⵖ ⵜⴻⵖⵍⴰⵎⵉⵏ ⵏ ⵠⴰⵍⴻⵏⵛⴻ, ⵏⵉⵎⴻⵙ ⴷ ⵜⵔⵧⵢⴻⵙ ⴰⴷ ⴷ-ⵙⵙⵉⴷⴼⴻⵏⵜ ⴰⵎⴰⵔⵉⵔ-ⴰ, ⴰⵎ ⵡⴰⴽⴽⴻⵏ ⴰⵢ ⵍⴰ ⴷ-ⵙⵙⴻⵇⵙⴰⵢⴻⵏⵜ ⴼⴻⵍⵍ-ⴰⵙ ⴷⴰⵖ ⵜⴻⵖⵍⴰⵎⵉⵏ ⵙⴻⴳ ⵍⴰⵍⵎⴰⵏ ⴷ ⵟⵟⴻⵔⴽ.
ⴰⵎⴻⵏⵟⴰⴳ-ⴰ (ⵎⵓⵀⴰⴵⵉⵎ) ⵉⵠⵡⴰⵕⵉ ⵢⴻⵍⵍⴰ, ⵏⴰⵇⴰⵍ, ⴷⴻⴳ ⵡⴰⵎⵎⴰⵙ ⵏ ⵓⵙⵙⵉⵍⴻⵖ (ⵜⴰⴽⵡⵉⵏ) ⵏ ⵏⴰⵏⵜⴻⵙ, ⵎⴰⵛⴰ ⵢⴻⵜⵜⵡⴰⵥⵥⴻⵄ-ⴷ ⵙⴻⴳ-ⵉⵏ ⵖⴻⴼ ⵍⴵⴰⵍ ⵏ ⴽⵔⴰ ⵏ ⵜⵓⴼⴼⵖⵉⵡⵉⵏ ⵉ ⵡⴻⴱⵔⵉⴷ. ⵙⴰⴽⴽⵉⵏ, ⵢⴻⴷⴷⴰ ⵖⴻⵔ ⵒⴰⴷⵧⵠⴰ (ⴷⴻⴳ ⵟⵟⴰⵍⵢⴰⵏ) ⴰⵏⴷⴰ ⴰⵢ ⵢⵓⵔⴰⵔ ⵢⵉⵡⴻⵜ ⵏ ⵜⵙⴻⵎⵀⵓⵢⵜ, ⵓⵇⴱⴻⵍ ⵎⴰ ⵢⴻⴷⴷⴰ ⵖⴻⵔ ⵜⵧⵓⵔⵙ ⵢⴻⵔⵏⵓ ⵢⴻⵇⵇⵉⵎ ⴷⵉⵏ ⵡⴰⵔ ⵎⴰ ⵢⵓⵔⴰⵔ. ⴷⴻⴳ 2014, ⵢⵓⵙⴰ-ⴷ ⵖⴻⵔ ⵍⴷⵣⴰⵢⴻⵔ.
ⴳⵀⵉⵙⵍⴰⵉⵏ ⴳⵓⴻⵙⵙⴰⵏ, ⴰⵢ ⵢⴻⵍⵍⴰⵏ ⵎⴰⵣⴰⵍ ⵢⴻⵙⵄⴰ ⵍⴻⵄⵇⴻⴷ ⴷ ⵔⵛ ⵍⴰⵕⴻⴱⵄⴰ ⴰⵔⵎⴰ ⴷ 2017, ⵜⴻⵔⵔⴰ-ⵜ ⵜⵎⴰⵔⴰ ⴰⴷ ⵢⴻⴼⴼⴻⵖ ⵙⴻⴳ ⵜⴻⵍⵖⵓⵖⴰ ⵜⴰⴷⵣⴰⵢⵔⵉⵜ ⵉⵎⵉ ⴰⵢ ⵜⴻⵖⵍⵉ ⵜⴻⵖⵍⴰⵎⵜ-ⵏⵏⴻⵙ ⵖⴻⵔ ⵜⴻⵎⵖⵓⵏⵜ ⵜⵉⵙ 2, ⵉⵎⵉ ⴰⵢ ⵜⴻⴳⴷⴻⵍ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⴹⴰⵔⵜ ⵉ ⵜⴻⵖⵍⴰⵎⵉⵏ ⵏ ⵜⴻⵎⵖⵓⵏⵜ ⵜⵉⵙ 2 ⴰⴷ ⵙⵅⴻⴷⵎⴻⵏⵜ ⵉⵎⴰⵔⵉⵔⴻⵏ ⵉⵡⴻⵔⴷⴰⵏⵉⵢⴻⵏ.
