ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵣⵣⴰⵢⴻⵔ: ⵍⵄⵓⵍⴰ ⵏ ⵢⵉⵙⵙⴻⴼⵜⵉⵢⴻⵏ ⵓⵙⵔⵉⴷⴻⵏ ⵉⵡⴻⵔⴷⴰⵏⵉⵢⴻⵏ ⵜⴻⵡⵡⴻⴹ ⵖⴻⵔ 26 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ

ⵡⴰⵛⵉⵏⵜⵓⵏ – ⵜⴻⵡⵡⴻⴹ ⵍⵄⵓⵍⴰ ⵏ ⵢⵉⵙⵙⴻⴼⵜⵉⵢⴻⵏ ⵓⵙⵔⵉⴷⴻⵏ ⵉⵡⴻⵔⴷⴰⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴻⵡⵡⴻⴹ ⵖⴻⵔ 26,2 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ ⴷⴻⴳ ⵜⴳⴰⵔⴰ ⵏ 2015, ⵢⵉⵍⵉ ⴷⴻⴳ 2010, ⵜⴻⵡⵡⴻⴹ ⵖⴻⵔ 19,5 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ, ⵖⴻⴼ ⵍⴻⵃⵙⴰⴱ ⵏ ⵓⵕⴰⴱⵓⵍ ⵏ 2016 ⵏ ⵛⵏⵓⵛⴻⴷ ⵖⴻⴼ ⵓⵙⵙⴻⴼⵜⵉ ⴷⴻⴳ ⵓⵎⴰⴹⴰⵍ ⴰⵢ ⴷ-ⵜⴻⵙⵙⵓⴼⴼⴻⵖ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.

ⵍⵄⵓⵍⴰ ⵏ ⵢⵉⵙⵙⴻⴼⵜⵉⵢⴻⵏ ⵓⵙⵔⵉⴷⴻⵏ ⵉⵡⴻⵔⴷⴰⵏⵉⵢⴻⵏ ⴰⵢ ⴷ-ⵢⴻⵜⵜⴰⴷⴼⴻⵏ ⵖⴻⵔ ⵍⴻⵣⵣⴰⵢⴻⵔ ⴷ ⴰⵊⴻⵎⵎⴰⵍ ⵏ ⵢⵉⵙⵙⴻⴼⵜⵉⵢⴻⵏ ⵉⵡⴻⵔⴷⴰⵏⵉⵢⴻⵏ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⴰⵅⴻⵍ ⵍⴻⵣⵣⴰⵢⴻⵔ, ⵢⴻⵔⵏⵓ ⵢⴻⵏⵏⴻⵔⵏⴰ ⴷⴻⴳ 15-ⴰ ⵏ ⵢⵉⵙⴻⴳⴳⴰⵙⴻⵏ ⵉⵏⴻⴳⴳⵓⵔⴰ. ⴷⴻⴳ 2000, ⵢⴻⵍⵍⴰ ⵓⵊⴻⵎⵎⴰⵍ ⵏ ⵢⵉⵙⵙⴻⴼⵜⵉⵢⴻⵏ-ⴰ 3,3 ⴽⴰⵏ ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ. ⴷⴻⴳ ⵜⴳⴰⵔⴰ ⵏ 2010, ⵢⴻⵡⵡⴻⴹ ⵖⴻⵔ 19,5 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ, ⵎⴰ ⴷⴻⴳ 2015, ⵢⴻⵡⵡⴻⴹ ⵖⴻⵔ 26,2 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴰⵔⴰⴳ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵜⵏⴻⵣⵣⵓⵜ ⴷ ⵓⵙⵙⴻⴼⵜⵉ (ⵛⵏⵓⵛⴻⴷ) ⴷⴻⴳ ⵓⵕⴰⴱⵓⵍ-ⵏⵏⴻⵙ.

ⵍⵄⵓⵍⴰ ⵏ ⵢⵉⵙⵙⴻⴼⵜⵉⵢⴻⵏ ⵓⵙⵔⵉⴷⴻⵏ ⵉⵡⴻⵔⴷⴰⵏⵉⵢⴻⵏ ⵉⵏⴰⴼⴼⴰⵖⴻⵏ ⵡⵡⴹⴻⵏ ⵖⴻⵔ 1,8 ⴷ ⴰⵎⴻⵍⵢⴰⵕ ⵏ ⵢⵉⴷⵓⵍⴰⵕⴻⵏ ⴷⴻⴳ ⵜⴳⴰⵔⴰ ⵏ 2015, ⵎⴰ ⴷⴻⴳ 2010, ⵍⵍⴰⵏ 1,5 ⴷ ⴰⵎⴻⵍⵢⴰⵕ ⵏ ⵢⵉⴷⵓⵍⴰⵕⴻⵏ, ⵢⴻⵔⵏⵓ ⴰⵃⵔⵉⵛ ⴰⵎⴻⵇⵔⴰⵏ ⵙⴻⴳ ⵢⵉⵙⵙⴻⴼⵜⵉⵢⴻⵏ-ⴰ ⵜⴳⴰ-ⵜⴻⵏ ⵜⴻⵕⵎⵉⵙⵜ ⵏ ⵜⴻⴳⵔⴰⵡⵜ ⵏ ⵙⵧⵏⴰⵜⵔⴰⵛⵀ ⴷⴻⴳ ⵡⴻⵣⵖⴰⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵛⵏⵓⵛⴻⴷ.

ⵜⴰⴳⵔⴰⵡⵜ ⵏ ⵙⵧⵏⴰⵜⵔⴰⵛⵀ ⵜⴻⵙⵄⴰ ⵉⵜⵜⴻⴽⴽⵉⵢⴻⵏ ⴷⴻⴳ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ) ⴷⴻⴳ ⵜⵓⵕⵓⴼⵜ ⴷ ⵡⴰⵟⴰⵙ ⵏ ⵜⵎⵓⵔⴰ ⵏ ⵜⴻⴼⵔⵉⵇⵜ ⴰⵎ ⵎⴰⵍⵉ, ⵏⵉⵊⵉⵔ, ⵍⵉⴱⵢⴰ ⴷ ⵎⴰⵚⴻⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵛⵏⵓⵛⴻⴷ ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⵎⴰⵣⴰⵍ ⴰⴷ ⵔⵏⵓⵏ ⴰⴷ ⴷ-ⴰⵙⴻⵏ ⵓⴳⴰⵔ ⵏ ⵢⵉⵙⵙⴻⴼⵜⵉⵢⴻⵏ ⵖⴻⵔ ⵍⴻⵣⵣⴰⵢⴻⵔ ⵉⵎⵉ ⴰⵢ ⵍⴰ ⵜⴻⵜⵜⵅⴻⵎⵎⵉⵎ ⵙⵧⵏⴰⵜⵔⴰⵛⵀ ⴰⴷ ⵜⴻⵔⵥⴻⵎ 20 ⵏ ⵢⵉⴳⵔⴰⵏ ⵏ ⵓⵒⵉⵜⵕⵓⵍ ⴷ ⵍⴳⴰⵣ ⵉ ⵓⵙⵙⴻⴼⵜⵉ ⴰⵡⴻⵔⴷⴰⵏⵉ.

ⵉⴱⴻⴷⴷⵉⵍⴻⵏ ⵉⵎⴰⵢⵏⵓⵜⴻⵏ ⴷⴻⴳ ⵜⵙⴻⵔⵜⵉⵜ ⵏ ⵓⵙⵙⴻⴼⵜⵉ ⴷ ⵓⵄⴰⵡⴻⴷ ⵏ ⵡⴻⴼⵔⴰⵇ ⵏ ⵕⴰⵙⴻⵍⵎⴰⵍ ⵏ ⵜⴻⵕⵎⵉⵙⵉⵏ ⵏ ⵓⵡⴰⵏⴰⴽ (ⴷⴰⵡⵍⴰ) ⴷ ⴰⵢⴻⵏ ⴰⵔⴰ ⵉⵡⴻⵀⵀⵉⵏ ⵓⴳⴰⵔ ⵏ ⵢⵉⵙⵙⴻⴼⵜⵉⵢⴻⵏ ⵉⵡⴻⵔⴷⴰⵏⵉⵢⴻⵏ ⵖⴻⵔ ⵡⴰⵛⵃⴰⵍ ⵏ ⵜⵎⵓⵔⴰ ⵏ ⵜⴻⴼⵔⵉⵇⵜ, ⵢⴻⵔⵏⵓ ⵍⴻⵣⵣⴰⵢⴻⵔ ⴷ ⵢⵉⵡⴻⵜ ⵙⴻⴳ ⵜⵎⵓⵔⴰ ⴰⵢ ⵉⵣⵎⵔⴻⵏ ⴰⴷ ⴳⴻⵏⵜ ⴰⵢⴰ, ⵖⴻⴼ ⵍⴻⵃⵙⴰⴱ ⵏ ⵓⵕⴰⴱⵓⵍ-ⴰ.