ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⵙⴰⵍⵜ ⵏ ⴻⵍ ⴽⵀⴰⴱⴰⵔ-ⵛⴻⵠⵉⵜⴰⵍ: ⵜⴻⵊⴱⴻⴷ ⵉⵎⴰⵏ-ⵏⵏⴻⵙ ⵜⴻⵎⵃⴰⴷⴷⵉⵜ ⵏ ⴻⵍ ⴽⵀⴰⴱⴰⵔ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵏⵏⴰⵏ-ⴷ ⵢⵉⴱⵓⴳⴰⵟⵓⵜⴻⵏ ⵏ ⵜⴻⴳⵔⴰⵡⵜ ⵏ ⴻⵍ ⴽⵀⴰⴱⴰⵔ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ, ⴷⴰⴽⴽⴻⵏ ⵊⴻⴱⴷⴻⵏ ⵉⵎⴰⵏ-ⵏⵙⴻⵏ ⵙⴻⴳ ⵜⴻⵎⵙⴰⵍⵜ ⵏ ⵓⵙⵙⴻⵏⵣⵉ ⵏ ⵢⴻⵔⵎⵓⴷⴻⵏ ⵏ ⵜⴻⴳⵔⴰⵡⵜ-ⴰ ⵉ ⵜⴻⵕⵎⵉⵙⵜ ⵏ ⵏⴻⵙⵙ-ⵒⵔⵧⴷ (ⴷ ⴰⴼⵓⵔⴽ ⵏ ⵛⴻⵠⵉⵜⴰⵍ), ⵢⴻⵔⵏⵓ ⵏⵏⴰⵏ-ⴷ ⴷⴰⴽⴽⴻⵏ « ⵓⵔ ⵢⴻⵏⴼⵉⵄ ⵉ ⵡⴰⵛⴻⵎⵎⴰ ⵓⴽⴻⵎⵎⴻⵍ ⵏ ⵓⵅⴻⴷⴷⵉⵎ ⵖⴻⴼ ⵜⴻⵎⵙⴰⵍⵜ-ⴰ ».

« ⵉⵎⵉ ⴰⵢ ⵏⴻⵜⵜⵡⴰⵙⵙⴻⵇⵏⴻⵄ ⴷⴰⴽⴽⴻⵏ ⵓⵔ ⵢⴻⵏⴼⵉⵄ ⵉ ⵡⴰⵛⴻⵎⵎⴰ ⵓⴽⴻⵎⵎⴻⵍ ⵏ ⵓⵅⴻⴷⴷⵉⵎ ⵖⴻⴼ ⵜⴻⵎⵙⴰⵍⵜ (…) ⴰⵢ ⵢⴻⵇⵇⵉⵎⴻⵏ ⵡⴰⵔ ⵜⵉⴼⵔⴰⵜ », ⵢⴻⴼⵔⴰ-ⵜⵜ-ⵉⴷ ⵓⵎⴰⵣⴷⴰⵢ ⵏ ⵢⵉⴱⵓⴳⴰⵟⵓⵜⴻⵏ ⵏ ⵜⴻⴳⵔⴰⵡⵜ ⵏ ⴻⵍ ⴽⵀⴰⴱⴰⵔ (40 ⵏ ⵢⵉⴱⵓⴳⴰⵟⵓⵜⴻⵏ) ⴰⴷ ⵊⴻⴱⴷⴻⵏ ⵉⵎⴰⵏ-ⵏⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⴳⴻⵏⵙⴰⵙ ⵏ ⵓⵎⴰⵣⴷⴰⵢ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⴷⴻⴳ ⵡⴻⵏⵎⴰⴳⴻⵔ (ⵎⵓⵏⵜⴰⴷⴰ) ⵏ ⵡⴻⵖⵍⵉⵙ ⵏ ⵍⵉⴱⴻⵔⵜⴻ.

ⵖⴻⴼ ⵍⴻⵃⵙⴰⴱ ⵏ ⵓⴱⵓⴳⴰⵟⵓ ⴽⵀⴰⵍⴻⴷ ⴱⴻⵔⴳⵓⴻⵍ, ⴰⵏⴻⵖⵍⴰⴼ ⵏ ⵜⴻⵖⵡⴰⵍⵜ (ⵉⵜⵜⵉⵚⴰⵍ) « ⵓⵔ ⵢⴻⵙⵄⵉ ⴰⵣⵔⴻⴼ ⴰⴷ ⵉⵛⴰⵕⴻⵄ ⴰⵖⵎⵉⵙ ».

« ⴰⴷⴰⴱⵓ ⵏ ⵡⴻⵃⴽⴰⵎ ⵏ ⵜⵖⴻⵎⵙⴰ ⵢⵓⵔⴰⵏ ⵡⴻⵔⵄⴰⴷ ⵓⵔ ⴷ-ⵢⴻⵜⵜⵡⴰⵙⵙⴻⵏⵚⴻⴱ ⵓⵍⴰ ⵎⴰ 4 ⵏ ⵢⵉⵙⴻⴳⴳⴰⵙⴻⵏ ⴰⵢⴰ ⵙⴻⴳ ⵡⴰⵙⵎⵉ ⴰⵢ ⴷ-ⵏⵏⴰⵏ ⴷⴰⴽⴽⴻⵏ ⵙⵏⵓⵍⴼⴰⵏⵜ-ⵉⴷ, ⵢⴻⵔⵏⵓ ⴷ ⵏⴻⵜⵜⴰ ⴰⵢ ⴷ ⴰⴷⴰⴱⵓ ⴰⵡⵃⵉⴷ ⴰⵢ ⵢⴻⵙⵄⴰⵏ ⴰⵣⵔⴻⴼ ⴰⴷ ⵢⴻⴳ ⴰⵢⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴰⵢⴰ, ⵖⴻⴼ ⵍⴻⵃⵙⴰⴱ-ⵏⵏⴻⵙ, ⴷ ⴰⵖⵜⴰⵙ (ⵇⴰⵔⴰⵔ) ⴰⵎⴰⵙⴰⵢ ⵢⴻⵜⵜⵡⴰⵎⴻⵢⵢⵣⴻⵏ, ⵢⴻⵔⵏⵓ ⵢⴻⵜⵜⵡⴰⴷⴷⴻⵎ ⵖⴻⴼ ⵍⴵⴰⵍ ⵏ « ⵓⵇⴰⴷⴻⵔ ⵓⵔ ⵢⴻⵜⵜⵡⴰⵇⴰⴷⴻⵔ ⵍⵇⴰⵏⵓⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⵉⵅⴻⴱⴱⴻⵔ ⵖⴻⴼ ⵡⴰⵢⴰ ⵉⴷⵉⵙ ⴰⵢ ⵜ-ⵉⵡⴻⴽⴽⵍⴻⵏ, ⵉⴷⵉⵙ ⴰⵎⴻⵜⵜⵀⴰⵎ ⴷ ⵡⴻⵅⵅⴰⵎ ⵏ ⵛⵛⵕⴻⵄ.

ⵎⴰ ⴷ ⴰⴽⴻⵔⵡⴰ ⴽⵀⴰⵍⴻⴷ ⴱⵧⵓⵔⴰⵢⵧⵓ, ⵢⴻⵍⵍⴰⵏ ⵓⵍⴰ ⴷ ⵏⴻⵜⵜⴰ ⴷ ⴰⴱⵓⴳⴰⵟⵓ ⵏ ⵜⴻⵎⵃⴰⴷⴷⵉⵜ, ⵢⴻⵏⵏⴰ-ⴷ ⴷⴰⴽⴽⴻⵏ ⴱⴰⴱ ⵏ ⵜⴻⴳⵔⴰⵡⵜ ⵏ ⵛⴻⵠⵉⵜⴰⵍ, ⵉⵙⵙⴰⴷ ⵔⴻⴱⵔⴰⴱ « ⵓⵔ ⵢⴻⵙⵄⵉ ⴰⵙⵙⴰⵖ ⴷ ⵜⴻⵎⵙⴰⵍⵜ-ⴰ » ⴰⵛⴽⵓ ⴰⵙⵙⴻⵏⵣⵉ-ⴰ ⵢⴻⵍⵍⴰ-ⴷ ⴷ ⵡⴻⵎⴷⴰⵏ ⴰⵎⴰⴷⵡⴰⵏ ⵢⴻⵔⵏⵓ ⵡⴰ ⴷ ⵜⴰⵕⵎⵉⵙⵜ ⵏ ⵏⴻⵙⵙ-ⵒⵔⵧⴷ, ⵢⴻⵔⵏⵓ ⵢⴻⵛⵇⴰⵔⵔⴻⵡ ⵉⴷⵉⵙ ⴰⵅⵚⵉⵎ ⴰⴽⴽⴻⵏ ⴰⴷ ⴷ-ⵢⴻⴼⴽ ⵍⴻⴽⵡⴰⵖⴻⴹ ⵏ ⵜⵜⴱⵓⵜ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⴷⴰⴽⴽⴻⵏ ⵔⴻⴱⵔⴰⴱ ⵢⴻⵇⵇⴻⵏ ⵖⴻⵔ ⵜⴻⵎⵙⴰⵍⵜ-ⴰ.

ⵉ ⵡⴻⵙⵎⴻⴽⵜⵉ, ⵢⴻⵍⵍⴰ-ⴷ ⵛⵛⵕⴻⵄ-ⴰ ⴷⴻⴼⴼⵉⵔ ⵎⴰ ⵜⵓⵖ ⵜⴻⴳⵔⴰⵡⵜ ⵏ ⵛⴻⵠⵉⵜⴰⵍ 80% ⵙⴻⴳ ⵕⴰⵙⴻⵍⵎⴰⵍ ⵏ ⵜⴻⴳⵔⴰⵡⵜ ⵏ ⴻⵍ ⴽⵀⴰⴱⴰⵔ. ⴷ ⴰⵢⴰ ⴰⵢ ⵢⴻⴵⴵⴰⵏ ⴰⵖⵍⵉⴼ ⵏ ⵜⴻⵖⵡⴰⵍⵜ ⴰⴷ ⵉⵛⴰⵕⴻⵄ ⵜⴰⴳⵔⴰⵡⵜ ⵏ ⵛⴻⵠⵉⵜⴰⵍ ⵉⵎⵉ ⵜⴰⴳⵔⴰⵡⵜ-ⴰ ⵜⴻⵙⵄⴰ ⵢⴰⴳⵉ ⴰⵖⵎⵉⵙ ⵏ ⵍⵉⴱⴻⵔⵜⴻ.