ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⵙⴻⵜⵍⴻⵍⵜ: 10% ⵙⴻⴳ ⵓⵎⴰⵔⵓⴷ ⵏ 2014 ⵢⴻⵜⵜⵓⵏⴻⴼⴽ ⵉ ⵍⴻⵎⵄⴰⵡⵏⴰ ⵏ ⵜⴳⴻⵔⴷⴰ (ⵜⴰⵏⴻⵖⵍⴰⴼⵜ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⵏ ⵜⴻⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) ⵜⴰⵖⴻⵍⵏⴰⵡⵜ, ⵎⵧⵓⵏⵉⴰ ⵎⴻⵙⵍⴻⵎ, ⴰⵙⵙ ⵏ ⵍⴰⵕⴻⴱⵄⴰ, ⴷⴰⴽⴽⴻⵏ 10% ⵙⴻⴳ ⵓⵎⴰⵔⵓⴷ (ⵎⵉⵣⴰⵏⵉⵢⵢⴰ) ⵏ ⵡⴻⵃⵔⵉⵛ-ⴰ ⵜⴻⵜⵜⵓⵏⴻⴼⴽ, ⴷⴻⴳ 2014, ⵉ ⵡⴻⵜⵀⴻⵍⵍⵉ ⵓⵙⵔⵉⴷ ⵙ ⵢⵉⴳⴻⵔⴷⴰⵏ.

ⵜⴻⵏⵏⴰ-ⴷ ⵎⴰⵙⵙⴰ ⵎⴻⵙⵍⴻⵎ ⴷⴻⴳ ⵢⵉⵡⴻⵜ ⵏ ⵡⴻⵎⵢⴰⴳⴻⵔ ⴰⵢ ⴷ-ⵢⴻⵍⵍⴰⵏ ⵖⴻⴼ ⵓⵇⴻⴷⴷⴻⵎ ⵏ ⵢⴻⴳⵎⴰⴹ ⵏ ⵢⵉⵡⴻⵜ ⵏ ⵜⴻⵣⵔⴰⵡⵜ ⵖⴻⴼ ⵡⴻⵜⵀⴻⵍⵍⵉ ⴷⴻⴳ ⵢⵉⴳⴻⵔⴷⴰⵏ ⴷⴰⴽⴽⴻⵏ « 10% ⵙⴻⴳ 23 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⴰⵢ ⵢⴻⵜⵜⵓⵏⴻⴼⴽⴻⵏ ⵉ ⵡⴻⵃⵔⵉⵛ ⵏ ⵜⴻⵎⵙⴻⵜⵍⴻⵍⵜ ⴷⴻⴳ 2014 ⵜⵜⵡⴰⵙⵇⴻⴷⵛⴻⵏ ⵉ ⵡⴻⵜⵀⴻⵏⵏⵉ ⵓⵙⵔⵉⴷ ⴷⴻⴳ ⵢⵉⴳⴻⵔⴷⴰⵏ ».

ⵉⴳⵎⴰⴹ ⵏ ⵜⴻⵣⵔⴰⵡⵜ-ⴰ ⵙⵙⴻⴽⵏⴻⵏ-ⴷ ⴷⴰⴽⴽⴻⵏ « ⵢⴻⵙⵙⴻⴼⴽ ⴰⴷ ⵜⵜⵡⴰⵔⵏⵓⵏ ⵖⴻⵔ ⵡⴰⵢⴰ ⵢⵉⵎⴻⵚⵔⵓⴼⴻⵏ ⵏⵉⴹⴻⵏ ⴰⵢ ⴷ-ⵢⴻⵍⵍⴰⵏ ⵉ ⵡⴻⵜⵀⴻⵍⵍⵉ ⴰⵔⵓⵙⵔⵉⴷ ⴷⴻⴳ ⵢⵉⴳⴻⵔⴷⴰⵏ », ⵍⴰⴷⵖⴰ ⵉⵎⴻⵚⵔⵓⴼⴻⵏ ⵏ ⵓⵙⵙⴻⴳⵔⴻⵔ (ⵜⴰ’ⵟⵉⵔ) ⴷ ⵡⴻⴹⴼⴰⵔ ⵏ ⵢⴻⵖⵙⵓⵔⴻⵏ ⵢⴻⵎⵎⵓⵣⵣⴳⴻⵏ (ⵎⵓⵜⴰⵅⴰⵚⵚⵉⵚⴰ).

ⵜⴻⵏⵏⴰ-ⴷ ⵎⴰⵙⵙⴰ ⵎⴻⵙⵍⴻⵎ ⴷⴰⴽⴽⴻⵏ ⵄⴻⵊⴱⴻⵏ-ⵜⵜ ⵢⴻⴳⵎⴰⴹ ⵏ ⵜⴻⵣⵔⴰⵡⵜ-ⴰ (ⴷⵉⵔⴰⵙⴰ) ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⴷⴰⴽⴽⴻⵏ ⴰⵎⴻⵚⵔⵓⴼ ⵢⴻⵜⵜⵡⴰⵚⴻⵔⵔⴼⴻⵏ ⵖⴻⴼ ⵡⴻⵜⵀⴻⵍⵍⵉ ⵙ ⵜⴳⴻⵔⴷⴰ ⴷⴻⴳ ⵡⴻⵃⵔⵉⵛ-ⴰ « ⵉⵄⴻⴷⴷⴰ ⵉ ⵜⴰⵍⴰⵙⵜ ⵢⴻⵍⵍⴰⵏ ⴷⴻⴳ ⴽⵔⴰ ⵏ ⵜⵎⵓⵔⴰ ».

ⵜⴻⵏⵏⴰ-ⴷ ⴷⴰⵖ ⵉ ⵍⵎⴻⵏⴷ ⵏ ⵡⴰⵢⴰ ⴷⴰⴽⴽⴻⵏ ⵉⵙⵡⵉ ⵏ ⵜⴻⵣⵔⴰⵡⵜ-ⴰ ⵏⴻⵜⵜⴰ ⴷ ⴰⵇⴻⵢⵢⴻⵎ ⵏ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⴰⵢ ⴷ-ⵢⴻⵍⵍⴰⵏ ⴷⴻⴳ ⵡⴻⴱⴷⴰⴷ ⵉ ⵜⴳⴻⵔⴷⴰ ⴷ ⵜⵉⴼⵉⵏ ⵏ ⵍⴻⵅⵚⴰⵚⴰⵜ ⵢⴻⵍⵍⴰⵏ ⴷ ⴰⵄⴻⵡⵡⵉⵇ ⴷⴻⴳ ⵓⴵⴵⵓⴵⴵⴻⴳ ⵏ ⵡⴻⴳⵔⵓⴷ ⴷⴻⴳ ⵜⵎⴻⵜⵜⵉ ⴰⴽⴽⴻⵏ ⴰⴷ ⵜⵜⵡⴰⴽⴽⵙⴻⵏ ⵙⴻⴳ ⵡⴻⴱⵔⵉⴷ.

ⵜⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵜⴰⵣⵔⴰⵡⵜ-ⴰ ⵜⴻⵙⴱⴰⵏ-ⴷ ⴷⴰⵖ ⵜⴰⵎⵓⵖⵍⵉ ⵜⴰⵎⴰⵜⵓⵜ ⵢⴻⵔⵣⴰⵏ ⴰⵎⴰⵔⵓⴷ ⴰⵢ ⵢⴻⵜⵜⵓⵏⴻⴼⴽⴻⵏ ⵉ ⵡⴻⴱⴷⴰⴷ ⵉ ⵢⵉⴳⴻⵔⴷⴰⵏ ⴷ ⵡⴻⵃⴽⴰⵎ ⴷⴻⴳ ⵓⵚⴻⵔⵔⴻⴼ ⵏ ⵢⴻⴷⵔⵉⵎⴻⵏ ⵙ ⵡⴻⴱⵔⵉⴷ ⵓⵕⵛⵉⴷ, ⴷ ⵓⵀⴻⵢⵢⵉ ⵏ ⵢⵉⵖⴰⵡⴰⵙⴻⵏ (ⵎⵓⵅⴰⵟⵟⴰⵟⴰⵜ) ⴷ ⵡⴰⵀⵉⵍⴻⵏ ⵉ ⵍⵎⴻⵏⴷ ⵏ ⵡⴻⴹⵎⴰⵏ ⵏ ⵛⵛⵖⴻⵍ ⴷ ⴰⵎⴻⵍⵍⵉⵍ (ⴼⴰⵄⵄⴰⵍ).