ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵜⵜⵡⴰⵃⵕⴻⵎ ⵓⵙⴻⵍⵡⴰⵢ ⵏ ⵜⴻⵎⵖⵓⵏⵜ ⵜⴰⴳⵔⴰⵎⵏⴰⴹⵜ ⵏ ⵜⵛⵉⵔⴹⴰⵔⵜ ⵙⴻⴳ ⵓⵅⴻⴷⴷⵉⵎ ⴷⴻⴳ ⵜⵙⵓⴷⴰ ⵏ ⵜⵛⵉⵔⴹⴰⵔⵜ (ⵜⴰⴼⵉⴷⵉⵕⴰⵍⵉⵜ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵜⴻⵏⵏⴰ-ⴷ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⴹⴰⵔⵜ ⴷⴻⴳ ⵓⴷⴻⴳ-ⵏⵏⴻⵙ ⵓⵏⵚⵉⴱ ⴷⴰⴽⴽⴻⵏ ⴰⵙⴻⵍⵡⴰⵢ ⴰⵏⴰⴼⴼⴰⵖ ⵏ ⵜⴻⵎⵖⵓⵏⵜ ⵜⴰⴳⵔⴰⵎⵏⴰⴹⵜ ⵏ ⵜⵛⵉⵔⴹⴰⵔⵜ, ⵎⵧⵀⴰⵎⴻⴷ ⵀⴰⴷⵊ ⴱⵧⵓⴽⴰⵔⵧⵓⵎ, ⵢⴻⵜⵜⵡⴰⵃⵕⴻⵎ ⵙⴻⴳ ⵡⴰⴽⴽ ⵍⴻⵛⵖⴰⵍ ⴷⴻⴳ ⵜⵙⵓⴷⴰ ⵏ ⵜⵛⵉⵔⴹⴰⵔⵜ ⵖⴻⴼ ⵍⴵⴰⵍ ⵏ « ⵓⵇⴰⴷⴻⵔ ⵓⵔ ⵉⵇⵓⴷⴻⵔ ⵉⵥⵓⵢⴰⵔ ⴷ ⵢⴻⵙⵍⴰⴳⴰⵏⴻⵏ ».

ⴰⵖⵜⴰⵙ-ⴰ (ⵇⴰⵔⴰⵔ), ⴰⵢ ⵢⴻⵜⵜⵡⴰⴷⴷⵎⴻⵏ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵜⴻⵎⵍⵉⵍⵉⵜ ⵏ ⵜⵏⴰⵔⵉⵜ ⵜⴰⴼⵉⴷⵉⵕⴰⵍⵉⵜ ⵜⴻⵍⵍⴰ-ⴷ ⵖⴻⴼ ⵍⴵⴰⵍ ⵏ ⵡⴻⵎⴱⵉⴱⴱⵉ ⴰⵢ ⴷ-ⵜⴻⵎⴱⴰⴱⴱ ⴹⴹⵍⴰⴼⴰ ⵖⴻⴼ ⵜⴻⵎⵖⵓⵏⵜ ⵜⴰⴳⵔⴰⵎⵏⴰⴹⵜ ⵏ ⵜⵛⵉⵔⴹⴰⵜ, ⵢⴻⵔⵏⵓ ⴹⴹⵍⴰⴱⴰ-ⴰ ⵜⵜⴻⴽⴽⴰⵏⵜ ⴷⴻⴳ-ⵙ ⵍⴻⵅⴹⴻⵢⵢⴰⵜ ⴰⵢ ⵡⴻⵔⵄⴰⴷ ⵓⵔ ⵜⴻⵏⵜ-ⵉⴷ-ⵅⴻⵍⵍⵚⴻⵏⵜ ⵜⴻⵖⵍⴰⵎⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ (ⵎⴰⵚⴷⴰⵔ).

« ⴰⵙⴻⵍⵡⴰⵢ ⴰⵇⴱⵓⵔ ⵏ ⵜⴻⵎⵖⵓⵏⵜ ⵜⴰⴳⵔⴰⵎⵏⴰⴹⵜ ⵢⴻⴵⴵⴰ ⴰⴷ ⴷ-ⵜⵉⵍⵉ ⴹⴹⵍⴰⴱⴰ-ⴰ ⵢⴻⵔⵏⵓ ⵉⴹⵓⵔⵔ ⵜⴰⵎⵖⵓⵏⵜ ⵙⴻⴳ ⵢⵉⴷⵉⵙ ⵏ ⴰⴷⵔⵉⵎⴰⵏ, ⴰⴷⴻⴱⵍⴰⵏ ⴷ ⵡⴰⴷⴷⴰⵍⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⴹⴰⵔⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵛⵔⴻⴹ « ⵙⴻⴳ ⵜⴻⵖⵍⴰⵎⵉⵏ ⵏ ⵜⴻⵎⵖⵓⵏⵜ ⵜⴰⴳⵔⴰⵎⵏⴰⴹⵜ ⴰⴷ ⵅⴻⵍⵍⵚⴻⵏⵜ ⵍⴻⵅⴹⴻⵢⵢⴰⵜ-ⵏⵙⴻⵏⵜ ⵜⵉⵇⴱⵓⵔⵉⵏ ⵓⵇⴱⴻⵍ ⵎⴰ ⵜⵜⴻⴽⴽⴰⵏⵜ ⴷⴻⴳ ⵜⵙⴻⵎⵀⵓⵢⵜ ⵏ 2016-2017 ».

ⴰⵎⴰⵔⵓ ⴰⵎⴰⵜⵓ ⴰⵇⴱⵓⵔ ⵏ ⵜⴻⵎⵖⵓⵏⵜ ⵜⴰⴳⵔⴰⵎⵏⴰⴹⵜ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵍⵍⴰⵏ ⵡⵓⴳⵓⵔⴻⵏ-ⴰ ⴷⴻⴳ ⵜⴻⵎⵖⵓⵏⵜ ⵢⴻⵔⵏⵓ ⵖⴻⴼ ⵍⴵⴰⵍ ⵏ ⵡⴰⵢⴰ ⴰⵢ ⵢⴻⵜⵜⴰⵅⴻⵔ, ⵖⴻⴼ ⵍⴻⵃⵙⴰⴱ ⵏ ⵜⴼⵉⴷⵉⵕⴰⵍⵉⵜ.

ⴰⴳⵔⴰⵡ ⴰⵎⴰⵜⵓ ⵏ ⵜⴻⴼⵔⴰⵏⵜ ⵏ ⵜⴻⵎⵖⵓⵏⵜ ⵜⴰⴳⵔⴰⵎⵏⴰⴹⵜ ⵏ ⵜⵛⵉⵔⴹⴰⵔⵜ ⵢⴻⵍⵍⴰ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⴰⵙⵙ ⵏ 4 ⵢⵓⵏⵢⵓ, ⵎⴰⵛⴰ ⵢⴻⵜⵜⵡⴰⵡⴻⵅⵅⴻⵔ ⵖⴻⵔ ⵓⵣⴻⵎⵣ ⵏⵉⴹⴻⵏ.

ⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⵜⴻⵖⵍⴰⵎⵉⵏ ⵀⴻⵢⵢⴰⵏ-ⴷ ⵓⵎⵓⵖ ⵏ ⵢⵉⵙⵙⵓⵜⵔⴻⵏ ⵢⴻⵇⵇⵏⴻⵏ ⵖⴻⵔ ⵡⴰⵎⴻⴽ ⴰⵔⴰ ⴷ-ⵉⵍⵉ ⵜⴻⴼⵔⴰⵏⵜ.

ⵜⴰⵏⴰⵔⵉⵜ ⵜⴰⴼⵉⴷⵉⵕⴰⵍⵉⵜ ⵜⵡⴻⴽⴽⴻⴷ-ⴷ ⴷⴰⴽⴽⴻⵏ « ⵜⴰⵎⵙⴰⵍⵜ ⵏ ⵜⴻⵎⵖⵓⵏⵜ ⵜⴰⴳⵔⴰⵎⵏⴰⴹⵜ ⵏ ⵜⵛⵉⵔⴹⴰⵔⵜ ⴰⴷ ⵜⵄⴰⵡⴻⴷ ⴰⴷ ⵜⴻⵜⵜⵡⴰⵙⵙⴻⴽⵢⴻⴷ ⴷⴻⴳ ⵜⴳⴰⵔⴰ ⵏ ⵜⴰⵍⵍⵉⵜ ⵏ ⵡⴻⴽⵍⴰⵙ » ⵏ ⵜⴻⵖⵍⴰⵎⵉⵏ.

ⴱⴻⵏⵎⴻⴷⵊⴻⴱⴻⵔ ⵢⵧⵓⵛⴻⴼ ⴷ ⵏⴻⵜⵜⴰ ⴰⵢ ⴷ ⴰⵎⴰⵣⵡⴰⵔ (ⵎⵓⵔⴰⵛⵛⴰⵃ) ⴰⵡⵃⵉⴷ ⴰⵢ ⴷ-ⵢⴻⵙⵙⴻⵔⵙⴻⵏ ⵉⵎⴰⵏ-ⵏⵏⴻⵙ ⵖⴻⵔ ⵜⵙⴻⵍⵡⵉⵜ ⴰⴽⴽⴻⵏ ⴰⴷ ⴷ-ⵢⴻⵅⵍⴻⴼ ⴰⵙⴻⵍⵡⴰⵢ ⴰⵏⴰⴼⴼⴰⵖ ⵎⵧⵀⴰⵎⴻⴷ ⵀⴰⴷⵊ ⴱⵧⵓⴽⴰⵔⵧⵓⵎ.