ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵙⵎⴻⴽⵜⴰⵢⵜ ⵏ 2063: ⵜⵜⵡⴰⵃⵓⴷⴷⴻⵏ-ⴷ ⵜⵣⴻⵎⵎⴰⵔ ⴷ ⵍⴻⵛⵖⴰⵍ ⵓⵙⴻⵇⵇⴰⵎⵓ ⴰⵖⵍⵉⴼⴰⵏ ⵓⵃⵕⵉⵙ (ⵍⴰⵎⴰⵎⵔⴰ)

ⵡⵉⵏⴷⵀⵧⴻⴽ – ⵜⵃⵓⴷⴷ-ⴷ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⴰⵖⵍⵉⴼⴰⵏ ⵏ ⵡⴻⴹⴼⴰⵔ ⵏ ⵜⴻⵙⵎⴻⴽⵜⴰⵢⵜ ⵜⴰⴼⵔⵉⵇⵉⵜ ⵏ 2063 ⵜⵉⵣⴻⵎⵎⴰⵔ ⴷ ⵡⴰⵀⵉⵍ ⵏ ⵓⵙⴻⵇⵇⴰⵎⵓ ⴰⵖⵍⵉⴼⴰⵏ ⵓⵃⵕⵉⵙ ⵉ ⵓⵙⵙⴻⴹⵔⵓ ⵏ ⵜⵎⵓⵖⵍⵉⵡⵉⵏ ⴰⵢⵖⴻⴼ ⵎⵙⴻⴼⵀⴰⵎⴻⵏ ⵢⵉⵖⴼⴰⵡⴻⵏ ⵏ ⵓⵡⴰⵏⴰⴽ ⴷ ⵓⵏⴰⴱⴰⴹ ⵏ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵡⵉⵏⴷⵀⵧⴻⴽ (ⵏⴰⵎⵉⴱⵢⴰ) ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⵔⴰⵎⵜⴰⵏⴻ ⵍⴰⵎⴰⵎⵔⴰ.

ⴰⵏⴻⵖⵍⴰⴼ ⴰⴷⵣⴰⵢⵔⵉ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⴰⵢ ⴷ-ⵢⴻⵙⵙⴰⵡⵍⴻⵏ ⴷⴻⴳ ⵜⴳⴰⵔⴰ ⵏ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⴰⵖⵍⵉⴼⴰⵏ ⵉ ⵡⴻⴹⴼⴰⵔ ⵏ ⵜⴻⵙⵎⴻⴽⵜⴰⵢⵜ ⵏ 2063, ⵢⴻⵏⵏⴰ-ⴷ ⵉ ⵜⵖⴻⵎⵙⴰ ⴷⴰⴽⴽⴻⵏ ⴰⵙⴻⵇⵇⴰⵎⵓ ⵓⵃⵕⵉⵙ ⴰⵢⴷⴻⴳ ⵜⴻⵜⵜⴻⴽⴽⴰ ⵍⴷⵣⴰⵢⴻⵔ « ⴷ ⵡⵉⵏ ⴰⵔⴰ ⴷ-ⵉⵃⵓⴷⴷⴻⵏ ⴰⵀⵉⵍⴻⵏ ⵉⵙⵍⴻⴽⵎⴰⵏⴻⵏ (ⵜⴰⵏⴼⵉⴷⵉⵢⵢⴰ) ⵉ ⵓⵙⵙⴻⴹⵔⵓ ⵏ ⵜⵎⵓⵖⵍⵉ-ⴰ ⴷ ⵓⵙⵙⴻⵖⵜⵓ (ⵜⴰⵚⵃⵉⵃ) ⵏ ⵜⵉⴷⴷⵉⵢⵉⵏ ⴷ ⵜⴰⵔⵔⴰⵢⵉⵏ ⵏ ⵓⵅⴻⴷⴷⵉⵎ » ⴰⵢ ⴹⴻⴼⵔⴻⵏ ⵡⴰⵀⵉⵍⴻⵏ ⵏ ⵡⴻⵙⵏⴻⴼⵍⵉ ⵏ ⵢⵉⵏⴰⴱⴰⴹⴻⵏ ⵉⴼⵔⵉⵇⵉⵢⴻⵏ.

ⵖⴻⴼ ⵍⴻⵃⵙⴰⴱ ⵏ ⵓⵏⴻⵖⵍⴰⴼ, ⵜⵉⵎⵍⵉⵍⵉⵜ ⵏ ⵡⵉⵏⴷⵀⵧⴻⴽ ⴷ ⵜⵉⵏ ⴰⵢⴷⴻⴳ ⴷ-ⵙⵙⴻⴼⵔⴰⵏ ⵍⴻⵛⵖⴰⵍ ⴷ ⵜⵓⵖⴷⴰⴹⵉⵏ (ⵎⴰⵀⴰⵎ) ⵏ ⵓⵙⴻⵇⵇⴰⵎⵓ ⴰⵖⵍⵉⴼⴰⵏ ⵓⵃⵕⵉⵙ, ⵢⴻⵔⵏⵓ ⴷ ⴰⵢⴰ ⴰⵔⴰ ⴷ-ⵢⴻⵙⴷⵓⵇⵇⵙⴻⵏ ⴰⵀⵉⵍⴻⵏ ⵏ ⵡⴻⵙⵏⴻⴼⵍⵉ ⴷⴻⴳ ⵜⴻⴼⵔⵉⵇⵜ, ⴰⵎ ⵡⴰⴽⴽⴻⵏ ⴰⵔⴰ ⵉⴼⴰⴽ ⵡⴰⵢⴰ ⵜⵉⵍⵓⴼⴰ ⴷ ⵜⴻⵣⵖⵉⵏⵉⵏ (ⴰⵣⴰⵎⴰⵜ) ⵢⴻⵔⵏⵓ ⴰⴷ ⵢⴻⵃⵔⴻⵣ ⵜⴰⵍⵡⵉⵜ ⴷ ⵡⴻⵔⴽⴰⴷ.

ⴰⵢⴰ, ⵖⴻⴼ ⵍⴻⵃⵙⴰⴱ ⵏ ⵍⴰⵎⴰⵎⵔⴰ, ⴷ ⴰⵍⵍⴰⵍ « ⵙ ⵡⴰⵣⴰⵍ-ⵏⵏⴻⵙ » ⵉ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵢⴻⵔⵏⵓ ⴰⵕⴰⴱⵓⵍ ⵏ ⵜⴻⵎⵍⵉⵍⵉⵜ ⵏ ⵡⵉⵏⴷⵀⵧⴻⴽ ⴰⴷ ⵢⴻⵜⵜⵓⵏⴻⴼⴽ ⵉ ⵜⵇⴰⵛⵓⵛⵜ ⵏ ⵢⵉⵖⴼⴰⵡⴻⵏ ⵏ ⵓⵡⴰⵏⴰⴽ ⴷ ⵓⵏⴰⴱⴰⴹ ⵏ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ ⴰⵔⴰ ⴷ-ⵢⵉⵍⵉⵏ ⴷⴻⴳ ⴽⵉⴳⴰⵍⵉ.

ⴷⵖⴰ, ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⴰⵍⵍⴰⵍ-ⴰ ⴷ ⵡⵉⵏ « ⵢⴻⵙⵄⴰⵏ ⵜⴰⴼⴻⵍⵙⴰ (ⵎⵉⵚⴷⴰⵇⵉⵢⵢⴰ) », ⵢⴻⵔⵏⵓ ⴷ ⵡⵉⵏ ⴰⵢ ⴷ-ⵢⴻⵡⵡⵉⵏ ⴰⵎⴰⵢⵏⵓ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⴳⵔⴻⵔ (ⵜⴰ’ⵟⵉⵔ) ⵏ ⵡⵓⵙⵙⵉⵙⴻⵏ ⵓⵛⵔⵉⴽⴻⵏ ⵏ ⵢⵉⵖⴻⵔⴼⴰⵏ ⵉⴼⵔⵉⵇⵉⵢⴻⵏ ⵉ ⵍⵎⴻⵏⴷ ⵏ ⵓⵙⵙⴻⴹⵔⵓ ⵏ ⵓⵙⴻⵏⴼⴰⵔ-ⴰ ⴰⵎⴻⵇⵔⴰⵏ ⵏ ⵜⴻⵙⵎⴻⴽⵜⴰⵢⵜ ⵏ 2063.