ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴻⵛⴽⴻⵕ-ⴷ ⵙⵒⴻⵏⵢⵓⵍ ⵉⵙⵓⵔⵉⴼⴻⵏ ⴰⵢ ⴷ-ⵢⴻⵍⵍⴰⵏ ⵖⴻⵔ ⵙⴷⴰⵜ ⴷⴻⴳ ⵓⵙⵙⴻⴼⵄⴻⵍ ⵏ ⵡⴻⵎⵜⴰⵡⴰ ⵏ ⵜⴰⵍⵡⵉⵜ ⴷⴻⴳ ⵎⴰⵍⵉ

ⵎⴰⴷⵔⵉⴷ– ⵜⴻⵛⴽⴻⵕ-ⴷ ⵙⵒⴻⵏⵢⵓⵍ ⴰⵙⵙ ⵏ ⵍⴰⵕⴻⴱⵄⴰ ⵉⵙⵓⵔⵉⴼⴻⵏ ⴰⵢ ⴷ-ⵢⴻⵍⵍⴰⵏ ⴰⵔ ⴰⵙⵙ-ⴰ ⴷⴻⴳ ⵓⵙⵙⴻⴼⵄⴻⵍ ⵏ ⵡⴻⵎⵜⴰⵡⴰ (ⵉⵜⵜⵉⴼⴰⵇ) ⵏ ⵜⴰⵍⵡⵉⵜ ⴷ ⵡⴻⵎⵙⵓⵖⴰⵍ ⴷⴻⴳ ⵎⴰⵍⵉ, ⴰⵎ ⵡⴰⴽⴽⴻⵏ ⴰⵢ ⵜⵡⴰⵍⴰ ⴷⴰⴽⴽⴻⵏ ⴰⵎⵜⴰⵡⴰ ⴰⵢ ⴷ-ⵢⴻⵍⵍⴰⵏ ⵙⴻⴳ ⵎⴻⵍⵎⵉ ⴽⴰⵏ ⵖⴻⴼ ⵡⴻⴼⵔⴰⵇ ⵏ ⵢⵉⴷⵓⴱⴰ (ⵙⵓⵍⵓⵟⴰⵜ) ⵓⵄⴹⵉⵍⴻⵏ ⴷⴻⴳ ⵓⴳⴰⴼⴰ ⵏ ⵎⴰⵍⵉ ⴷ « ⴰⵙⵓⵔⵉⴼ ⵢⴻⵜⵜⴻⴷⴷⵓⵏ ⴷⴻⴳ ⵡⴻⴱⵔⵉⴷ ⵢⴻⵍⵀⴰⵏ ».

ⵖⴻⴼ ⵍⴻⵃⵙⴰⴱ ⵏ ⵡⴻⵍⵖⵓ (ⴱⴰⵢⴰⵏ) ⵏ ⵡⴻⵖⵍⵉⴼ ⴰⵙⵒⴻⵏⵢⵓⵍⵉ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ ⴰⵢ ⴷ-ⵢⴻⴼⴼⵖⴻⵏ ⵉ ⵍⵎⴻⵏⴷ ⵏ ⵓⵎⵓⵍⵍⵉ ⴰⵎⴻⵣⵡⴰⵔⵓ ⵏ ⵡⴻⵙⵜⴻⵏⵢⵉ ⵏ ⵡⴻⵎⵜⴰⵡⴰ ⵏ ⵜⴰⵍⵡⵉⵜ ⴷ ⵡⴻⵎⵙⵓⵖⴰⵍ ⴷⴻⴳ ⵎⴰⵍⵉ ⴰⵢ ⴷ-ⵢⴻⴼⵔⵓⵔⵉⵏ ⵙⴻⴳ ⵓⴽⴰⵍⴰ (ⵎⴰⵙⴰⵔ) ⵏ ⵍⴻⵎⵛⴰⵡⵕⴰⵜ ⵏ ⵍⴻⵣⵣⴰⵢⴻⵔ, ⵜⵄⴰⵡⴻⴷ ⵜⵡⴻⴽⴽⴻⴷ-ⴷ ⵙⵒⴻⵏⵢⵓⵍ « ⴰⴱⴷⴰⴷ-ⵏⵏⴻⵙ ⵉ ⵓⴽⴰⵍⴰ ⵏ ⵜⴰⵍⵡⵉⵜ ⵏ ⵎⴰⵍⵉ », ⴰⵎ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ ⴷⴰⴽⴽⴻⵏ « ⴰⵏⴰⴱⴰⴹ ⵢⴻⵙⵜⴻⵄⵕⴻⴼ ⵙ ⵢⵉⵙⵓⵔⵉⴼⴻⵏ ⴰⵢ ⴷ-ⵢⴻⵍⵍⴰⵏ ⵖⴻⵔ ⵙⴷⴰⵜ ⴰⵔ ⴰⵙⵙ-ⴰ ⴷⴻⴳ ⵓⵙⵙⴻⴼⵄⴻⵍ ⵏ ⵡⴻⵎⵜⴰⵡⴰ-ⴰ, ⵢⴻⵔⵏⵓ ⵢⴻⵜⵜⵡⴰⵍⵉ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵔⵏⵓⵏ ⴰⴷ ⵙⵊⴻⵀⴷⴻⵏ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⵄⴻⵡⵡⴻⵍ-ⵏⵙⴻⵏ ⵉ ⵓⴽⴻⵎⵎⴻⵍ ⴷⴻⴳ ⵡⴻⴱⵔⵉⴷ ⴰⵢ ⵓⵖⴻⵏ ⴰⴽⴽⴻⵏ ⴰⴷ ⵣⴻⵎⵔⴻⵏ ⵢⵉⵎⴻⵣⴷⴰⵖⴻⵏ ⴰⴷ ⴷ-ⵙⴼⴰⵢⴷⵉⵏ, ⵡⴰⵔ ⵍⴻⵄⴹⵉⵍ, ⵙⴻⴳ ⵏⵏⴼⴻⵄ ⵏ ⵜⴰⵍⵡⵉⵜ ».

ⴰⵙⴻⴳⴳⴰⵙ ⴷⴻⴼⴼⵉⵔ ⵡⴻⵙⵜⴻⵏⵢⵉ ⵏ ⵡⴻⵎⵜⴰⵡⴰ-ⴰ (20 ⵢⵓⵏⵢⵓ 2015), ⵎⵍⴰⵍⴻⵏ ⵢⵉⴷⵉⵙⴰⵏ ⵢⴻⵙⵜⴻⵏⵢⴰⵏ, ⴰⵙⵙ ⵏ ⵍⵃⴻⴷⴷ, ⴷⴻⴳ ⴱⴰⵎⴰⴽⵧ ⵙ ⵕⵕⴰⵢ ⵏ ⵍⴻⵣⵣⴰⵢⴻⵔ, ⴰⴽⴽⴻⵏ ⴰⴷ ⵙⵜⴻⵏⵢⵉⵏ ⵜⴰⴼⵜⴰⵔⵜ (ⵡⴰⵜⵉⵇⴰ) ⵏ ⵡⴻⵎⵙⴻⴼⵀⴰⵎ ⵉ ⵓⵙⵙⴻⴱⴷⴻⴷ ⵏ ⵢⵉⴷⵓⴱⴰ ⵓⵄⴹⵉⵍⴻⵏ ⴷⴻⴳ ⵓⴳⴰⴼⴰ ⵏ ⵎⴰⵍⵉ.

ⴷⴻⴼⴼⵉⵔ ⵎⴰ ⵜⴻⵜⵜⵡⴰⵡⴻⵅⵅⴻⵔ ⵙⵏⴰⵜ ⵏ ⵜⵉⴽⴽⴰⵍ, ⵜⴻⵍⵍⴰ-ⴷ ⵜⴻⴷⵡⵉⵍⵜ ⵜⴰⵏⵓⵎⴰⵏⵜ ⵜⵉⵙ 9 ⵏ ⵓⵙⴻⵇⵇⴰⵎⵓ ⵏ ⵡⴻⴹⴼⴰⵔ ⵏ ⵡⴻⵎⵜⴰⵡⴰ ⵓⵙⵙⴰⵏ ⵏ 13 ⴷ 14 ⵢⵓⵏⵢⵓ. 3-ⵏⵏⵉ ⵏ ⵢⵉⴷⵉⵙⴰⵏ ⴰⵢ ⵢⴻⵎⵍⴰⵍⴻⵏ ⵎⵙⴻⴼⵀⴰⵎⴻⵏ ⵖⴻⴼ ⵡⴰⵎⴻⴽ ⴰⵔⴰ ⴷ-ⵙⴱⴻⴷⴷⴻⵏ ⵉⴷⵓⴱⴰ ⵏ ⵓⴳⴰⴼⴰ ⵏ ⵎⴰⵍⵉ: ⴰⵙⵙⴻⴱⴷⴻⴷ-ⵏⵙⴻⵏ ⴰⴷ ⴷ-ⵢⵉⵍⵉ ⴳⴰⵔ 15 ⵢⵓⵍⵢⵓ ⴷ 25 Ɣⵓⵛⵜ, ⵎⴰ ⴷ ⴰⵄⴰⵡⴻⴷ ⵏ ⵡⴻⴼⵔⴰⵇ ⵏ ⵢⵉⵎⴻⵥⵍⴰ (ⵎⴰⵚⴰⵍⵉⵃ) ⵏ ⵓⵡⴰⵏⴰⴽ ⴳⴰⵔ 15 ⵢⵓⵍⵢⵓ ⴷ 15 ⵖⵓⵛⵜ.