ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵓⵇ ⴰⵀⵕⴰⵙ: ⴰⵙⵙⴻⴼⵄⴻⵍ ⵏ ⵡⴰⵀⵉⵍ ⵏ ⵜⵔⵉⵙⵉⵜⵉ ⵢⴻⴽⴽⴻⵙ ⵛⵛⵡⴰⵍ ⴷⴻⴳ ⵡⴻⴼⵔⴰⵇ ⵏ ⵜⵔⵉⵙⵉⵜⵉ ⵖⴻⴼ ⵢⴻⵅⵅⴰⵎⴻⵏ

ⵙⵓⵇ ⴰⵀⵕⴰⵙ– ⴰⵙⵙⴻⴼⵄⴻⵍ ⵏ ⵡⴰⵀⵉⵍ ⵏ ⵜⵓⵄⵊⵉⵍⵉⵏ ⵏ ⵜⵔⵉⵙⵉⵜⵉ ⴷⴻⴳ ⵜⵡⵉⵍⴰⵢⵜ ⵏ ⵙⵓⵇ ⴰⵀⵕⴰⵙ ⵢⴻⵙⵙⴻⵍⵀⴰ ⴰⴼⵔⴰⵇ ⵏ ⵜⵔⵉⵙⵉⵜⵉ ⵢⴻⵔⵏⵓ ⵢⴻⴽⴽⴻⵙ ⵛⵛⵡⴰⵍ ⵏ ⵡⴻⴳⵣⴰⵎ ⵏ ⵜⵔⵉⵙⵉⵜⵉ ⴷⴻⴳ ⴽⵔⴰ ⵏ ⵢⵉⵎⵓⴽⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⵢⴻⵎⴽⴻⵍⵍⴻⴼ ⵙ ⵜⴻⵖⵡⴰⵍⵜ (ⵉⵜⵜⵉⵚⴰⵍ) ⵏ ⵜⴻⵕⵎⵉⵙⵜ (ⵛⴰⵔⵉⴽⴰ) ⵏ ⵡⴻⴼⵔⴰⵇ ⵏ ⵜⵔⵉⵙⵉⵜⵉ ⴷ ⵍⴳⴰⵣ.

ⴷⴻⴳ 2015, ⵓⴳⴰⵔ ⵏ 45 ⵏ ⵢⵉⵙⴻⵍⴽⴰⵜⴻⵏ (ⵎⵓⵃⴰⵡⵡⵉⵍⵉⵏ) ⵏ ⵜⵔⵉⵙⵉⵜⵉ ⴰⵢ ⵙⵙⴻⵔⵙⴻⵏ ⵢⴻⵔⵏⵓ ⵙⵇⴰⵎⴻⵏ-ⴷ 250 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ. ⵢⴻⵍⵍⴰ-ⴷ ⵛⵛⵖⴻⵍ-ⴰ ⵉ ⵓⵙⵙⴻⵍⵀⵓ ⵡⴻⴼⵔⴰⵇ ⵏ ⵜⵔⵉⵙⵉⵜⵉ ⵖⴻⴼ ⵜⵖⵉⵡⴰⵏⵉⵏ ⵏ ⵜⵡⵉⵍⴰⵢⵜ-ⴰ, ⴳⴰⵔ-ⴰⵙⴻⵏⵜ ⵓⵍⴰ ⴷ ⵜⵉⵎⵏⴰⴹⵉⵏ ⴰⵢ ⴷ-ⵢⵓⵙⴰⵏ ⵖⴻⴼ ⵜⵍⵉⵙⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⵧⵀⴰⵎⴻⴷ-ⵍⴰⵎⵉⵏⴻ ⵜⵉⴰⵀ.

ⵜⵜⵡⴰⵙⴱⴻⴳⵙⴻⵏ-ⴷ ⴷⴰⵖ 120 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⴷⴻⴳ 2016 ⵉ ⵓⴼⴰⴽⵉ ⵏ ⵡⴰⵀⵉⵍ ⵓⵣⵣⵉⴳ (ⵅⴰⵚⵚ) ⵏ ⵓⵙⵙⴻⵊⵀⴻⴷ ⵏ ⵓⵥⴻⴹⴹⴰ ⵙ ⵓⵙⵙⴻⵔⵙⵉ ⵏ 20 ⵏ ⵢⵉⵙⴻⵍⴽⴰⵜⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ ⴰⵢ ⴷ-ⵉⵡⴻⴽⴽⴷⴻⵏ ⴷⴰⴽⴽⴻⵏ ⵉⵙⵙⴻⴼⵜⵉⵢⴻⵏ-ⴰ ⵡⵡⴹⴻⵏ ⵖⴻⵔ ⵡⴰⵏⴻⵛⵜ ⴰⵢ ⵜⴻⵜⵜⴰⵍⴰⵙ ⵜⴻⵕⵎⵉⵙⵜ-ⴰ ⴷ ⵉⴷⵔⵉⵎⴻⵏ ⵉ ⵡⵉⴷ ⵓⵔ ⴷ-ⵉⵅⴻⵍⵍⵚⴻⵏ ⵜⵔⵉⵙⵉⵜⵉ.