ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵄⵉⵏ ⴷⴷⴻⴼⵍⴰ: ⵜⵓⴹⴹⴼⴰ ⵏ ⵡⵓⴳⴰⵔ ⵏ 3 ⵏ ⵢⵉⵟⵓⵏⴻⵏ ⵏ ⵢⵉⴼⴰⵔⵉⵙⴻⵏ ⵏ ⵜⵓⵞⵞⵉⵜ ⵉⵅⴻⵚⵔⴻⵏ

ⵄⵉⵏ ⴷⴷⴻⴼⵍⴰ – ⵜⵜⵡⴰⴹⴹⴼⴻⵏ, ⵎⴰ ⵓⵍⴰⵛ, 3,39 ⵏ ⵢⵉⵟⵓⵏⴻⵏ ⵏ ⵢⵉⴼⴰⵔⵉⵙⴻⵏ ⵏ ⵜⵓⵞⵞⵉⵜ ⵉⵅⴻⵚⵔⴻⵏ ⴷⴻⴳ 6 ⵏ ⵡⵓⵙⵙⴰⵏ ⵉⵎⴻⵣⵡⵓⵔⴰ ⵏ ⵡⴰⵢⵢⵓⵔ ⵏ ⵔⴻⵎⴹⴰⵏ ⴷⴻⴳ ⵜⵡⵉⵍⴰⵢⵜ ⵏ ⵄⵉⵏ ⴷⴷⴻⴼⵍⴰ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ, ⴰⵙⵙ ⵏ ⵍⴻⵅⵎⵉⵙ, ⵢⵉⵡⴻⵏ ⵏ ⵓⵎⴰⵙⴰⵢ (ⵎⴰⵙ’ⵓⵍ) ⴷⴻⴳ ⵜⵎⴻⵀⵍⴰ ⵏ ⵜⵏⴻⵣⵣⵓⵜ (ⵜⵉⴵⴰⵔⴰ) ⵏ ⵜⵡⵉⵍⴰⵢⵜ-ⴰ.

ⴰⵣⴰⵍ ⵏ ⵙⵙⴻⵍⵄⴰ-ⴰ ⴰⵢ ⵢⴻⵜⵜⵡⴰⴹⴹⴼⴻⵏ ⵉⵄⴻⴷⴷⴰ ⵉ 701.000 ⵏ ⵢⵉⴷⵉⵏⴰⵕⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵔⴻⴷⵀⴰ ⵀⴰⴷⵊ ⴽⵀⴻⵍⵉⴼⴰ, ⵢⴻⵍⵍⴰⵏ ⴷ ⴰⵎⴰⵙⴰⵢ ⵏ ⵜⵏⴰⵔⵉⵜ (ⵎⴰⴽⵜⴰⴱ) ⵏ ⵜⵖⴰⵔⴰ (ⴵⴰⵡⴷⴰ) ⴷⴻⴳ ⵜⵎⴻⵀⵍⴰ ⵏ ⵜⵏⴻⵣⵣⵓⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵄⴰⵡⵏⴻⵏ-ⴷ ⵎⴻⴷⴷⴻⵏ ⴷⴻⴳ ⵛⵛⵖⴻⵍ-ⴰ ⵏ ⵢⵉⵎⴻⵏⵖⵉ ⵎⴳⴰⵍ ⵜⵓⴼⴼⵖⴰ ⵉ ⵍⵇⴰⵏⵓⵏ ⴷⴻⴳ ⵓⵙⵙⴻⵏⵣⵉ ⵏ ⵢⵉⴼⴰⵔⵉⵙⴻⵏ ⵏ ⵜⵓⵞⵞⵉⵜ.

ⵉⴳⴰ ⵓⵎⴻⵥⵍⵓ (ⵎⴰⵚⵍⴰⵃⴰ) ⵏ ⵢⵉⵎⴻⵏⵖⵉ ⵎⴳⴰⵍ ⵡⴻⴷⵖⴰⵍ 631 ⵏ ⵜⴳⴻⵔⵎⴰⵏⵉⵏ (ⵜⴰⴷⴰⵅⵅⵓⵍⴰⵜ) ⴷⴻⴳ ⴷⴷⵓⵕⵜ-ⵏⵏⵉ ⵜⴰⵎⴻⵣⵡⴰⵔⵓⵜ ⵏ ⵔⴻⵎⴹⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵀⴰⴷⵊ ⴽⵀⴻⵍⵉⴼⴰ ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⵙⵙⴻⵍⵄⴰ-ⵏⵏⵉ ⴰⵢ ⵢⴻⵜⵜⵡⴰⴹⴹⴼⴻⵏ ⵢⴻⵍⵍⴰ ⴷⴻⴳ-ⵙ ⵍⴰⴷⵖⴰ ⵡⴻⴽⵙⵓⵎ ⴷ ⵜⵉⵙⵙⵉⵜⵉⵏ.

84 ⵏ ⵢⴻⵥⵎⴰⵥⴻⵏ ⵉⵎⵢⴰⴳⴰⵏⴻⵏ ⴰⵢ ⴷ-ⵢⴻⵜⵜⵡⴰⵅⴻⴷⵎⴻⵏ ⵉ ⵢⴻⵎⵙⴻⵏⵣⴰ (ⵜⵓⴵⴵⴰⵔ) ⴰⵢ ⵢⴻⴼⴼⵖⴻⵏ ⵉ ⵍⵇⴰⵏⵓⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵎⴰⵙⴰⵢ-ⴰ ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⴳⴰⵏ-ⴷ ⵢⵉⵎⴻⵥⵍⴰ-ⴰ ⴷⴰⵖ 7 ⵏ ⵢⵉⵙⵙⵓⵎⵔⴻⵏ ⵉ ⵡⴻⵎⴷⴰⵍ ⵏ ⴽⵔⴰ ⵏ ⵜⵃⵓⵏⴰ.

ⵜⵓⴼⴼⵖⵉⵡⵉⵏ-ⴰ ⵉ ⵍⵇⴰⵏⵓ ⴷ ⵜⵉⴷ ⵢⴻⵔⵣⴰⵏ ⵍⴰⴷⵖⴰ ⵜⴻⵣⴷⴻⴳ (19), ⴰⵙⵙⴻⵏⵣⵉ ⵏ ⵢⵉⴼⴰⵔⵉⵙⴻⵏ ⵉⵅⴻⵚⵔⴻⵏ (9) ⴷ ⵓⵇⴰⴷⴻⵔ ⵓⵔ ⵇⵓⴷⵔⴻⵏ ⴽⵔⴰ ⵏ ⵢⴻⵎⵙⴻⵏⵣⴰ ⵛⵛⵓⵔⵓⴹ ⵏ ⵡⴻⵊⵎⴰⵄ ⵏ ⵜⵓⵞⵞⵉⵜ (39), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.