ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⵍⴰⵍⴻⵏ ⵢⴻⵏⵎⵓⵍⴰ ⵏ ⵢⴻⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ ⵉ ⵡⴻⵙⴽⴰⵙⵉ ⵖⴻⴼ ⵜⴻⵙⵜⴰⵖⵜ ⵖⴻⵔ 60 ⵏ ⵢⵉⵙⴻⴳⴳⴰⵙⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵎⵍⴰⵍⴻⵏ ⵢⴻⵏⵎⵓⵍⴰ (ⵏⴰⵇⴰⴱⴰⵜ) ⵏ ⵢⴻⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴰⴽⴽⴻⵏ ⴰⴷ ⵙⴽⴻⵢⴷⴻⵏ ⵜⴰⵎⵙⴰⵍⵜ ⵏ ⵜⴻⵙⵜⴰⵖⵜ (ⵜⴰⵇⴰⵄⵓⴷ) ⵖⴻⵔ 60 ⵏ ⵢⵉⵙⴻⴳⴳⴰⵙⴻⵏ ⴰⵢ ⵢⴻⵜⵜⵡⴰⴷⴷⵎⴻⵏ ⴷⴻⴳ ⵜⴻⵎⵍⵉⵍⵉⵜ ⵏ 3 ⵏ ⵢⵉⴷⵉⵙⴰⵏ ⵜⴰⵏⴻⴳⴳⴰⵔⵓⵜ ⴰⵢ ⴷ-ⵢⴻⵍⵍⴰⵏ ⴳⴰⵔ ⵓⵏⴰⴱⴰⴹ, ⵜⴰⴷⵓⴽⵍⵉ ⵜⴰⵎⴰⵜⵓⵜ ⵏ ⵢⵉⵅⴻⴷⴷⴰⵎⴻⵏ ⵉⴷⵣⴰⵢⵔⵉⵢⴻⵏ ⴷ ⵢⵉⵖⴼⴰⵡⴻⵏ ⵏ ⵜⴻⵕⵎⵉⵙⵉⵏ.

ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⵖⴻⵍⵏⴰⵡⵜ ⵏ ⵢⵉⵅⴻⴷⴷⴰⵎⴻⵏ ⵏ ⵓⵙⵙⴻⴳⵎⵉ ⵢⴻⵇⵇⵏⴻⵏ ⵖⴻⵔ ⵡⴻⵏⵎⴰⵍⵓ ⴰⵖⴻⵍⵏⴰⵡ ⴰⴼⵓⵍⵎⵏ ⵏ ⵢⵉⵅⴻⴷⴷⴰⵎⴻⵏ ⵏ ⵜⴻⴷⴱⴻⵍⵜ ⵜⴰⵏⴰⴳⴷⵓⴷⵜ (ⵙⵏⴰⵒⴰⵒ), ⴱⴻⵍⴰⵎⵧⵓⵔⵉ ⵍⴰⴳⵀⴰⵢⴷⵀ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⴷⴻⴳ ⵢⵉⵊⵉⴼⴻⵕ ⵏ ⵡⴻⵎⵢⴰⴳⴻⵔ-ⴰ ⴷⴰⴽⴽⴻⵏ ⵉⵎⵜⵜⴻⴽⴽⵉⵢⴻⵏ ⴷⴻⴳ ⵜⴻⵎⵍⵉⵍⵉⵜ-ⴰ ⴰⴷ ⵙⵙⵓⵜⵔⴻⵏ ⵉ ⵓⵏⴰⴱⴰⴹ (ⵃⵓⴽⵓⵎⴰ) « ⴰⴷ ⵢⴻⵙⵙⴻⵏⵇⴻⵙ ⵙⴻⴳ ⵜⴻⵇⵙⴻⵃ ⵏ ⵢⵉⵃⴻⵣⵣⵉⴱⴻⵏ ⵢⴻⵔⵣⴰⵏ ⵜⴰⵙⵜⴰⵖⵜ, ⵢⴻⵔⵏⵓ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵡⴰⵢⴰ ⵉ ⵍⴼⴰⵢⴷⴰ ⵏ ⵡⴰⴽⴽ ⵉⴷⵉⵙⴰⵏ ».

ⵢⴻⵏⵏⴰ-ⴷ ⵎⴰⵙⵙ ⴱⴻⵍⴰⵎⵧⵓⵔⵉ ⴷⴰⴽⴽⴻⵏ ⵜⵉⵎⵍⵉⵍⵉⵜ ⵏ ⵡⴰⵙⵙ-ⴰ, ⴰⵢ ⵎⴰⵣⴰⵍ ⴰⴷ ⵜⴽⴻⵎⵎⴻⵍ, ⵎⵍⴰⵍⴻⵏ-ⴷ ⴷⴻⴳ-ⵙ ⵢⵉⴳⴻⵏⵙⴰⵙⴻⵏ ⵏ 16 ⵏ ⵢⴻⵏⵎⵓⵍⴰ ⵉⴼⵓⵍⵎⴰⵏⴻⵏ, ⵍⴰⴷⵖⴰ ⵡⵉⴷ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ ⴷ ⵢⵉⴳⴻⵏⵙⴰⵙⴻⵏ ⵏ ⵢⵉⵅⴻⴷⴷⴰⵎⴻⵏ ⵏ ⵜⵏⴰⵣⴻⵏⵜ (ⴱⴰⵔⵉⴷ) ⴷ ⵙⵧⵏⴻⵍⴳⴰⵣ, ⴰⵙⵙⵉⵍⴻⵖ ⴰⵙⴰⴷⵓⵔⴰⵏ (ⵜⴰⴽⵡⵉⵏ ⵎⵉⵀⴰⵏⵉ) ⴷ ⵡⴻⵏⵎⴰⵍⵓ ⵏ ⵍⵉⵎⴰⵎⴰⵜ.

ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⴰⵀⵉⵍ ⵏ ⵜⴻⵎⵍⵉⵍⵉⵜ-ⴰ ⴰⴷ ⴷ-ⵢⵉⵍⵉ ⴷⴻⴳ-ⵙ ⵡⴻⵎⵛⵉⵡⴻⵕ ⵖⴻⴼ ⵜⵜⴰⵡⵉⵍⴰⵜ ⵉ ⵍⵎⴻⵏⴷ ⵏ ⵓⵙⵙⴻⴱⵟⴻⵍ ⵏ ⵕⵕⴰⵢ ⵢⴻⵇⵇⵏⴻⵏ ⵖⴻⵔ ⵓⵛⴻⴳⴳⴻⵔ (ⵎⵓⵔⴰⴵⴰⵄⴰ) ⵏ ⵍⴰⵎⴻⵕ 97-13 ⵏ 31 ⵏ ⵎⴰⵢⵓ 1997 ⴰⵢ ⵉⴱⴻⴷⴷⵍⴻⵏ ⵢⴻⵔⵏⵓ ⵢⴻⵙⵙⵎⴻⴷ ⵍⵇⴰⵏⵓⵏ 83-12 ⵏ 2 ⵢⵓⵍⵢⵓ 1983 ⵢⴻⵔⵣⴰⵏ ⵜⴰⵙⵜⴰⵖⵜ.

ⴰⴳⴻⵏⵙⴰⵙ-ⴰ ⴰⵏⵎⴰⵍⴰⵏ ⵢⴻⵏⵏⴰ-ⴷ ⴷⴰⴽⴽⴻⵏ ⵜⵉⵎⵍⵉⵍⵉⵜ-ⴰ ⴰⴷ ⵜⴼⴰⴽ ⵙ ⵡⴻⵍⵖⵓ (ⴱⴰⵢⴰⵏ) ⵓⵛⵔⵉⴽ ⴷ ⵜⴻⴱⵕⴰⵜ ⴰⵔⴰ ⵢⴻⵜⵜⵡⴰⵣⵏⴻⵏ ⵉ ⵓⵏⴻⵖⵍⴰⴼ ⴰⵎⴻⵏⵣⵓ ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⴷ ⵜⵉⵏ ⴰⵢⴷⴻⴳ ⵉⵏⵎⵓⵍⴰ ⴰⴷ ⵜ-ⵉⴷ-ⵏⴻⵛⴷⴻⵏ « ⴰⴷ ⵢⴻⵙⵙⵓⴷⴷⴻⵙ ⴰⵎⵢⴰⴳⴻⵔ ⵉ ⵓⵙⵙⴻⴼⵀⴻⵎ ⵏ ⵜⵎⵓⵖⵍⵉ ⵏ ⵢⴻⵏⵎⵓⵍⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⴻⵕⵢⵓⵢ ⵉⵎⴻⵇⵔⴰⵏⴻⵏ ⵢⴻⵔⵣⴰⵏ ⵉⵅⴻⴷⴷⴰⵎⴻⵏ ».