ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵙⴻⵀⵡⴰ ⵏ ⵓⴱⵔⵉⴷ : ⵎⵎⵓⵜⴻⵏ 7 ⵢⴻⵎⴷⴰⵏⴻⵏ, ⵊⴻⵔⵃⴻⵏ 36 ⵏⵏⵉⴹⴻⵏ ⴷⴻⴳ ⵢⵉⵡⴻⵏ ⵏ ⵡⴰⵙⵙ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵎⵎⵓⵜⴻⵏ ⵙⴰ (7) ⵢⴻⵎⴷⴰⵏⴻⵏ, ⵊⴻⵔⵃⴻⵏ 36 ⵏⵏⵉⴹⴻⵏ ⴷⴻⴳ ⵙⵏⴰⵜ ⵏ ⵜⵎⴻⵔⵡⵉⵏ ⴷ ⵙⵉⵏ (22) ⵏ ⵢⵉⵙⴻⵀⵡⴰ ⵏ ⵓⴱⵔⵉⴷ ⵉ ⴷ-ⵢⴻⴹⵔⴰⵏ ⴷⴻⴳ ⵡⴰⵙⵙ ⵏ ⵙⵙⴻⴱⵜ ⴷⴻⴳ ⵎⵔⴰⵡ ⴷ ⵜⵥⴰ (19) ⵜⵡⵉⵍⴰⵢⵉⵏ ⵏ ⵜⵎⵓⵔⵜ, ⵉ ⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⵢⵉⵡⴻⵏ ⵏ ⵡⴻⵍⵖⵓ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ.

ⵜⵉⵡⵉⵍⴰⵢⵉⵏ ⵉⴷⴻⴳ ⴷ-ⴹⵔⴰⵏ ⵢⵉⵙⴻⵀⵡⴰ ⵉⵡⴻⵄⵔⴰⵏⴻⵏ, ⵖⵓⵔ-ⵏⴻⵖ ⴵⴻⵍⴼⴰ, ⴳⵍⴰⵏ-ⴷ ⵙ ⵜⵎⴻⵜⵜⴰⵏⵜ ⵏ ⵙⵉⵏ (2) ⵢⵉⵎⴷⴰⵏⴻⵏ, ⵄⵉⵏ ⴷⴻⴼⵍⴰ ⴰⴽⴽⴻⴷ ⵜⵉⵏⴷⵓⴼ, ⵢⴻⵎⵎⵓⵜ ⵢⵉⵡⴻⵏ (1) ⵓⵎⴷⴰⵏ ⴰⴽⴽⴻⴷ ⵙⵉⵏ ⵏ ⵢⵉⵎⴻⵊⵔⴰⵃ ⵉ ⵢⴰⵍ ⵜⴰⵡⵉⵍⴰⵢⵜ, ⴰⴷⵔⴰⵔ, ⵢⴻⵎⵎⵓⵜ ⵢⵉⵡⴻⵏ (1) ⴰⴽⴽⴻⴷ ⵟⴰⵎ (8) ⵏ ⵢⵉⵎⴻⵊⵔⴰⵃ, ⵙⴽⵉⴽⴷⴰ ⴰⴽⴽⴻⴷ ⵜⵙⴻⵎⵙⵉⵍⵜ, ⵢⴻⵎⵎⵓⵜ ⵢⵉⵡⴻⵏ (1) ⵏ ⵓⵎⴷⴰⵏ ⴷⴻⴳ ⵢⴰⵍ ⵜⴰⵡⵉⵍⴰⵢⵜ.

ⵉⵙⴻⵀⵡⴰ-ⴰ ⴳⵍⴰⵏ-ⴷ ⴷⴰⵖⴻⵏ ⵙ ⵜⵅⴻⵚⵚⴰⵔ ⵏ ⵙⵏⴰⵜ ⵏ ⵜⵎⴻⵔⵡⵉⵏ ⴷ ⵙⴹⵉⵙ (26) ⵏ ⵜⴽⴻⵔⵔⵓⵙⵉⵏ, ⵖⴻⴼ ⵡⴰⴽⴽⴻⵏ ⵉ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⵏⵏⵉ.