ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

10 ⵏ ⵢⵉⵎⴻⴷⵔⵓⵣⴻⵏ ⴷ ⵢⵉⴷⴻⴳⴳⴻⵏ ⵉⵎⴻⵣⵔⵓⵢⴰⵏⴻⵏ ⴰⵢ ⵢⴻⵜⵜⵡⴰⵚⴻⵏⵏⴼⴻⵏ ⴷ ⴰⵢⵍⴰ ⴰⴷⴻⵍⵙⴰⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– 10 ⵏ ⵢⵉⵎⴻⴷⵔⵓⵣⴻⵏ ⴷ ⵢⵉⴷⴻⴳⴳⴻⵏ, ⵙⴻⴳ ⵜⴰⵍⵍⵉⵢⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵓⵎⴻⵣⵔⵓⵢ ⵏ ⵍⴻⵣⵣⴰⵢⴻⵔ, ⴰⵢ ⵢⴻⵜⵜⵡⴰⵚⴻⵏⵏⴼⴻⵏ ⴷ ⴰⵢⵍⴰ ⴰⴷⴻⵍⵙⴰⵏ, ⵖⴻⴼ ⵍⴻⵃⵙⴰⴱ ⵏ ⵢⴻⵖⵜⴰⵙⴻⵏ (ⵇⴰⵔⴰⵔⴰⵜ) ⵏ ⵡⴻⵖⵍⵉⴼ ⵏ ⵢⴻⴷⵍⴻⵙ ⴰⵢ ⴷ-ⵢⴻⴼⴼⵖⴻⵏ ⵙⴻⴳ ⵎⴻⵍⵎⵉ ⴽⴰⵏ ⴷⴻⴳ ⵡⴻⵖⵎⵉⵙ ⵓⵏⵚⵉⴱ.

10-ⴰ ⵏ ⵢⵉⵎⵓⴽⴰⵏ ⵢⵓⵖⴰⵍⴻⵏ ⴷ ⴰⵢⵍⴰ ⴰⴷⴻⵍⵙⴰⵏ ⴷ ⵉⵣⴰⵎⵓⵍⴻⵏ ⵏ ⵓⵎⴻⵣⵔⵓⵢ ⵏ ⵍⴻⵣⵣⴰⵢⴻⵔ ⴷⴻⴳ ⵍⵇⴻⵔⵏ ⵡⵉⵙ 20, ⵍⵍⴰⵏ ⴳⴰⵔ-ⴰⵙⴻⵏ ⵍⴱⴻⵏⵢⴰⵏⴰⵜ ⵏ ⵜⴰⵍⵍⵉⵜ ⵏ ⵜⴻⵀⵔⴻⵙⵜ (ⵉⵙⵜⵉⵄⵎⴰⵔ), ⵢⵉⵡⴻⵏ ⵏ ⵡⴻⵃⵚⵉⵏ, ⵢⵉⵡⴻⵏ ⵏ ⵓⴼⴻⵏⵙⵓ, ⵢⵉⵡⴻⵜ ⵏ ⵜⵎⴻⵙⴳⵉⴷⴰ ⵏ ⵍⵇⴻⵔⵏ ⵡⵉⵙ 19 ⴷ 2 ⵏ ⵢⵉⴷⴻⴳⴳⴻⵏ ⴰⵙⴻⵏⵣⵉⴽⴰⵏⴻⵏ (ⴰⵜⴰⵔⵉⵢⵢⴰ).

« ⴰⵎⴻⵣⵡⴰⵔⵓ ⵙⴻⴳ ⵙⵉⵏ-ⵏⵏⵉ ⵏ ⵢⴻⵅⵅⴰⵎⴻⵏ ⴷ ⴰⵅⵅⴰⵎ ⴰⵢⴷⴻⴳ ⵓⵔⴰⵏ ⵙ ⵓⴷⴰⴽⵜⵉⵍⵓ ⵢⴻⵔⵏⵓ ⵙⵙⵓⴼⴼⵖⴻⵏ-ⴷ ⵜⴰⵙⴻⵖⵔⵓⵜ ⵏ 1ⵓ ⵏ ⵡⴰⵎⴱⴻⵔ 1954 ⴷⴻⴳ ⵢⵉⵖⵉⵍ ⵏ ⵢⵉⵎⵓⵍⴰ [ⵜⵉⵣⵉ ⵡⴻⵣⵣⵓ] ⴷ ⵜⴻⴷⵡⵉⵜ ⵏ ⵙⴻⵙⵉⵏⵉ [ⵍⵎⴰⴷⴰⵏⴻⵢⵢⴰ, ⵍⴻⵣⵣⴰⵢⴻⵔ], ⴷ ⴰⵅⵅⴰⵎ ⴰⵏⵢⵓⵎⵓⵔⵉ ⴰⵢ ⵜⴻⵔⵔⴰ ⵜⵔⴻⴷⵙⴰ ⵜⴰⴼⵕⴻⵏⵙⵉⵙⵜ ⴷ ⴰⵎⵎⴰⵙ ⵏ ⵓⵄⴻⵜⵜⴻⴱ ⴷⴻⴳ ⵜⴰⵍⵍⵉⵜ ⵏ ⵡⴻⵎⴳⴰⵔⵓ ⵏ ⵡⴻⵙⵍⴻⵍⵍⵉ ⴰⵖⴻⵍⵏⴰⵡ », ⵖⴻⴼ ⵍⴻⵃⵙⴰⴱ ⵏ ⵡⴻⵖⵜⴰⵙ-ⴰ.

ⴰⵎⴽⴰⵏ ⴰⵎⴻⵣⵔⵓⵢⴰⵏ ⵏⵉⴹⴻⵏ ⵏ « ⵍⴼⵉⵔⵎⴰ ⵏ ⵙⵉⴷⵊⴻⵙⵙ » ⴷⴻⴳ ⵜⵉⵒⴰⵣⴰ ⴰⵏⴷⴰ ⴰⵢ ⴷ-ⵜⴻⵍⵍⴰ ⵜⴻⵎⵍⵉⵍⵉⵜ ⵜⵓⴼⴼⵉⵔⵜ ⵏ 23 ⵜⵓⴱⴻⵕ 1942 ⴰⵢⴷⴻⴳ ⵜⴻⵜⵜⴻⴽⴽⴰ ⵍⴷⵣⴰⵢⴻⵔ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵜⵏⴰⵣⵉⵜ, ⵖⴻⴼ ⵍⴻⵃⵙⴰⴱ ⵏ ⵡⴻⵖⵜⴰⵙ-ⴰ ⴰⵖⵍⵉⴼⴰⵏ.

ⵎⴻⵏⵖⵉⵔ ⵉⵎⵓⴽⴰⵏ-ⴰ ⴰⵢ ⵢⴻⵜⵜⵡⴰⵚⴻⵏⵏⴼⴻⵏ ⵖⴻⴼ ⵡⴰⵣⴰⵍ-ⵏⵙⴻⵏ ⴰⵎⴻⵣⵔⵓⵢⴰⵏ, ⵍⵍⴰⵏ ⴷⴰⵖ ⵍⴱⴻⵏⵢⴰⵏⴰⵜ ⵢⴻⵙⵄⴰⵏ ⴰⵣⴰⵍ ⴰⵙⴻⴳⴷⴰⵏ (ⵎⵉⵄⵎⴰⵔⵉ) ⴷ ⴰⵎⴻⵇⵔⴰⵏ ⴰⵎ ⵜⴻⴷⵡⵉⵔⵜ ⵏ ⴱⵔⵧⵙⵙⴻⵜⵜⴻ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴰⵖⴰⵏⵉⴱ ⴰⵏⵢⵓⵎⵓⵕⵉ) ⴷ « ⵓⵎⴻⵣⴳⵓⵏ ⴰⵎⵏⴰⴹⴰⵏ ⵏ ⵙⴽⵉⴽⴷⴰ » (ⵜⴰⵣⵡⴰⵔⴰ ⵏ ⵍⵇⴻⵔⵏ ⵡⵉⵙ 20, ⴰⵖⴰⵏⵉⴱ ⴰⵟⴰⵍⵢⴰⵏⵉ) ⴷ « ⵡⴻⵃⵚⵉⵏ ⵏ ⵜⴻⵇⵍⵉⵄⵜ » (ⵜⵉⵒⴰⵣⴰ) ⵢⴻⵍⵍⴰⵏ ⴷ ⴰⵎⴻⴷⵔⵓⵣ « ⴰⵢⵙⴻⴳ ⵣⴻⵔⵄⴻⵏⵜ ⵜⵎⵓⴷⵎⵉⵏ ⵜⵉⵙⴻⴳⴷⴰⵏⵉⵏ » ⵜⵉⴼⵕⴻⵏⵙⵉⵙⵉⵏ ⵏ ⵍⵇⴻⵔⵏ ⵡⵉⵙ 19.

ⴰⴼⴻⵏⵙⵓ ⵏ « ⴱⵓⵕⴵ ⴼⵏⴰⵕ » ⵏ ⴷⴻⵍⵍⴻⵙ (ⴱⵓⵎⴻⵔⴷⴰⵙ) ⴷ ⵢⵉⵡⴻⵏ ⵙⴻⴳ ⵢⵉⴼⴻⵏⵙⴰ ⵎⴻⵛⵀⵓⵕⴻⵏ ⴰⴽⴽ ⵏ ⵢⵉⵔⵉ ⵏ ⵢⵉⵍⴻⵍ ⴰⴷⵣⴰⵢⵔⵉ ⵢⴻⵔⵏⵓ ⵜⴻⵜⵜⴱⴰⵏ-ⴷ ⴷⴻⴳ-ⵙ ⵜⴻⵣⵔⵉⵔⵜ (ⵜⴰ’ⵜⵉⵔ) ⵏ ⵜⵙⴻⴳⴷⴰ ⵜⵉⵙⵍⴰⵎⴰⵏⵜ.

ⵉⵚⴻⵏⵏⴻⴼ ⴷⴰⵖ ⵡⴻⵖⵍⵉⴼ ⵏ ⵢⴻⴷⵍⴻⵙ ⵜⴰⵎⴻⵙⴳⵉⴷⴰ ⵏ ⵍⵄⴰⵜⵉⵇ ⵏ ⴱⵏⵉ ⴵⴻⵍⵍⴰⴱ ⴷⴻⴳ ⵜⵓⴳⴳⵓⵔⵜ (ⵡⴰⵔⴻⴳⵍⴰ) ⴰⵢ ⵢⴻⵜⵜⵡⴰⴱⵏⴰⵏ ⴷⴻⴳ 1220 ⵏ ⵍⵀⴻⵊⵕⴰ (ⵍⵇⴻⵔⵏ ⵡⵉⵙ 19) ⵉⵎⵉ ⴰⵢ ⵜⴻⵍⵍⴰ ⴷ ⵓⵍ ⴰⴷⴻⵍⵙⴰⵏ ⴷⴻⴳ ⵜⴻⵎⵏⴰⴹⵜ ⵏ ⵢⴻⵖⵣⴻⵔ ⵏ ⵔⵉⵖ, ⵢⴻⵔⵏⵓ ⵜⴰⵙⴻⴳⴷⴰ-ⵏⵏⴻⵙ ⵅⴻⵍⴹⴻⵏ ⴷⴻⴳ-ⵙ ⵢⵉⵖⴰⵏⵉⴱⴻⵏ ⵏ ⵢⴻⵎⵔⴰⴱⴹⴻⵏ, ⵉⵎⵡⴻⵃⵃⴷⴻⵏ, ⵉⵎⵉⵔⵉⵏⵉⵢⴻⵏ ⴷ ⵢⵉⵣⴻⵢⵢⴰⵏⵉⵢⴻⵏ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⵜⵡⴰⵚⴻⵏⵏⴼⴻⵏ ⴷⴰⵖ ⵢⵉⴷⴻⴳⴳⴻⵏ ⵉⵙⴻⵏⵣⵉⴽⴰⵏⴻⵏ ⵏ ⵢⴻⵖⵔⴻⵎ ⵏ ⴰⵢⵜ ⵕⵀⵓⵏⴰ (ⴰⵥⴻⴼⴼⵓⵏ, ⵜⵉⵣⵉ ⵡⴻⵣⵣⵓ) ⴷ ⵣⴻⵎⵎⵓⵔⵉ ⵍⴱⴻⵃⵔⵉ ⴷ ⴰⵢⵍⴰ ⴰⴷⴻⵍⵙⴰⵏ.

ⵉⵖⵔⴻⵎ ⵏ ⴰⵢⵜ ⵕⵀⵓⵏⴰ ⵍⵍⴰⵏⵜ ⴷⴻⴳ-ⵙ ⵜⵎⴻⴹⵍⵉⵏ ⵏ ⵜⴰⵍⵍⵉⵜ ⵏ ⵡⴻⵥⵔⵓ ⵜⴰⵇⴱⵓⵔⵜ, ⵎⴰ ⴷ ⵣⴻⵎⵎⵓⵔⵉ ⵍⴱⴻⵃⵔⵉ ⵍⵍⴰⵏ ⴷⴻⴳ-ⵙ ⵢⴻⴷⵔⵉⵣⴻⵏ (ⴰⵜⴰⵔ) ⵏ ⵓⵣⴰⵔⵎⴻⵣⵔⵓⵢ, ⵜⴰⵍⵍⵉⵜ ⵜⴰⵍⵉⴱⵉⵜ (ⵜⴰⵎⴰⵣⵉⵖⵜ), ⵏ ⵕⵕⵓⵎⴰⵏ ⴷ ⵜⴰⵍⵍⵉⵜ ⵜⵉⵙⵍⴰⵎⴰⵏⵜ.

ⵎⵉ ⴰⵔⴰ ⵢⴻⵜⵜⵡⴰⵚⴻⵏⵏⴻⴼ ⵡⴻⵎⴽⴰⵏ ⴷ ⴰⵢⵍⴰ ⴰⴷⴻⵍⵙⴰⵏ, ⴰⴷ ⵜⵜⵡⴰⴷⴷⵎⴻⵏ ⵢⵉⵃⴻⵣⵣⵉⴱⴻⵏ ⵉ ⵡⴻⵃⵔⴰⵣ-ⵏⵏⴻⵙ, ⵢⴻⵔⵏⵓ ⵡⵉⵏ ⵓⵔ ⵢⴻⵜⵜⵇⴰⴷⴰⵔⴻⵏ ⴰⵎⴽⴰⵏ-ⵏⵏⵉ ⴰⴷ ⵢⴻⵜⵜⵡⴰⵄⴰⵇⴻⴱ ⴷⴷⴰⵡ ⵍⵇⴰⵏⵓⵏ 98-04 ⵢⴻⵇⵇⵏⴻⵏ ⵖⴻⵔ ⵓⵃⵓⴷⴷⵓ ⵏ ⵜⴳⴻⵎⵎⵉ.