ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴱⴰⵜⴻⵏⵜ: ⴰⵟⴰⵙ ⵏ ⵍⵖⴰⵛⵉ ⴰⵢ ⴷ-ⵢⴻⵔⵣⴰⵏ ⵖⴻⴼ ⵜⴻⵥⵔⵉⴳⵜ ⵜⵉⵙ 3 ⵏ ⵜⵙⴻⵀⵕⵉⵡⵉⵏ ⵏ ⵍⵉⵏⵛⴰⴷ ⵏ ⴱⵓⵍⵃⵉⵍⴰⵜ
ⵜⴰⴱⴰⵜⴻⵏⵜ– ⴰⵟⴰⵙ ⵏ ⵍⵖⴰⵛⵉ ⴰⵢ ⴷ-ⵢⴻⵔⵣⴰⵏ, ⴰⵎⵓⵔ ⴰⵎⴻⵇⵔⴰⵏ ⴷⴻⴳ-ⵙⴻⵏ ⴷ ⵜⵉⵡⴰⵛⵓⵍⵉⵏ, ⴰⴽⴽⴻⵏ ⴰⴷ ⵏⴻⵣⵣⵀⴻⵏ ⵉ ⵜⴻⵥⵔⵉⴳⵜ ⵜⵉⵙ 3 ⵏ ⵜⵙⴻⵀⵕⵉⵡⵉⵏ ⵏ ⵍⵉⵏⵛⴰⴷ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⵃⴻⴷⴷ ⵜⴰⵎⴻⴷⴷⵉⵜ ⴷⴻⴳ ⵜⴻⵎⴷⵉⵏⵜ ⵏ ⴱⵓⵍⵃⵉⵍⴰⵜ (ⵜⴰⴱⴰⵜⴻⵏⵜ).
ⵜⴰⴷⵢⴰⵏⵜ-ⴰ ⵜⴱⴻⴷⴷⵓ-ⴷ ⴷⴻⴳ ⵡⴰⵙⵙ ⵡⵉⵙ 21 ⵏ ⵢⴰⵍ ⵔⴻⵎⴹⴰⵏ, ⵢⴻⵔⵏⵓ ⵜⵉⵏ ⵏ ⵓⵙⴻⴳⴳⴰⵙ-ⴰ ⴰⴷ ⴷ-ⵢⵉⵍⵉ ⴷⴻⴳ-ⵙ ⵡⴰⵀⵉⵍ ⴷ ⴰⵏⴻⵙⴱⴰⵖⵓⵔ (ⵖⴰⵏⵉ) ⴰⵔⴰ ⵢⴻⴹⴹⴼⴻⵏ 7 ⵏ ⵡⴰⴹⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵏⵖⵉⵡⴰⵏ ⵏ ⴱⵓⵍⵃⵉⵍⴰⵜ, ⵎⵓⵙⵜⴰⵒⵀⴰ ⵣⴻⵔⵧⵓⴰⵍ.
ⵜⴻⴱⴷⴰ ⵜⵙⴻⵀⵕⴰ-ⴰ ⵙ ⵛⵛⵏⴰ ⴰⵢ ⴷ-ⵜⴻⵡⵡⵉ ⵜⴻⴳⵔⴰⵡⵜ ⵏ ⴱⴰⵍⴰⴱⵉⵍ ⴰⵍ-ⴰⵡⵔⴰⵙ ⴰⵢ ⵢⴻⵙⵙⴻⵣⵀⴰⵏ ⵡⵉⴷ ⵉⵃⴻⴷⵕⴻⵏ ⵙ ⵛⵛⵏⴰⵡⴰⵜ ⵏ ⴷⴷⵉⵏ ⴷ ⵍⴻⵎⴷⵉⵃ ⴷⴻⴳ ⵢⵉⵡⴻⵜ ⵏ ⵜⵙⴻⵀⵕⴰ ⴰⵢ ⴷ-ⵏⵏⴰⵏⵜ ⵜⵡⴰⵛⵓⵍⵉⵏ ⵜⴻⵍⵀⴰ ⴰⵎⴰ ⵙⴻⴳ ⵢⵉⴷⵉⵙ ⴰⵥⵓⵔⴰⵏ, ⴰⵎⴰ ⵙⴻⴳ ⵢⵉⴷⵉⵙ ⵏ ⵓⵙⵙⵓⴷⴷⴻⵙ (ⵜⴰⵏⴹⵉⵎ).
ⵉⵎⴼⴻⵕⵕⴵⴻⵏ ⵏ ⵜⵙⴻⵀⵕⵉⵡⵉⵏ-ⴰ ⴰⴷ ⵏⴻⵣⵣⵀⴻⵏ, ⴷⴻⴳ ⵡⴰⵀⵉⵍ ⵏ ⵡⵓⵙⵙⴰⵏ-ⴰ, ⵉ ⵡⴰⵟⴰⵙ ⵏ ⵜⴻⴳⵔⴰⵡⵉⵏ ⴰⵢ ⴷ-ⵢⵓⵙⴰⵏ ⵙⴻⴳ ⵜⵡⵉⵍⴰⵢⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵣⴻⵔⵧⵓⴰⵍ ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⴰⴷ ⴷ-ⵉⵍⵉⵏ ⴷⴰⵖ ⵢⴻⵔⵎⵓⴷⴻⵏ (ⵏⴰⵛⴰⵟⴰⵜ) ⵏⵉⴹⴻⵏ ⵏ ⵣⵣⵀⵓ ⵎⴻⵏⵖⵉⵔ ⵛⵛⵏⴰ ⵏ ⵍⵉⵏⵛⴰⴷ.
ⵜⴰⵥⵔⵉⴳⵜ-ⴰ (ⵟⴰⴱⵄⴰ) ⵜⵉⵙ 3 ⵏ ⵜⵙⴻⵀⵕⵉⵡⵉⵏ ⵜⵉⵖⴻⵍⵏⴰⵡⵉⵏ ⵏ ⵍⵉⵏⵛⴰⴷ ⵏ ⴱⵓⵍⵃⵉⵍⴰⵜ ⵜⴳⴰ-ⵜⵜ-ⴷ ⵜⵖⵉⵡⴰⵏⵜ ⵢⴻⵔⵏⵓ ⵉⵙⵡⵉ-ⵏⵏⴻⵙ ⴷ ⴰⵙⴷⵓⵇⵇⴻⵙ ⵏ ⵡⴻⵏⵔⴰⵔ ⴰⴷⴻⵍⵙⴰⵏ ⴷⴻⴳ ⵜⵖⵉⵡⴰⵏⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⴻⵜⵜⵡⴰⵅⴻⴱⴱⴻⵔ.
