ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵄⵉⵏ ⴷⴷⴻⴼⵍⴰ: ⵢⴻⵎⵎⵓⵜ ⵢⵉⵡⴻⵏ, ⵢⴻⵊⵔⴻⵃ ⵡⴰⵢⴻⴹ ⴷⴻⴳ ⵓⵙⴻⵀⵡⵓ ⵏ ⵡⴻⴱⵔⵉⴷ

ⵄⵉⵏ ⴷⴷⴻⴼⵍⴰ – ⵢⴻⵎⵎⵓⵜ ⵢⵉⵡⴻⵏ ⵏ ⵡⴻⵎⴷⴰⵏ, ⵢⴻⵊⵔⴻⵃ ⵡⴰⵢⴻⴹ, ⴰⵙⵙ ⵏ ⵜⵜⵍⴰⵜⴰ, ⴷⴻⴳ ⵄⵉⵏ ⴷⴷⴻⴼⵍⴰ, ⴷⴻⴳ ⵢⵉⵡⴻⵏ ⵏ ⵓⵙⴻⵀⵡⵓ ⵏ ⵡⴻⴱⵔⵉⴷ ⴰⵢ ⴷ-ⵢⴻⵍⵍⴰⵏ ⴷⴻⴳ ⵡⴻⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⵅⴻⴱⴱⴻⵔ ⵜⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵏ ⵓⵃⵓⴷⴷⵓ ⴰⵖⴰⵔⵉⵎ ⵏ ⵜⵡⵉⵍⴰⵢⵜ-ⴰ.

ⵢⴻⵍⵍⴰ-ⴷ ⵓⵙⴻⵀⵡⵓ-ⴰ ⴷⴻⴳ ⵡⴻⵎⴽⴰⵏ ⵓⵎⵉ ⵜⵜⵉⵏⵉⵏ ⵙⵉⴷⵉ ⵄⴰⴱⴻⴷ, ⵙⴷⴰⵜ ⵜⵖⵉⵡⴰⵏⵜ ⵏ ⵄⵉⵏ ⵙⵙⴻⵍⵟⴰⵏ, ⵎⵉ ⵜⵓⴷⴻⴼ ⵢⵉⵡⴻⵜ ⵏ ⵜⴽⴻⵕⵕⵓⵙⵜ ⵏ ⵙⵙⴻⵍⵄⴰ, ⴰⵢ ⵢⴻⵍⵍⴰⵏ ⵜⴻⵜⵜⴻⴷⴷⵓ ⴷⴻⴳ ⵡⴻⴱⵔⵉⴷ ⵏ ⵡⴻⵀⵕⴰⵏ, ⴷⴻⴼⴼⵉⵔ ⵢⵉⵡⴻⵏ ⵏ ⵓⴽⴰⵎⵢⵓⵏ, ⴷⵖⴰ ⴷ ⴰⵢⴰ ⴰⵢ ⵢⴻⵏⵖⴰⵏ ⴰⵎⴷⴰⵏ ⴰⵢ ⴷ-ⵉⵔⴻⴽⴱⴻⵏ ⵖⴻⵔ ⵓⵏⴻⵀⵀⴰⵕ ⵏ ⵜⴽⴻⵕⵕⵓⵙⵜ-ⴰ (35 ⵏ ⵢⵉⵙⴻⴳⴳⴰⵙⴻⵏ) ⴷ ⵡⴻⵊⵔⴰⵃ ⵏ ⵓⵏⴻⵀⵀⴰⵕ-ⵏⵏⵉ (38 ⵏ ⵢⵉⵙⴻⴳⴳⴰⵙⴻⵏ).

ⵡⵉⴷ ⴰⵢ ⵜⴻⵏⵜ-ⵢⵓⵖⴻⵏ ⵙⴻⴳ ⵓⵙⴻⵀⵡⵓ-ⴰ ⵡⵡⵉⵏ-ⵜⴻⵏ ⵖⴻⵔ ⵡⴻⵙⴱⵉⵟⴰⵔ ⵏ ⵍⴻⵅⵎⵉⵙ ⵏ ⵜⵎⴻⵍⵢⴰⵏⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵃⵓⴷⴷⵓ ⴰⵖⴰⵔⵉⵎ.

110 ⵏ ⵢⵉⵙⴻⵀⵡⴰ ⵏ ⵡⴻⴱⵔⵉⴷ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⵡⵉⵍⴰⵢⵜ-ⴰ ⵙⴻⴳ ⵡⴰⵙⵎⵉ ⴰⵢ ⴷ-ⵢⴻⴱⴷⴰ ⵔⴻⵎⴹⴰⵏ, ⵎⵎⵓⵜⴻⵏ ⴷⴻⴳ-ⵙⴻⵏ 9 ⵏ ⵢⴻⵎⴷⴰⵏⴻⵏ ⵢⴻⵔⵏⵓ ⵊⴻⵔⵃⴻⵏ 140 ⵏ ⵡⵉⵢⴰⴹ.