ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

18 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⵜⴻⴹⴹⴻⴼ ⵜⵔⴻⴷⵙⴰ ⵜⵉⵙⵕⴰⵢⵉⵍⵉⵜ ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ ⴷ ⵍⵇⵓⴷⵙ

ⵔⴰⵎⴰⵍⵍⴰⵀ (ⴰⴳⴻⵎⵎⴰⴹ ⵓⵜⵔⵉⵎ) – 18 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⴹⴹⴼⴻⵏ ⵢⵉⵖⴰⵍⵍⴻⵏ ⵉⵙⵕⴰⵢⵉⵍⵉⵢⴻⵏ ⵏ ⵜⵓⴹⴹⴼⴰ, ⴰⵙⵙ ⵏ ⵜⵜⵍⴰⵜⴰ, ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ ⴷ ⵍⵇⵓⴷⵙ.

ⴳⴰⵏ ⵢⵉⵖⴰⵍⵍⴻⵏ ⵏ ⵜⵓⴹⴹⴼⴰ ⵢⵉⵡⴻⵜ ⵏ ⵜⴻⵥⴷⴰⵎⵜ ⵖⴻⴼ ⵜⴻⵎⴷⵉⵏⵉⵏ ⵏ ⴱⴻⵉⵜ ⵍⴰⵀⵎ, ⵜⵓⵍⴽⴰⵔⴻⵎ ⴷ ⵔⴰⵎⴰⵍⵍⴰⵀ ⴷ ⵡⴰⵛⵃⴰⵍ ⵙⴻⴳ ⵢⴻⴳⵎⴰⵎⴻⵏ (ⴰⵃⵢⴰ’) ⵏ ⵍⵇⵓⴷⵙ ⵢⴻⵜⵜⵡⴰⴹⴹⴼⴻⵏ, ⵇⴻⵔⵔⵙⴻⵏ ⴰⵟⴰⵙ ⵏ ⵔⵔⵚⴰⵚ ⵢⴻⵔⵏⵓ ⴹⴹⴼⴻⵏ ⴰⵛⵃⴰⵍ ⴷ ⴰⵎⴷⴰⵏ, ⵇêⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵙⵔⵉⵔ ⵏ ⵢⵉⵎⴻⵃⴱⴰⵙ ⵉⴼⴰⵍⴻⵙⵟⵉⵏⵉⵢⴻⵏ.

ⵙ ⵓⵊⴻⵎⵎⴰⵍ, 18 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⵢⴻⵜⵜⵡⴰⴹⴹⴼⴻⵏ ⴷⴻⴳ ⵜⴻⵥⴷⴰⵎⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⴻⵜⵜⵡⴰⵅⴻⴱⴱⴻⵔ.

ⵜⴰⵔⴻⴷⵙⴰ (ⴵⴰⵢⵛ) ⵏ ⵜⵓⴹⴹⴼⴰ ⵜⵉⵙⵕⴰⵢⵉⵍⵉⵜ ⵜⴻⵜⵜⴻⴳ ⵢⴰⵍ ⴰⵙⵙ ⵜⵉⵃⴻⵎⵍⵉⵡⵉⵏ ⵏ ⵡⴻⵃⴱⴰⵙ ⴷ ⵜⵉⴷⴻⵔⵖⴰⵍⵉⵏ ⴰⵢⴷⴻⴳ ⵜⴻⵜⵜⴰⴹⴹⴰⴼ ⵜⵉⵎⴻⵔⵡⵉⵏ (ⵄⴰⵛⴰⵔⴰⵜ) ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴷⴻⴳ ⵜⴻⵎⴷⵉⵏⵉⵏ ⴷ ⵢⵉⵖⴻⵔⵎⴰⵏ ⵏ ⵓⴳⴻⵎⵎⴰⴹ ⵓⵜⵔⵉⵎ ⵖⴻⴼ ⵙⵙⴻⴱⴱⴰⵜ ⵢⴻⵎⴳⴻⵔⵔⴰⴷⴻⵏ.

ⴰⵣⴰⵍ ⵏ 7.000 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⵢⴻⵜⵜⵡⴰⴹⴹⴼⴻⵏ ⴷⴻⴳ 2015, 400 ⵙⴻⴳ-ⵙⴻⵏ ⴷ ⵉⴳⴻⵔⴷⴰⵏ (ⴷⴷⴰⵡ 18 ⵏ ⵢⵉⵙⴻⴳⴳⴰⵙⴻⵏ) ⵖⴻⴼ ⵍⴻⵃⵙⴰⴱ ⵏ ⵢⵉⵡⴻⵜ ⵏ ⵜⴻⵛⵔⴰⵡⵜ ⵜⵓⵏⵚⵉⴱⵜ.