ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵓⵇ ⴰⵀⵕⴰⵙ: ⴰⵙⵙⴻⵊⵀⴻⴷ ⵏ ⵡⴻⵃⵔⵉⵛ ⵏ ⵜⴽⴻⵔⵔⴰⵣⵜ ⵙ ⵢⵉⵎⴰⵏⵓⵏⴻⵏ ⵏ ⵓⵙⵙⵉⵍⴻⵖ ⴰⵙⴰⴷⵓⵔⴰⵏ (ⴰⵎⴰⵙⴰⵢ)

ⵙⵓⵇ ⴰⵀⵕⴰⵙ – ⵢⴻⵏⵏⴰ-ⴷ, ⴰⵙⵙ ⵏ ⵍⴰⵕⴻⴱⵄⴰ, ⵓⵏⴻⵎⵀⴰⵍ (ⵎⵓⴷⵉⵔ) ⵏ ⵓⵙⵙⵉⵍⴻⵖ ⴰⵙⴰⴷⵓⵔⴰⵏ ⵏ ⵜⵡⵉⵍⴰⵢⵜ ⵏ ⵙⵓⵇ ⴰⵀⵕⴰⵙ, ⵍⴰⵣⵀⴰⵔ ⴱⵧⵓⴷⵔⴰⴰ, ⴷⴰⴽⴽⴻⵏ ⴰⵃⵔⵉⵛ ⵏ ⵜⴽⴻⵔⵔⴰⵣⵜ ⴰⴷ ⴷ-ⵔⵏⵓⵏ ⵖⴻⵔ-ⵙ, ⵙⴻⴳ-ⴰ ⵖⴻⵔ ⵙⴷⴰⵜ, ⵢⵉⵎⴰⵏⵓⵏⴻⵏ (ⵎⵓⵜⴰⵔⴰⴱⴱⵉⵚⵉⵏ) ⴰⵢ ⴷ-ⵉⴼⵓⴽⴻⵏ ⴰⵙⵙⵉⵍⴻⵖ-ⵏⵙⴻⵏ ⴷⴻⴳ ⵡⴰⵎⵎⴰⵙⴻⵏ ⵏ ⵓⵙⵙⵉⵍⴻⵖ ⴷⴻⴳ ⵜⵎⴻⵣⵣⵓⴳⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⴽⴻⵔⵔⴰⵣⵜ.

ⵜⴰⵎⵏⴰⴹⵜ-ⴰ ⴰⵢ ⵢⴻⵜⵜⵡⴰⵙⵙⴻⵏⴻⵏ ⵙ ⵜⴽⴻⵙⵙⴰⵡⵜ ⵏ ⵢⴻⵣⴳⴰⵔⴻⵏ ⴷ ⵜⴽⴻⵔⵔⴰⵣⵜ ⵏ ⵢⵉⵙⴻⴽⵍⴰ ⴷ ⵜⵉⵏ ⴰⵢⴷⴻⴳ ⵜⴻⵜⵜⵡⴰⵏⴻⵡⵡⴻⵄ ⵜⴽⴻⵔⵔⴰⵣⵜ, ⴷⵖⴰ ⴷ ⵖⴻⴼ ⵡⴰⵢⴰ ⴰⵔⴰ ⴰⴼⴻⵏ ⵢⵉⵎⴰⵏⵓⵏⴻⵏ ⴰⵢ ⴷ-ⵢⴻⴼⴼⵖⴻⵏ ⵙⴻⴳ ⵡⴰⵎⵎⴰⵙⴻⵏ ⵏ ⵓⵙⵙⵉⵍⴻⵖ ⴰⵟⴰⵙ ⵏ ⵜⵎⴻⵣⵣⵓⴳⵉⵏ (ⵉⵅⵜⵉⵚⴰⵚⴰⵜ) ⴰⵢⴷⴻⴳ ⴰⵔⴰ ⵅⴻⴷⵎⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ (ⵎⴰⵙ’ⵓⵍ).

ⵢⴻⵡⵡⴻⴹ ⵡⴻⵎⴹⴰⵏ ⵏ ⵢⵉⵎⴰⵏⵓⵏⴻⵏ ⴰⵢ ⵢⴻⵎⵎⴻⵕⴽⴰⵏ ⵖⴻⵔ ⵜⵎⴻⵣⵣⵓⴳⵉⵏ ⵏ ⵜⴽⴻⵔⵔⴰⵣⵜ ⵖⴻⵔ 1237, ⵢⵉⵍⵉ, ⴷⴻⴳ ⵢⵉⵙⴻⴳⴳⴰⵙⴻⵏ ⵢⴻⵣⵔⵉⵏ, ⵡⵡⴹⴻⵏ ⴽⴰⵏ ⵖⴻⵔ ⵡⴰⵣⴰⵍ ⵏ 600, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⴷⴻⴳ ⵢⵉⵡⴻⵜ ⵏ ⵜⴼⵓⴳⵍⴰ (ⵃⴰⴼⵍ) ⵏ ⵓⴵⴰⵣⵉ ⵏ 38 ⵏ ⵢⵉⵎⴰⵏⵓⵏⴻⵏ ⴰⵢ ⴷ-ⵢⴻⴼⵔⵓⵔⵉⵏ ⴷⴻⴳ ⵡⴻⵃⵔⵉⵛ ⵏ ⵓⵙⵙⵉⵍⴻⵖ, ⵙ ⵡⴻⵃⴷⴰⵕ ⵏ ⵓⵡⴰⵍⵉ ⴰⴱⴷⴻⵍⴳⵀⴰⵏⵉ ⴼⵉⵍⴰⵍⵉ.

ⵢⴻⵏⵏⴰ-ⴷ ⵎⴰⵙⵙ ⴱⵧⵓⴷⵔⴰⴰ, ⴷⴻⴳ ⵜⴻⵎⵙⴰⵍⵜ-ⴰ, ⴷⴰⴽⴽⴻⵏ ⴳⴰⵔ ⵜⵎⴻⵣⵣⵓⴳⵉⵏ ⴰⵢ ⴷ-ⵔⵏⴰⵏ ⴷ ⵜⵉⵎⴰⵢⵏⵓⵜⵉⵏ ⵜⴻⵍⵍⴰ ⵜⴽⴻⵙⵙⴰⵡⵜ ⵏ ⵢⵉⵢⴰⵣⵉⴹⴻⵏ, ⴰⴼⴰⵔⴻⵙ ⵏ ⵣⵣⵉⵜ ⵏ ⵓⵣⴻⵎⵎⵓⵔ, ⴰⵚⴻⴳⴳⴻⵎ ⵏ ⵜⵎⴰⵛⵉⵏⵉⵏ ⵏ ⵜⴽⴻⵔⵔⴰⵣⵜ, ⴰⵙⵙⵉⵍⴻⵖ ⵏ ⵢⵉⵅⴻⴷⴷⴰⵎⴻⵏ ⵏ ⵜⵏⴻⵛⵜⴰⵍⵉⵏ ⴷ ⵓⵙⵙⴻⴼⵔⴻⴽ ⵏ ⵍⵄⵓⵍⴰⵜ.

ⵢⴻⵏⵏⴰ-ⴷ ⵓⵏⴻⵎⵀⴰⵍ ⵏ ⵡⴻⵃⵔⵉⵛ-ⴰ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷⴰⴽⴽⴻⵏ ⵉⴳⵓⵔⴷⵉⵙⴻⵏ (ⵃⴰ’ⵉⵣⵉⵏ ⵄⴰⵍⴰ ⵛⴰⵀⴰⴷⴰⵜ) ⴷⴻⴳ ⵍⴻⴱⵏⵉ ⴷ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ ⵜⵜⴳⴻⵏⵙⵉⵙⴻⵏ-ⴷ 15% ⵙⴻⴳ ⵡⴻⵎⴹⴰⵏ ⴰⵎⴰⵜⵓ ⵏ ⵢⵉⵎⴰⵏⵓⵏⴻⵏ, ⵎⴰ ⴷ ⵡⵉⴷ ⴰⵢ ⵉⵍⴻⵎⵎⴷⴻⵏ ⵜⵉⵏⴹⵉ ⵜⴰⵏⵙⴰⵢⴰⵏⵜ ⴷ ⵜⴻⵏⴹⵉ ⵏ ⵢⵉⵎⴻⵥⵍⴰ ⵜⵜⴳⴻⵏⵙⵉⵙⴻⵏ-ⴷ 20%.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⴷⵓⵎⵚⵓⴽⵉⵏ (ⴱⵓⵏⴰ ⵜⴰⵃⵜⵉⵢⵢⴰ) ⵏ ⵡⴻⵃⵔⵉⵛ-ⴰ, ⵢⴻⵡⵊⴻⴷ-ⴷ ⵡⴰⵎⵎⴰⵙ ⵏ ⵓⵙⵙⵉⵍⴻⵖ ⴰⵙⴰⴷⵓⵔⴰⵏ ⴷⴻⴳ ⵜⵖⵉⵡⴰⵏⵜ ⵏ ⵍⴻⵃⴷⴰⴷⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵡⵊⴻⴷ ⵡⴰⵎⵎⴰⵙ ⵏ ⵓⵙⵙⵉⵍⴻⵖ ⴷⴻⴳ ⵡⴰⴷ ⵍⴽⴻⴱⵔⵉⵜ, ⴷⵖⴰ ⴷ ⴰⵢⴰ ⴰⵔⴰ ⵢⴻⵙⵙⴰⵍⵉⵏ ⵜⵉⵣⴻⵎⵎⴰⵔ ⵏ ⵓⵎⵎⴰⴳⴻⵔ ⵏ ⵜⵡⵉⵍⴰⵢⵜ-ⴰ ⵖⴻⵔ 3 925 ⵏ ⵢⵉⵎⴰⵏⵓⵏⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ-ⴰ.