ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵎⵙⴻⴳⵔⴰⵡ ⴰⵎⵏⴰⴹⴰⵏ ⵏ ⵢⵉⵡⴰⵍⵉⵢⴻⵏ: ⴰⵙⵙⴻⵜⵔⴻⵔ ⵏ ⵓⵏⴰⴳⵔⴰⵡ ⵏ ⵓⵙⵙⴻⴼⵔⴻⴽ ⵏ ⵡⴰⴽⴰⵍ ⴰⵎⴳⵓⵔⴰⵏ
ⵇⵙⴻⵏⵟⵉⵏⴰ– ⴰⵙⵙⴻⵜⵔⴻⵔ (ⵄⴰⵚⵔⴰⵏⴰ) ⵏ ⵢⵉⵏⴰⴳⵔⴰⵡⴻⵏ ⵏ ⵓⵙⵙⴻⴼⵔⴻⴽ ⵏ ⵡⴰⴽⴰⵍ ⴰⵎⴳⵓⵔⴰⵏ ⴷ ⵡⵉⵏ ⵏ ⵜⴽⴻⵔⵔⴰⵣⵜ ⵙ ⵓⵙⵙⴻⵄⵊⴻⵍ ⵏ ⵓⵙⵙⵉⴷⴻⴼ ⵏ ⵢⵉⵙⴻⴼⴽⴰ-ⵏⵙⴻⵏ ⴷⴻⴳ ⵓⵙⴻⵍⴽⵉⵎ ⴷ ⵜⵓⵇⵇⵏⴰ ⴳⴰⵔ ⵢⵉⵣⴰⴷⵓⵔⴻⵏ ⵏ ⵢⵉⵙⴻⴼⴽⴰ ⴷ ⴽⵔⴰ ⵙⴻⴳ ⵍⴻⵡⵚⴰⵢⴰⵜ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵙⵙⴻⴱⵜ-ⴰ ⴷⴻⴳ ⵡⴻⵎⵢⴰⴳⴻⵔ ⴰⵢ ⴷ-ⵢⴻⵍⵍⴰⵏ ⴷⴻⴳ ⵇⵙⴻⵏⵟⵉⵏⴰ ⴳⴰⵔ ⵢⵉⵡⴰⵍⵉⵢⴻⵏ ⵏ ⵡⴻⴳⵎⵓⴹ (ⵛⴰⵔⵇ) ⵏ ⵜⵎⵓⵔⵜ ⴰⵢ ⵢⴻⵙⵙⴻⵍⵡⵉ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵏⵧⵓⵔⴻⴷⴷⵉⵏⴻ ⴱⴻⴷⵧⵓⵉ.
ⴰⵚⴻⴳⴳⴻⵎ ⵏ ⵡⴻⵃⵔⵉⵛ ⵏ ⵡⴰⴽⴰⵍ ⴰⵎⴳⵓⵔⴰⵏ ⵉ ⵓⵙⵙⵉⴼⵙⴻⵙ ⵏ ⵓⵖⴻⵍⵍⴻⵜ ⵏ ⵡⴰⴽⴰⵍ ⵓⵔ ⵢⴻⵜⵜⵡⴰⵖⴻⵍⵍⵜⴻⵏ, ⴰⵙⵔⵓⵎⵎⴻⵙ ⵏ ⵜⵓⴽⵛⵉ ⵏ ⵍⴻⵄⵇⵓⴷⴰⵜ ⵏ ⵍⴻⴱⵏⵉ ⴷⴻⴳ ⵜⴻⵎⴷⵉⵏⵜ (ⴰⵢ ⴷ-ⵙⵙⵓⵜⵓⵔⴻⵏ ⴽⵔⴰ ⵏ ⵢⴻⵖⵍⵉⴼⴻⵏ), ⴰⵙⵙⴻⴱⴷⴻⴷ ⵏ ⵜⵙⴻⴽⴽⵉⵔⵜ ⵢⴻⴷⴷⵓⴽⴽⵍⴻⵏ ⵉ ⵡⴻⵙⵎⴰⵍ (ⵜⴰⵔⵇⵉⵢⴰ) ⵏ ⵓⵙⵙⴻⴼⵜⵉ ⴷ ⵜⵉⵎⵙⴰⵍ ⵏⵉⴹⴻⵏ ⴰⵢⵖⴻⴼ ⴷ-ⵢⴻⵍⵍⴰ ⵡⴰⵡⴰⵍ ⴷⴻⴳ ⵡⴻⵎⵙⴻⴳⵔⴰⵡ-ⴰ ⴰⵎⵏⴰⴹⴰⵏ ⴰⵢ ⴷ-ⵢⴻⵍⵀⴰⵏ ⵙ ⵡⴻⵙⵏⴻⴼⵍⵉ ⴰⴷⴰⵎⵙⴰⵏ ⴷ ⵓⵙⵙⴻⵍⵀⵓ ⵏ ⵢⵉⵎⴻⵥⵍⴰ ⵉⵏⴰⴳⴷⵓⴷⴻⵏ.
ⵍⵍⴰⵏ-ⴷ ⴷⴰⵖ ⵍⴻⵡⵚⴰⵢⴰⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⴻⵖⵔⴰⵎⴰ ⵏ ⵣⵣⵢⴰⴷⴰ ⴰⵢ ⵍⴰ ⵢⴻⵜⵜⵡⴰⵅⴻⵍⵍⴰⵚⴻⵏ ⴷⴻⴳ ⵜⴻⵎⵏⴰⴹⵉⵏ ⵜⵉⵎⴳⵓⵔⴰⵏⵉⵏ ⴷ ⵡⴰⵙⵓⵏⴻⵏ ⵏ ⵡⴻⵔⵎⵓⴷ ⵡⴰⵔ ⵎⴰ ⵢⴻⵜⵜⵡⴰⵇⴰⴷⴻⵔ ⵍⵇⴰⵏⵓⵏ ⵢⴻⵔⵣⴰⵏ ⴰⵢⴰ, ⴷ ⵓⵙⵙⵉⴼⵙⴻⵙ ⵖⴻⴼ ⵜⴻⵕⵎⵉⵙⵉⵏ ⵜⵉⵏⴰⴳⴷⵓⴷⵉⵏ ⴰⴽⴽⴻⵏ ⴰⴷ ⴰⵡⵉⵏⵜ ⴰⴽⴰⵍ ⵏ ⵣⵣⵢⴰⴷⴰ.
ⴷⵉⵎⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⴼⵜⵉ ⴷ ⵡⴰⴽⴰⵍ ⴰⴷⴰⵎⴰⵏ, ⵜⴻⵍⵍⴰ-ⴷ ⵍⴻⵡⵚⴰⵢⴰ ⵉ ⵡⴻⵣⵔⴰⵡ (ⴷⵉⵔⴰⵙⴰ) ⵏ ⵜⴻⴳⵏⵉⵜ ⵏ ⵍⵇⴰⵏⵓⵏ ⵏ ⵢⵉⵙⵙⴻⴼⵜⵉⵢⴻⵏ ⴰⵢ ⴷ-ⵢⴻⵍⵍⴰⵏ ⴱⴻⵕⵕⴰ ⵉ ⵓⴽⴰⵜⴰⵔ ⵏ ⵍⵇⴰⵏⵓⵏ ⵢⴻⵔⵏⵓ ⵡⴻⵔⵄⴰⴷ ⵓⵔ ⵜⵜⵡⴰⵖⴻⵍⵍⵜⴻⵏ, ⵢⴻⵔⵏⵓ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵡⴰⵢⴰ ⵉ ⵓⵙⵙⵉⴷⴻⴼ ⵏ ⵢⵉⵙⵙⴻⴼⵜⵉⵢⴻⵏ-ⴰ ⵖⴻⵔ ⵓⴽⴰⵜⴰⵔ ⵏ ⵍⵇⴰⵏⵓⵏ.
ⴷ ⴰⵡⴰⵍⵉ ⵏ ⵙⴹⵉⴼ ⴰⵢ ⵢⴻⵜⵜⵡⴰⴽⴻⵍⵍⴼⴻⵏ ⴰⴷ ⵢⴻⵙⵙⴻⵎⵢⵓⴷⴷⴻⵙ ⵉⵅⴻⴷⴷⵉⵎⴻⵏ ⵏ ⵜⴻⴳⵔⴰⵡⵜ ⵏ ⵓⵅⴻⵎⵎⴻⵎ ⴰⵢ ⴷ-ⵢⴻⵙⵙⴻⵎⵍⴰⵍⴻⵏ ⵉⵡⴰⵍⵉⵢⴻⵏ ⵏ ⵜⵡⵉⵍⴰⵢⵉⵏ ⵜⵓⵇⵔⵉⴱⵉⵏ ⴰⴽⴽⴻⵏ ⴰⴷ ⴷ-ⵀⴻⵢⵢⵉⵏ ⵜⴰⵙⵓⴷⴷⴻⵙⵜ ⵏ ⵓⵙⵙⵓⴳⴳⴻⵜ ⵏ ⵓⵙⵙⴻⴼⵜⵉ ⴰⵔⴰⵔⴰⵢ ⴷ ⵡⴻⵙⴷⵓⵇⵇⴻⵙ ⵏ ⵜⴷⴰⵎⵙⴰ ⴷⴻⴳ ⵜⵡⵉⵍⴰⵢⵉⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ.
