ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴻⵇⴼⴻⵍ ⵜⵔⴻⴷⵙⴰ ⵏ ⵜⵓⴹⴹⴼⴰ ⵜⵉⵙⵕⴰⵢⵉⵍⵉⵜ ⵜⴰⵎⴷⵉⵏⵜ ⵏ ⵍⵅⴰⵍⵉⵍ

ⵍⵅⴰⵍⵉⵍ (ⵉⴽⴰⵍⴻⵏ ⵉⴼⴰⵍⴻⵙⵟⵉⵏⵉⵢⴻⵏ ⵢⴻⵜⵜⵡⴰⴹⴹⴼⴻⵏ)– ⵜⴻⵇⴼⴻⵍ ⵜⵔⴻⴷⵙⴰ (ⴵⴰⵢⵛ) ⵏ ⵜⵓⴹⴹⴼⴰ ⵜⵉⵙⵕⴰⵢⵉⵍⵉⵜ, ⴰⵙⵙ ⵏ ⵙⵙⴻⴱⵜ, ⵜⴰⵎⴷⵉⵏⵜ ⵏ ⵍⵅⴰⵍⵉⵍ ⵢⴻⵍⵍⴰⵏ ⴷ ⵜⴰⵎⴷⵉⵏⵜ ⵜⴰⵎⴻⵇⵔⴰⵏⵜ ⴰⴽⴽ ⵏ ⵓⴳⴻⵎⵎⴰⴹ ⵓⵜⵔⵉⵎ, ⴰⵎ ⵡⴰⴽⴽⴻⵏ ⴰⵢ ⵜⴻⵇⴼⴻⵍ ⵉⵖⴻⵔⵎⴰⵏ ⴰⵢ ⴷ-ⵢⴻⵣⵣⵉⵏ ⴼⴻⵍⵍ-ⴰⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ.

ⵜⵜⵡⴰⵎⴻⴷⵍⴻⵏ ⵡⴰⴷⴰⴼⴻⵏ ⵏ ⵜⴻⵎⴷⵉⵏⵜ ⵏ ⵍⵅⴰⵍⵉⵍ ⵢⴻⵔⵏⵓ ⵔⵙⴻⵏ ⵢⴻⵙⴼⴻⵔⴳⴻⵏ ⴰⵢ ⵉⵔⴻⴳⵍⴻⵏ ⵉⴱⵔⵉⴷⴻⵏ ⵢⴻⵜⵜⴰⵡⵉⵏ ⵖⴻⵔ ⵜⴻⵎⴷⵉⵏⵜ-ⴰ, ⵎⴻⵏⵖⵉⵔ ⴰⴱⵔⵉⴷ ⵏ ⵓⴳⴰⴼⴰ (ⵛⴰⵎⴰⵍ) ⴰⵢ ⵢⴻⵜⵜⴰⵡⵉⵏ ⵖⴻⵔ ⵢⴻⵖⵔⴻⵎ ⵏ ⵀⴰⵍⵀⵧⵓⵍ ⴰⵢ ⵢⴻⵜⵜⴰⵡⴹⴻⵏ ⴰⵔⵎⴰ ⴷ ⵜⴰⵎⴷⵉⵏⵜ ⵏ ⵍⵇⵓⴷⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵜⵜⴰⵡⵉⵍⴰⵜ-ⴰ ⵏ ⵢⵉⵙⴰⵍⴰⵏ.

ⵏⵏⵉⴳ ⵡⴰⵢⴰ, ⵜⴻⴱⵟⴻⵍ ⵜⵔⴻⴷⵙⴰ ⵜⵉⵙⵕⴰⵢⵉⵍⵉⵜ ⵜⵜⴻⵙⵔⵉⵃⴰⵜ ⵏ ⵓⵅⴻⴷⴷⵉⵎ ⵏ ⵡⴰⴽⴽ ⵉⵎⴻⵣⴷⴰⵖⴻⵏ ⵏ ⵢⴻⵖⵔⴻⵎ-ⵏⵏⵉ.

ⵎⴻⵏⵖⵉⵔ ⴰⵇⴼⴰⵍ ⵏ ⵜⴻⵎⴷⵉⵏⵜ ⵏ ⵍⵅⴰⵍⵉⵍ ⴰⵢⴷⴻⴳ ⵣⴻⴷⵖⴻⵏ ⴰⵣⴰⵍ ⵏ 200.000 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ, ⵙⵏⴻⵇⵙⴻⵏ ⴷⴰⵖ ⵢⵉⴷⵓⴱⴰ ⵉⵙⵕⴰⵢⵉⵍⵉⵢⴻⵏ ⴰⵙⵄⴻⴷⴷⵉ ⵏ ⵢⴻⴷⵔⵉⵎⴻⵏ ⵏ ⵍⴻⵖⵔⴰⵎⴰ ⵉ ⵓⴷⴰⴱⵓ ⴰⴼⴰⵍⴻⵙⵟⵉⵏⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵜⵜⴰⵡⵉⵍⴰⵜ-ⴰ ⵏ ⵢⵉⵙⴰⵍⴰⵏ.

ⵍⵍⴰⵏ-ⴷ ⵢⵉⵃⴻⵣⵣⵉⴱⴻⵏ-ⴰ ⵏ ⵡⴻⵎⵃⴰⵇ ⴷⴻⴼⴼⵉⵔ ⵎⴰ ⵜⴻⵙⵙⵓⴼⴼⴻⵖ-ⴷ ⵜⴻⵙⵎⵉⵍⵜ ⵜⴰⴳⵔⴰⵖⵍⴰⵏⵜ ⵏ 4 ⵏ ⵢⵉⴷⵉⵙⴰⵏ ⵉ ⵡⴻⴳⵎⵓⴹ ⴰⵍⴻⵎⵎⴰⵙ ⵜⵉⵖⵔⵉ ⵉ ⵢⵉⵙⵕⴰⵢⵉⵍⵉⵢⴻⵏ ⴰⴽⴽⴻⵏ ⴰⴷ ⵃⴻⴱⵙⴻⵏ ⴰⵙⵙⴻⵀⵔⴻⵙ (ⵉⵙⵜⵉⵄⵎⴰⵔ).