ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⴳⴻⵔ-ⴷ ⵣⵉⵜⵧⵓⵏⵉ ⵜⵉⵖⵔⵉ ⵉ ⵢⵉⵍⴻⵎⵥⵉⵢⴻⵏ ⴰⴽⴽⴻⵏ ⴰⴷ ⴽⴻⵎⵎⵍⴻⵏ ⴰⴽⴰⵍⴰ ⵏ ⵍⴻⴱⵏⵉ ⵙ ⵡⴰⴳⴰⵎ ⵙⴻⴳ ⵜⵙⵓⵜⴰ ⵏ ⵜⴻⴳⵔⴰⵡⵍⴰ

ⵍⴷⵣⴰⵢⴻⵔ ⵜⴰⵎⴰⵏⴻⵖⵜ– ⵉⴳⴻⵔ-ⴷ ⵓⵏⴻⵖⵍⴰⴼ ⵏ ⵢⴻⵎⵊⴰⵀⴷⴻⵏ, ⵜⴰⵢⴻⴱ ⵣⵉⵜⵧⵓⵏⵉ, ⵜⵉⵖⵔⵉ ⵉ ⵢⵉⵍⴻⵎⵥⵉⵢⴻⵏ ⴰⴽⴽⴻⵏ ⴰⴷ ⴷⴷⵎⴻⵏ ⵜⴰⵎⴰⵙⵉⵜ (ⵎⴰⵙ’ⵓⵍⵉⵢⵢⴰ) ⵢⴻⵔⵏⵓ ⴰⴷ ⴽⴻⵎⵎⵍⴻⵏ ⵍⴻⴱⵏⵉ ⵏ ⵜⵎⵓⵔⵜ ⵙ ⵡⴰⴳⴰⵎ ⵙⴻⴳ ⵜⵙⵓⵜⴰ ⴰⵢ ⴷ-ⵢⴻⵙⵏⴻⴽⵔⴻⵏ ⵜⴰⴳⵔⴰⵡⵍⴰ ⵏ 1ⵓ ⵏ ⵡⴰⵎⴱⴻⵔ ⵎⴳⴰⵍ ⵓⵙⵙⴻⵀⵔⴻⵙ (ⵉⵙⵜⵉⵄⵎⴰⵔ) ⴰⴼⵕⴻⵏⵙⵉⵙ.

« ⵢⴻⵙⵙⴻⴼⴽ ⴰⴷ ⴷⴷⵎⴻⵏ ⵢⵉⵍⴻⵎⵥⵉⵢⴻⵏ ⵜⴰⵎⴰⵙⵉⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴽⴻⵎⵎⴻⵍ ⵏ ⵓⴽⴰⵍⴰ (ⵎⴰⵙⴰⵔ) ⵏ ⵍⴻⴱⵏⵉ ⴰⵖⴻⵍⵏⴰⵡ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵣⵉⵜⵧⵓⵏⵉ ⴰⵢ ⵢⴻⵙⵙⴻⵍⵡⵉⵏ ⵢⵉⵡⴻⵏ ⵏ ⵓⵙⴰⵔⴰⴳ ⴰⵢ ⴷ-ⵙⵙⵓⴷⴷⵙⴻⵏ ⴷⴻⴳ ⵓⵙⴰⵍⴰⵢ (ⵎⵓⵜⵃⴰⴼ) ⴰⵖⴻⵍⵏⴰⵡ ⵏ ⵡⴻⵎⵊⴰⵀⴻⴷ ⴷⴻⴳ ⵢⵉⴹ ⵏ ⵓⵎⵓⵍⵍⵉ ⵡⵉⵙ 54 ⵏ ⵓⵣⴰⵔⵓⴳ ⴰⵖⴻⵍⵏⴰⵡ.

ⵉ ⵍⵎⴻⵏⴷ ⵏ ⵡⴰⵢⴰ, ⵉⴳⴰ ⵓⵏⴻⵖⵍⴰⴼ ⵉⴼⴰⴷⴷⴻⵏ ⵉ ⵢⵉⵍⴻⵎⵥⵉⵢⴻⵏ ⴰⴽⴽⴻⵏ ⴰⴷ ⴷ-ⴰⴳⵎⴻⵏ ⵙⴻⴳ ⵜⵙⵓⵜⴰ ⵏ 1ⵓ ⵏ ⵡⴰⵎⴱⴻⵔ ⴰⵢ ⵢⴻⴵⴵⴰⵏ ⵍⴷⵣⴰⵢⴻⵔ ⴰⴷ ⴷ-ⵜⴻⵔⵔ ⵜⴰⵏⴰⵢⴰ-ⵏⵏⴻⵙ (ⵙⵉⵢⴰⴷⴰ) ⵜⴰⵖⴻⵍⵏⴰⵡⵜ.

ⴷⴻⴼⴼⵉⵔ ⵎⴰ ⵢⴻⵙⵎⴻⴽⵜⵉ-ⴷ ⴷⴰⴽⴽⴻⵏ ⴰⵣⴰⵔⵓⴳ ⴰⵖⴻⵍⵏⴰⵡ ⴷ « ⵍⵖⴻⵍⵍⴰ ⵏ ⵢⵉⵡⴻⵏ ⵏ ⵢⵉⵎⴻⵏⵖⵉ ⴰⵙⴰⴹⴰⵏ (ⴱⵓⵟⵓⵍⵉ) ⵉⵡⴻⵄⵕⴻⵏ ⵢⴻⵔⵏⵓ ⵖⴻⵣⵣⵉⴼⴻⵏ », ⵢⴻⵏⵏⴰ-ⴷ ⵎⴰⵙⵙ ⵣⵉⵜⵧⵓⵏ ⴷⴰⴽⴽⴻⵏ ⴰⵙⴼⵓⴳⴻⵍ ⵏ ⵓⵎⵓⵍⵍⵉ-ⴰ « ⴷ ⵜⴰⴳⵏⵉⵜ ⵉ ⵓⵙⵙⴻⴹⵀⴻⵔ ⵏ ⵡⴰⵣⴰⵍⴻⵏ ⵉⵖⴻⵍⵏⴰⵡⴻⵏ ⴰⵢ ⴷ-ⵢⴻⵙⵙⴰⴽⵉⵏ ⵍⴻⵄⵇⵓⵍ ⵏ ⵢⵉⵍⴻⵎⵥⵉⵢⴻⵏ ⵢⴻⵔⵏⵓ ⵢⴻⵙⵙⴻⴳⵎⴰ ⴷⴻⴳ-ⵙⴻⵏ ⴰⴼⵔⴰⵢⴻⵏ ⵏ ⵢⵉⵙⴻⵖ ⴷ ⵜⴰⵢⵔⵉ ⵏ ⵜⵎⵓⵔⵜ ».

ⵢⴻⵏⵏⴰ-ⴷ ⴷⴰⵖ ⵓⵏⴻⵖⵍⴰⴼ ⵏ ⵢⴻⵎⵊⴰⵀⴷⴻⵏ ⴷⴰⴽⴽⴻⵏ ⵍⵍⴰⵏ-ⴷ ⴰⵟⴰⵙ ⵏ ⵢⵉⵙⵓⵔⵉⴼⴻⵏ ⵖⴻⵔ ⵙⴷⴰⵜ ⴷⴻⴳ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ, ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⵙ ⵜⵙⴻⵔⵜⵉⵜ ⵜⵓⵃⵕⵉⵛⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⴻⵍⵍⴰⵏ ⴷ ⴰⵔⴳⴰⵣ ⵏ ⵜⴰⵍⵡⵉⵜ ⴷ ⵡⴻⵎⵙⵓⵖⴰⵍ ⴰⵖⴻⵍⵏⴰⵡ.