ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⵓⵖⴰⵍ ⵎⵧⵀⴰⵎⴻⴷ ⵙⴰⵔⵉ ⴷⴻⴳ ⵡⵓⵏⴳⴰⵍ-ⵉⵙ ⴰⵏⴻⴳⴳⴰⵔⵓ "ⵒⵍⵓⵉⴻⵙ ⴷ'ⵧⵔ", ⵙ ⴰⵥⴰⵔ ⵏ ⵜⵍⴰⵍⵉⵜ ⵏ ⵜⴻⴽⵔⵉⴹⵜ ⴷⴻⴳ ⵜⵎⴻⵜⵜⵉ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵛⵔⴻⵡ-ⴷ ⵓⴳⴰⵔ ⵏ ⵙⴻⵎⵎⵓⵙ ⵏ ⵜⴻⵎⵔⴰⵡⵉⵏ ⵏ ⵢⵉⵙⴻⴳⴳⴰⵙⴻⵏ ⵏ ⵜⵓⴷⴻⵔ ⴷⴻⴳ ⵍⴻⵣⵣⴰⵢⴻⵔ, "ⵒⵍⵓⵉⴻⵙ ⴷ'ⵧⵔ" (ⴰⴳⴻⴼⴼⵓⵔ ⵏ ⵡⵓⵔⴻⵖ), ⵓⵏⴳⴰⵍ ⴰⵏⴻⴳⴳⴰⵔⵓ ⵏ ⵓⵎⴰⵔⵓ ⵎⵧⵀⴰⵎⴻⴷ ⵙⴰⵔⵉ, ⵉⵏⵓⴷⴰ ⵙⵙⴻⴱⴱⴰ ⵏ ⵜⴻⴽⵔⵉⴹⵜ ⴷⴻⴳ ⵜⵎⴻⵜⵜⵉ ⵏ ⵢⵉⵎⵉⵔ-ⴰ ⵙ ⵓⵙⴻⵎⵔⴻⵙ ⵏ ⴷⴷⴻⵇⵙ ⵏ ⵜⴻⵃⴽⴰⵢⵉⵏ ⵢⴻⵔⵙⴻⵏ ⴷⴻⴳ ⵜⴰⵍⵍⵉⵢⵉⵏ ⵢⴻⵎⴳⴰⵔⴷⴻⵏ ⵉⴷⴻⴳ ⴷ-ⴹⵔⴰⵏ ⵢⵉⴱⴻⴷⴷⵉⵍⴻⵏ ⵉⵏⵎⴻⵜⵜⵉⵢⴻⵏ ⵉⵎⴻⵇⵇⵔⴰⵏⴻⵏ.

ⴷⴻⴳ ⵜⵚⴻⴽⴽⴰ-ⴰ ⵢⵓⵔⴰⵏ ⵙ ⵜⵓⵜⵍⴰⵢⵜ ⵜⴰⴼⵔⴰⵏⵙⵉⵜ, ⵢⴻⴼⴼⴻⵖ-ⴷ ⴷⴻⴳ ⵜⴻⵣⵔⵉⴳⵉⵏ "ⵛⵀⵉⵀⴰⴱ", ⵉⵙⴻⵔⵙ ⵓⵎⴰⵔⵓ, ⴷⴻⴳ 290 ⵏ ⵢⵉⵙⴻⴱⵜⴰⵔ, ⴷⴷⴻⵇⵙ ⵏ ⵢⵉⵡⴰⴷⵎⴻⵏ ⵎⴳⴰⵍ ⵡⴰⵟⴰⵏⴻⵏ ⵉⵏⵎⴻⵜⵜⵉⵢⴻⵏ ⵢⴻⴹⵔⴰⵏ ⴷⴻⴳ ⵓⴳⴰⵔ ⵏ ⵙⴻⵎⵎⵓⵙ ⵏ ⵜⴻⵎⵔⴰⵡⵉⵏ ⵏ ⵢⵉⵙⴻⴳⴳⴰⵙⴻⵏ ⵏ ⵍⵃⵉⴼ ⴰⵏⵎⴻⵜⵜⵉ, ⵏ ⵓⴼⵍⴰⵙ, ⵏ ⵜⴽⴻⵔⴽⴰⵙ ⵏⴻⵖ ⴷⵖⴰ ⵉⵎⴻⵥⵔⵉⵖⴼⴻⵏ ⵉⵎⴰⵙⵖⴰⵏⴻⵏ ⵉ ⵉⵎⴻⵙⵍⴻⵏ ⵜⵉⵎⴻⵜⵜⵉ ⵜⵓⴽⵔⵉⴹⵜ ⵏ ⵡⴰⵙⵙ-ⴰ, ⴰⵍⵎⴻⵏⴷ ⵏ ⵓⵎⴻⵙⴽⴰⵔ.

ⵍⵎⴻⵀⴷⵉ’’, ⴰⵡⴰⴷⴻⵎ ⴰⴳⴻⵊⴷⴰⵏ ⵏ ⵡⵓⵏⴳⴰⵍ, ⵙ ⵢⴻⵙ-ⵙ ⵉ ⵢⴻⴽⴽⴻⵔ ⵓⵎⴻⵙⴽⴰⵔ ⵙ ⴰⵏⴰⴷⵉ ⵏ ⵜⴻⵖⴱⵓⵍⴰ ⵏ ⵜⴻⴽⵔⵉⴹⵜ ⵖⵓⵔ ⵓⵍⴻⵎⵥⵉ ⵢⴻⵔⵔⴰⵏ ⵉⵎⴰⵏ-ⵉⵙ ⴷ ⵍⵉⵎⴰⵎ, ⵢⴻⵥⵥⴰ ⴷⴻⴳ ⵜⴰⴳⴳⴰⵔⴰ ⵏ ⵢⵉⵙⴻⴳⴳⴰⵙⴻⵏ ⵏ 1980 ⵜⵓⴳⴷⵉ ⵜⵉⵎⵉⵖⴻⴼⵜ ⴷⴻⴳ ⵜⴰⴷⴷⴰⵔⵜ ⴰⴽⴽⴻⴷ ⵢⵉⵏⴻⴹⴼⴰⵔⴻⵏ-ⵉⵙ, ‘’ⵉⵎⴻⴷⴷⵓⴽⴰⵏ ⵏ ⵜⴻⵍⵖⴻⵎⵜ’’, ⵉ ⵡⴰⴽⴽⴻⵏ ⴰⴷ ⵢⵓⵖⴰⵍ ⴷ ’’ⴰⵖⴻⵍⵍⴰ’’ ⵙ ⵜⵓⴽⴽⵙⴰ ⵏ ⵡⵉⴷ ⴰⴽⴽ ⵓⵔ ⵏⴻⴼⴼⵉⵖ ⴰⵔⴰ ⴼⴻⵍⵍ-ⴰⵙ.

ⴷ ⴰⵎⴷⴰⵏ ⵢⴻⵜⵜⴻⵡⵜⴻⵏ ⴷⴻⴳ ⵜⴻⵎⵥⵉ-ⵙ, ⵉⴹⴻⴳⴳⴻⵔ-ⵉⵜ ⴱⴰⴱⴰ-ⵙ, ⵢⴻⴽⴽⴰⵜ ⵜⴰⵎⴻⵟⵟⵓⵜ-ⵉⵙ, ⵢⴻⴷⴷⴻⵔ ⵍⵎⴻⵀⴷⵉ ⴷⴻⴳ ⵢⵉⴱⴻⵔⴷⴰⵏ ⴰⴽⴽⴻⴷ ⵜⵇⴻⵔⵔⴰⴱⵉⵏ ⵏ ⵜⴰⴷⴷⴰⵔⵜ, ⵢⴻⵞⵞⴰ-ⵜ ⵛⵛⴻⴽ ⵏ ⵜⵎⴰⴳⵉⵜ ⵏ ⴱⴰⴱⴰ-ⵙ ⵏ ⵜⵉⴷⴻⵜ.

ⵉⵍⵓⵍ ⴷⴻⴳ ⵓⵙⴻⴳⴳⴰⵙ ⵏ 1958 ⴷⴻⴳ ⵜⵡⵉⵍⴰⵢⵜ ⵏ ⵛⴻⵔⵛⴰⵍ, ⵎⵧⵀⴰⵎⴻⴷ ⵙⴰⵔⵉ ⴷ ⴰⵒⵔⵓⴼⵉⵙⵓⵔ ⴷⴻⴳ ⵜⴻⵙⴷⴰⵡⵉⵜ, ⴷ ⴰⵎⵙⵓⵖⴻⵍ ⵏ ⵢⵉⵎⵓⵔⴰ ⵉⵣⵣⴰⵢⵔⵉⵢⴻⵏ ⵉⵎⴻⵇⵇⵔⴰⵏⴻⵏ ⴰⵎⴻⴷⵢⴰ ⵏ ⴰⵙⵙⵉⴰ ⴷⵊⴻⴱⴱⴰⵔ, ⵢⴰⵙⵎⵉⵏⴰ ⴽⵀⴰⴷⵔⴰ ⵎⵧⵀⴰⵎⴻⴷ ⴷⵉⴱ, ⴰⵏⵧⵓⴰⵔ ⴱⴻⵏⵎⴰⵍⴻⴽ ⴰⴽⴽⴻⴷ ⵎⴰⵍⵉⴽⴰ ⵎⵧⴽⴰⴷⴷⴻⵎ.

ⴷ ⴰⵎⴻⵙⴽⴰⵔ ⵏ ⵡⵓⵏⴳⴰⵍⴻⵏ ⵙ ⵜⵓⵜⵍⴰⵢⵜ ⵜⴰⵄⵔⴰⴱⵜ ⴰⴽⴽⴻⴷ ⵜⴻⴼⵔⴰⵏⵙⵉⵜ, ⴳⴰⵔ-ⴰⵙⴻⵏ "ⵍⴰ ⵜⵓⵎⴻⵓⵔ", "ⵍⴰ ⵛⴰⵔⵜⴻ ⵎⴰⴳⵉⵇⵓⴻ" ⵏⴻⵖ "ⵍⴰ ⵒⵍⵓⵉⴻ", ⴰⴽⴽⴻⴷ ⵢⵉⴷⵍⵉⵙⴻⵏ ⵢⴻⵔⵣⴰⵏ ⴰⵣⵖⴰⵏ ⴰⵙⴻⴽⵍⴰⵏ.