ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵙⵙⴻⴼⴽ ⴰⴷ ⵉⵍⵉⵏⵜ ⵓⴳⴰⵔ ⵏ ⵜⴻⵣⵔⴰⵡⵉⵏ ⵖⴻⴼ ⵓⵎⴻⵣⵔⵓⵢ ⵏ ⵍⴻⵣⵣⴰⵢⴻⵔ ⵢⴻⵔⵣⴰⵏ ⴰⴽⴽ ⵜⴰⵍⵍⵉⵢⵉⵏ
ⵄⴻⵏⵏⴰⴱⴰ – ⴰⵎⴰⵔⴰⵢ ⴰⵎⴰⵜⵓ ⵏ ⵓⵙⵇⴰⵎⵓ ⵓⵏⵏⵉⴳ ⵏ ⵜⵉⵎⵎⵓⵣⵖⴰ, ⵙⵉ ⴻⵍ ⵀⴰⵛⵀⴻⵎⵉ ⴰⵙⵙⴰⴷ ⵢⴻⵖⵔⴰ-ⴷ ⴰⵙⵙ ⵏ ⵙⵙⴻⴱⵜ ⴷⴻⴳ ⵄⴻⵏⵏⴰⴱⴰ, ⵉⵏⴰⴳⵎⴰⵢⴻⵏ ⴰⴽⴽⴻⴷ ⵢⵉⵎⴰⵣⵣⴰⵢⴻⵏ ⴰⴽⴽⴻⵏ ⴰⴷ ⴳⴻⵏ ⵓⴳⴰⵔ ⵏ ⵜⴻⵣⵔⴰⵡⵉⵏ ⵖⴻⴼ ⵓⵎⴻⵣⵔⵓⵢ ⵏ ⵍⴻⵣⵣⴰⵢⴻⵔ ⵢⴻⵔⵣⴰⵏ ⴰⴽⴽ ⵜⴰⵍⵍⵉⵢⵉⵏ.
ⴰⵍⴷⴰⵢ ⵏ ⵢⵉⵎⵓⵀⴰⵍ ⵏ ⵜⴻⵎⵍⵉⵍⵉⵜ ⵜⵓⵙⵙⵏⴰⵏⵜ ⵜⴰⴳⵔⴰⵖⵍⴰⵏⵜ ⵖⴻⴼ ⵓⴳⴻⵍⵍⵉⴷ ⴰⵎⴰⵣⵉⵖ ⵢⵓⴳⵓⵔⵜⴻⵏ, ⴷⴷⴰⵡ ⵓⵣⵡⴻⵍ ‘’ⵢⵓⴳⵓⵔⵜⴻⵏ ⵉⵇⵓⴱⴻⵍ ⵕⵓⵎ’’, ⴷⴻⴳ ⵓⵎⴻⵣⴳⵓⵏ ⴰⵎⵏⴰⴹⴰⵏ ⴰⵣⵣⴻⴷⵉⵏⴻ ⵎⵉⴷⵊⵧⵓⴱⵉ, ⴰⵎⴰⵔⴰⵢ ⴰⵎⴰⵜⵓ ⵏⵓⵙⵇⴰⵎⵓ ⵓⵏⵏⵉⴳ ⵏ ⵜⵉⵎⵎⵓⵣⵖⴰ ⵉⴷⴻⵔⵔⴻⵔ-ⴷ ⴷⴰⴽⴽⴻⵏ ⵜⵉⵣⵔⴰⵡⵉⵏ ⵖⴻⴼ ⵓⵎⴻⵣⵔⵓⵢ ⵏ ⵜⴻⵎⵏⴰⴹⵜ ⵢⵓⴳⴰⵔ ⵉ ⴷ-ⵓⵔⴰⵏ ⵢⵉⵎⵓⵣⵣⴰⴳ ⴰⴽⴽⴻⴷ ⵢⵉⵏⴰⴳⵎⴰⵢⴻⵏ ⵉⵊⴻⵏⵟⴰⴹ, ⵢⴻⵏⵏⴰ-ⴷ ⴷⴰⵖⴻⵏ ⵢⴻⵙⵙⴻⴼⴽ ⴰⴷ ⵜⵉⵍⵉ ‘’ⵜⵎⵓⵖⵍⵉ ⵜⴰⵣⵣⴰⵢⵔⵉⵜ) ⴰⵔⴰ ⴷ ⵢⴻⵣⵣⵉⴽⵏⴻⵏ, ⴰⵎⴻⵣⵔⵓⵢ ⵏ ⵜⵎⵓⵔⵜ.
ⵎⴰⵙⵙ ⴰⵙⵙⴰⴷ ⵉ ⴷ-ⵢⴻⵙⵎⴻⴽⵜⴰⵏ ⴷⴰⴽⴽⴻⵏ ⵜⵉⵎⵍⵉⵍⵉⵜ-ⴰ ⵜⵓⵙⵙⵏⴰⵏⵜ ⵜⴰⴳⵔⴰⵖⵍⴰⵏⵜ ⵜⴻⵖⵍⵉ-ⴷ ⴰⴽⴽⴻⴷ ⵓⵙⴼⵓⴳⴻⵍ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵓⵎⴵⴰⵀⴻⴷ, ⵢⴻⵏⵏⴰ-ⴷ ⴷⴰⵖⴻⵏ ⵜⵉⵎⵍⵉⵍⵉⵜ-ⴰ ⵜⴻⴼⵙⴻⵔ-ⴷ ⴰⵣⴰⵍ ⵏ ⵓⵣⴱⵓ ⴰⴽⴽⴻⴷ ⵓⵃⵓⴷⴷⵓ ⵖⴻⴼ ⵡⴰⴽⴰⵍ ⵏ ⵜⵎⵓⵔⵜ ⵉ ⵙⵄⴰⵏ ⵢⵉⴳⴻⵍⵍⵉⴷⴻⵏ ⵉⵎⴰⵣⵉⵖⴻⵏ ⴰⵎⴻⴷⵢⴰ ⵏ ⵎⴰⵙⴻⵏⵙⴻⵏ ⴰⴽⴽⴻⴷ ⵢⵓⴳⵓⵔⵜⴻⵏ, ⵉⴷⴻⵔⵔⴻⵔ-ⴷ ⴷⴰⵖⴻⵏ ⴷⴰⴽⴽⴻⵏ ⴰⵎⴻⴷⵢⴰ-ⵏⵙⴻⵏ ⴷ ⵜⴰⵖⴱⴰⵍⵓⵜ ⵉⵙⴻⴳ ⴷ-ⵢⴻⵙⵡⴰ ⵓⵎⴳⴰⵔⵓ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ.
