ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵛⵛⵉⵏⵡⴰ ⵜⴻⴼⵙⴻⵔ-ⴷ ⵜⴰⴽⴻⵔⵔⵓⵙⵜ ⴰⴽⴽⴻⴷ ⵜⴽⴰⴱⵙⵓⵏⵜ-ⵉⵙ ⴰⵔⴰ ⵢⴻⵙⵏⴰⵔⵎⴻⵏ ⴰⵎⵜⵉⵡⴻⴳ ⵏ ⵎⴻⵖⵔⴻⵙ ⴷⴻⴳ ⵓⵙⴻⴳⴳⴰⵙ ⵏ 2020

ⵒⵉⴽⵉⵏ – ⵜⴻⵣⵔⴻⴳ-ⴷ ⵛⵛⵉⵏⵡⴰ ⴰⵙⵙ ⵏ ⵜⵜⵍⴰⵜⴰ ⵜⵓⴳⵏⵉⵡⵉⵏ ⵏ ⵜⴽⴻⵔⵔⵓⵙⵜ ⴰⴽⴽⴻⴷ ⵜⴽⴰⴱⵙⵓⵏⵜ ⵉ ⵜⴻⵜⵜⵀⴻⵢⵢⵉ ⵜⵎⵓⵔⵜ ⴰⴷ ⵜⵜ-ⵜⴰⵣⴻⵏ ⵖⴻⴼ ⵓⵎⵜⵉⵡⴻⴳ ⴰⵣⴻⴳⴳⴰⵖ, ⵙⵢⴰ ⵖⴻⵔ ⵙⴻⵎⵎⵓⵙ (5) ⵏ ⵢⵉⵙⴻⴳⴳⴰⵙⴻⵏ.

ⵜⴻⵙⵙⴰⵔⴰⵎ ⵛⵛⵉⵏⵡⴰ ⴰⴷ ⵜⴰⵣⴻⵏ ⵢⵉⵡⴻⵏ ⵏ ⵓⵖⴻⵔⵔⴰⴱⵓ ⴰⵍⵍⵓⵏⴰⵏ ⵖⴻⴼ ⵡⴻⵃⴱⵓ ⵏ ⵎⴻⵖⵔⴻⵙ, ⵙⴰⴽⵉⵏ ⴰⴷ ⵉⵚⵓⴱ ⵖⴻⵔ ⵡⴰⴽⴰⵍ ⵏ ⵓⵎⵜⵉⵡⴻⴳ ⴰⴽⴽⴻⵏ ⴰⴷ ⵉⵙⴻⵔⵙ ⵢⵉⵡⴻⵜ ⵏ ⵜⴽⴻⵔⵔⵓⵙⵜ ⴷⴻⴳ ⵡⴰⵢⵢⵓⵔ ⵏ ⵢⵓⵍⵍⵢⵓ ⵏⴻⵖ ⵖⵓⵛⵜ 2020, ⵉ ⴷ-ⵢⴻⵏⵏⴰ ⵣⵀⴰⵏⴳ ⵔⵧⵏⴳⵇⵉⴰⵧ, ⴷ ⴰⵖⴻⵍⵍⴰ ⴰⵎⵙⴻⵖⵏⴻⵡ ⵏ ⵜⵓⵖⴷⴰⴹⵜ ⵖⴻⵔ ⵎⴻⵖⵔⴻⵙ,

ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵢⴻ ⵒⴻⵉⵊⵉⴰⵏ, ⵢⵉⵡⴻⵏ ⵙⴻⴳ ⵢⵉⵎⴰⵣⵣⴰⵢⴻⵏ ⵉⵛⵉⵏⵡⵉⵢⴻⵏ ⵙⴻⵄⴰⵏ ⴰⵣⴰⵍ ⴰⵎⴻⵇⵇⵔⴰⵏ ⴷⴻⴳ ⵜⴻⵙⵏⴰⴼⴼⵓⴳⵜ, ⵔⵏⵓ-ⵢⴰⵙ, ⴷ ⵡⵉⵏ ⵜ-ⵛⴰⵡⴰⵔⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵀⵉⵍ, ⴰⴷ ⵛⵉⵔⴻⵏ ⵜⵓⵖⴷⴰⴹⵜ ⵏ ⵓⵙⴻⴳⴳⴰⵙ 2020 ⴷⴻⴳ ⵢⵉⵡⴻⵜ ⵏ ⵜⵎⴻⵥⴷⵉⵜ ⵏ ⵓⵄⴻⴱⴱⵉ ⵜⵉⴽⵍⵉ Ɣⴻⵣⵣⵉⴼⴻⵏ-5 ⵙⴻⴳ ⵡⴰⵎⵎⴰⵙ ⵏ ⵓⵛⵉⵔⵉ ⴰⵍⵍⵓⵏⴰⵏ ⵏ ⵡⴻⵏⵛⵀⴰⵏⴳ, ⴷⴻⴳ ⵓⵏⵥⵓⵍ ⵏ ⵜⴻⵎⵏⴰⴹⵜ ⵏ ⵀⴰⵉⵏⴰⵏ.

ⴰⴷ ⵢⴻⴱⴹⵓ ⵓⵎⵛⵉⵔ (ⵍⴰⵏⵛⴻⵓⵔ) ⴰⴽⴽⴻⴷ ⵓⵎⴻⵃⴱⵓ-ⵙ (ⵧⵔⴱⵉⵜⴻⵓⵔ) ⴷⴻⴳ ⵜⴰⴳⴳⴰⵔⴰ ⵏ ⵓⵙⵉⴽⴻⵍ (ⵠⵧⵢⴰⴳⴻ) ⵏ ⵡⴰⵣⴰⵍ ⵏ ⵙⴰ (7) ⵡⴰⵢⵢⵓⵔⴻⵏ ⵙⴰⴽⵉⵏ ⴰⴷ ⵢⴻⵔⵙ ⴷⴻⴳ ⵜⵓⵔⵔⵓⵜ (ⵍⴰⵜⵉⵜⵓⴷⴻ) ⵜⴰⴷⴷⴰⵢⵜ ⴷⴻⴳ ⵓⵃⵔⵉⵛ ⵢⴻⵍⵍⴰⵏ ⴷⴻⴳ ⵓⴳⴰⴼⴰ ⵏ ⵎⴻⵖⵔⴻⵙ, ⴷ ⴰⴷⴻⴳ ⵏ ⵓⵎⵜⵉⵡⴻⴳ ⵉⴷⴻⴳ ⴰⵔⴰ ⵜⴻⵅⴷⴻⵎ ⵜⴽⴻⵔⵔⵓⵙⵜ ⵉⵏⴰⴷⵉⵢⴻⵏ-ⵉⵙ.

ⵜⵓⴳⵏⵉⵡⵉⵏ ⵉ ⴷ-ⵣⵣⴰⴽⵏⴻⵏ ⴷⴻⴳ ⵓⵙⴰⵔⴰⴳ ⵏ ⵜⵖⴰⵎⵙⴰ ⴰⵙⵙ ⵏ ⵜⵜⵍⴰⵜⴰ, ⵏⵡⴰⵍⴰ ⴷⴻⴳ-ⵙⴻⵏⵜ ⵢⵉⵡⴻⵜ ⵏ ⵜⴽⴻⵔⵔⵓⵙⵜ ⵢⴻⵙⵄⴰⵏ ⵟⴰⵎ (8) ⵏ ⵔⵔⵓⴷⴰⵜ, ⴰⴽⴽⴻⴷ ⴽⵓⵥ (4) ⵏ ⵢⵉⴳⴰⵍⵉⵙⴻⵏ ⵉⴼⵓⴽⴰⵏⴻⵏ, ⵔⵏⴰⵏ-ⴰⵙ ⵙⵉⵏ (2) ⵏ ⵢⵉⴳⴰⵍⵉⵙⴻⵏ ⵎⴰ ⵏⵇⵓⵔⴻⵏ-ⵉⵜⵜ ⵖⴻⵔ ⵜⴽⴻⵔⵔⵓⵙⵜ ⵓⵣⵏⴻⵏ ⵖⴻⵔ ⵡⴰⵢⵢⵓⵔ.

ⵜⴰⵥⴻⵢⵜ-ⵉⵙ ⵜⴻⵙⵙⴰⵡⴻⴹ ⵖⴻⵔ 200 ⵏ ⵢⵉⴽⵉⵍⵓⴳⵔⴰⵎⴻⵏ, ⵜⴻⵜⵜⵡⴰⵖⵏⴻⵡ-ⴷ ⴰⴽⴽⴻⵏ ⴰⴷ ⵜⴻⴷⴷⵓ ⴽⵔⴰⴹ (3) ⵡⴰⵢⵢⵓⵔⴻⵏ ⵏ ⵎⴻⵖⵔⴻⵙ, ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵙⵓⵏ ⵣⴻⵣⵀⵧⵓ, ⴰⵖⴻⵍⵍⴰ ⴰⵎⵙⴻⵖⵏⴻⵡ ⵏ ⵜⴽⴰⴱⵙⵓⵏⵜ-ⴰ.

ⴰⴷ ⵢⵉⵍⵉ ⴷⴻⴳ ⵜⴽⴻⵔⵔⵓⵙⵜ-ⵏⵏⵉ, ⵢⵉⵡⴻⵜ ⵏ ⵜⴽⵓⵎⴰⵔⵜ ⵏ ⵓⵏⴰⴷⵉ ⴰⴽⴽⴻⴷ ⵢⵉⵡⴻⵏ ⵏ ⵓⵔⴰⴷⴰⵔ ⴰⵔⴰ ⵉⵣⴻⵎⵔⴻⵏ ⴰⴷ ⵢⴻⵙⵍⴻⴹ ⴰⴽⴰⵍ, ⵜⴰⵡⴻⵏⵏⴰⴹⵜ ⴰⴽⴽⴻⴷ ⵜⵉⴳⵏⴻⵡⵜ ⵏ ⵎⴻⵖⵔⴻⵙ, ⴰⴷ ⵢⴻⵔⵏⵓ ⴰⴷ ⵉⵡⴰⵍⵉ ⴰⵎⴻⴽ ⵍⵍⴰⵏ ⵡⴰⵎⴰⵏ ⴰⴽⴽⴻⴷ ⵓⴳⵔⵉⵙ ⵢⴻⵍⵍⴰⵏ ⴷⴻⴳ ⵓⵎⵜⵉⵡⴻⴳ ⴰⴽⴽⴻⴷ ⵜⴻⵎⵚⵓⴽⴰ-ⵙ.

ⵛⴰⵔⴻⵏ ⴰⵙⵙ ⵏ ⵜⵜⵍⴰⵜⴰ ⵜⴰⵣⵉⵣⵣⴻⵍⵜ ⵉ ⵡⴻⴳⴷⵓⴷ ⴰⴽⴽⴻⵏ ⴰⴷ ⴼⴽⴻⵏ ⵉⵙⴻⵎ ⴰⴽⴽⴻⴷ ⵓⵍⵓⴳⵓ ⵉ ⵜⵓⵖⴷⴰⴹⵜ ⵏ 2020.