ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴻⵣⵔⴻⴳ-ⴷ ⵛⵛⵉⵏⵡⴰ ⴰⵙⴻⵣⵔⵉ ⴰⵎⴻⵣⵡⴰⵔⵓ ⵙ ⴰⴽⴰⵍ ⵉ ⴷ-ⵉⴳⴰ ⵢⵉⵡⴻⵏ ⵏ ⵓⴳⴻⵏⵙⴰ ⵢⴻⵙⵄⴰⵏ ⵢⵉⵡⴻⵏ ⵏ ⵓⵔⴰⴷⴰⵔ ⵔⵙⵧ

ⵒⵉⴽⵉⵏ - ⵜⴻⵣⵔⴻⴳ-ⴷ ⵛⵛⵉⵏⵡⴰ ⴰⵙⵙ ⵏ ⵍⴻⵅⵎⵉⵙ ⵜⵓⴳⵏⴰ ⵜⴰⵎⴻⵣⵡⴰⵔⵓⵜ ⵉ ⴷ-ⵜⴻⵙⵙⴻⵣⵔⵉ ⵖⴻⵔ ⵡⴰⴽⴰⵍ ⵜⴻⴽⴽⴰ-ⴷ ⵙⴻⴳ ⴳⴰⵧⴼⴻⵏ-3, ⴰⴳⴻⵏⵙⴰ ⴰⵎⴻⵣⵡⴰⵔⵓ ⴰⵛⵉⵏⵡⵉ ⵢⴻⵙⵄⴰⵏ ⵢⵉⵡⴻⵏ ⵏ ⵓⵔⴰⴷⴰⵔ ⴱⵓ ⵜⵙⴻⵎⵍⵉⵍⵜ ⵢⴻⵍⴷⵉⵏ (ⵔⵙⵧ) ⵙ ⵓⵣⴰⵡⴰⴳ ⵛ ⵙ ⵜⴱⴰⴷⵓⵜ ⵜⴰⵎⴻⵇⵇⵔⴰⵏⵜ, ⵙ ⵢⵉⵡⴻⵜ ⵏ ⵜⵙⴻⴷⴷⵉ ⵏ ⵓⵎⵉⵜⴻⵔ.

ⵜⴰⴷⴱⴻⵍⵜ ⵏ ⵓⵡⴰⵏⴻⴽ ⵏ ⵜⵓⵙⵙⵏⵉⵡⵉⵏ, ⵏ ⵜⴻⵙⵏⴰⵜⵡⵉⵍⵉⵏ ⴰⴽⴽⴻⴷ ⵜⴻⵎⴳⵓⵔⵉ ⵉ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ (ⴰⴻⵙⵜⵉⴷⵏ) ⵜⴻⵙⵙⵓⴼⴻⵖ-ⴷ ⵜⵓⴳⵏⵉⵡⵉⵏ ⵉ ⴷ-ⵢⴻⵟⵟⴻⴼ ⵓⴳⴻⵏⵙⴰ, ⵏ ⵓⵏⴰⴼⴰⴳ ⴰⴳⵔⴰⵖⵍⴰⵏ ⵏ ⵜⵎⴰⵏⴻⵖⵜ ⵏ ⵒⵉⴽⵉⵏ, ⵏ ⵜⵉⵖⵔⴻⵎⵜ ⵏ ⵅⵉⴰⵎⴻⵏ ⴷⴻⴳ ⵜⴻⵎⵏⴰⴹⵜ ⵏ ⴼⵓⵊⵉⴰⵏ, ⵏ ⵓⵙⴰⴳⴰⵏ ⵏ ⵜⵉⴰⵏⵊⵉⵏ (ⴰⴳⴰⴼⴰ), ⵏ ⵜⴻⵎⴷⴰ ⵀⵧⵏⴳⵣⴻ ⴰⴽⴽⴻⴷ ⵢⵉⵍⵍⴻⵍ ⴰⵡⵔⴰⵖ.

ⵜⵓⴳⵏⵉⵡⵉⵏ-ⴰ ⵜⵜⵡⴰⵟⵟⴼⴻⵏⵜ-ⴷ ⵙ ⵓⵙⴻⵎⵔⴻⵙ ⵏ ⵜⴰⵔⵔⴰⵢⵉⵏ ⵢⴻⵎⴳⴰⵔⴷⴻⵏ ⵔⵏⵓ-ⴰⵙ ⵚⴼⴰⵏⵜ ⴰⴽⴽ, ⵖⴻⴼ ⵡⴰⴽⴽⴻⵏ ⵉ ⴷ-ⵜⴻⵏⵏⴰ ⵜⴻⴷⴱⴻⵍⵜ ⵏ ⵓⵡⴰⵏⴻⴽ ⵏ ⵜⵓⵙⵙⵏⵉⵡⵉⵏ, ⵏ ⵜⴻⵙⵏⴰⵜⵡⵉⵍⵉⵏ ⴰⴽⴽⴻⴷ ⵜⴻⵎⴳⵓⵔⵉ ⵉ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ (ⴰⴻⵙⵜⵉⴷⵏ)

ⵛⴰⵔⴻⵏ ⴰⴳⴻⵏⵙⴰ ⴳⴰⵧⴼⴻⵏ-3 ⴰⵙⵙ ⵏ 10 ⵖⵓⵛⵜ, ⵙⴻⴳ 15 ⵖⵓⵛⵜ ⵢⴻⵣⵔⵉⵏ ⴷ ⴰⴼⴻⵍⵍⴰ ⵢⴻⴱⴷⴰ ⵢⴻⵜⵜⴰⵟⵟⴰⴼ-ⴷ ⵜⵉⵡⵍⵉⴼⵉⵏ ⵙⴰⴽⵉⵏ ⵍⴰ ⵜⴻⵏ-ⵉⴷ-ⵢⴻⵜⵜⴰⵣⴻⵏ.

ⵜⴻⵟⵟⴻⴼ-ⴷ ⵉⵙⴻⴼⴽⴰ-ⵏⵏⵉ ⵢⵉⵡⴻⵜ ⵏ ⵜⴻⵖⵙⴻⵔⵜ ⵢⴻⵍⵍⴰⵏ ⴷⴻⴳ ⵜⵇⴰⵄⴻⵜ ⵙⴰⴽⵉⵏ ⵔⵓⵃⴻⵏⵜ ⵖⴻⵔ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵢⵉⵙⴻⴼⴽⴻⵏ ⴰⴽⴽⴻⴷ ⵓⵙⵏⴰⵙ ⵏ ⵢⵉⴳⴻⵏⵙⴰⵜⴻⵏ ⵏ ⵡⴰⵏⵏⴰⵢ.