ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵣⵓⵍ ⵍⴻⵣⵣⴰⵢⴻⵔ ⴰⵎⵙⴻⴳⵣⵉ ⴳⴰⵔ ⵓⵏⴰⴱⴰⴹ ⴰⴽⵓⵍⵓⵎⴱⵉ ⴰⴽⴽⴻⴷ ⴼⴰⵔⵛ ⵉⵎⵉ ⵙⵜⴻⵏⵢⴰⵏ ⴰⵎⵜⴰⵡⴰ ⵏ ⵜⴻⵍⵡⵉⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ - ⵜⵣⵓⵍ ⵍⴻⵣⵣⴰⵢⴻⵔ ⴰⵙⵙ ⵏ ⵍⵃⴻⴷⴷ ⴰⵙⵜⴻⵏⵢⵉ ⵏ ⵓⵎⵜⴰⵡⴰ ⴰⵎⴻⵣⵓⵢⴰⵏ ⵏ ⵜⴻⵍⵡⵉⵜ, ⵉ ⴷ-ⵢⴻⴹⵔⴰⵏ ⴰⵙⵙ ⵏ 24 ⵖⵓⵛⵜ ⴷⴻⴳ ⵜⵎⴰⵏⴻⵖⵜ ⵏ ⴽⵓⴱⴰ ⵀⴰⵠⴰⵏⴰ, ⴳⴰⵔ ⵓⵏⴰⴱⴰⴹ ⴰⴽⵓⵍⵓⵎⴱⵉ ⴰⴽⴽⴻⴷ ⵢⵉⵖⴰⵍⵍⴻⵏ ⵏ ⵜⵔⴻⴷⵙⴰ ⵜⴰⴳⵔⴰⵡⴰⵍⵜ ⵏ ⴽⵓⵍⵓⵎⴱⵢⴰ (ⴼⴰⵔⵛ), ⵉ ⵢⴻⵙⵃⴻⴱⵙⴻⵏ ⵟⵔⴰⴷ ‘’ⴰⵡⴻⵙⵙⴰⵔ’’ ⵏ ⵓⵎⴻⵏⵥⴰⵡ ⴰⵎⴰⵔⵉⴽⴰⵏⵉ, ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵡⴻⵍⵖⵓ ⵏ ⵓⵖⵍⵉⴼ ⵏ ⵢⵉⵡⴻⵥⵍⴰ ⵏ ⴱⴻⵔⵔⴰ.

‘’ⵍⴻⵣⵣⴰⵢⴻⵔ ⵜⵣⵓⵍ ⴰⵙⵜⴻⵏⵢⵉ ⴷⴻⴳ ⵀⴰⴱⴰⵏⴰ, ⴰⵙⵙ ⵏ 24 ⵖⵓⵛⵜ 2016, ⵏ ⵓⵎⵜⴰⵡⴰ ⴰⵎⴻⵣⵓⵢⴰⵏ ⵏ ⵜⴻⵍⵡⵉⵜ, ⴳⴰⵔ ⵓⵏⴰⴱⴰⴹ ⴰⴽⵓⵍⵓⵎⴱⵉ ⴰⴽⴽⴻⴷ ⵢⵉⵖⴰⵍⵍⴻⵏ ⵏ ⵜⵔⴻⴷⵙⴰ ⵜⴰⴳⵔⴰⵡⴰⵍⵜ ⵏ ⴽⵓⵍⵓⵎⴱⵢⴰ (ⴼⴰⵔⵛ), ⵙⵃⴻⴱⵙⴻⵏ ⵟⵔⴰⴷ ⴰⵎⵔⵉⴳⴰⵏ ⴰⵡⴻⵙⵙⴰⵔ ⵏ ⵓⵎⴻⵏⵥⴰⵡ ⴰⵎⴰⵔⵉⴽⴰⵏⵉ, ⵉ ⴷ-ⵢⴻⴳⵍⴰⵏ ⵙ ⵍⵓⵍⵓⴼ ⵏ ⵍⵎⴻⴳⵜⵉⵏ ⴰⴽⴽⴻⴷ ⵢⵉⵎⴻⵍⵢⵓⵏⴻⵏ ⵏ ⵢⵉⵎⴻⵔⵃⴰⵍⴻⵏ’’, ⵉ ⴷ-ⵢⴻⵙⵙⴻⴷⴷⵉ ⵡⴻⵍⵖⵓ ⵏ ⵓⵖⵍⵉⴼ ⵏ ⵢⵉⵡⴻⵥⵍⴰ ⵏ ⴱⴻⵔⵔⴰ.

ⵍⴻⵣⵣⴰⵢⴻⵔ ‘’ⵜⴻⴼⵔⴻⵃ’’ ⵙ ’’ⵓⵎⵀⴰⵣ ⴰⵎⴻⵇⵇⵔⴰⵏ’’ ⴰⵔⴰ ⵢⴻⵙⵙⵉⵡⴹⴻⵏ ⴽⵓⵍⵓⵎⴱⵢⴰ ⴰⴷ ⵜⴻⴱⴷⵓ ‘’ⵢⵉⵡⴻⵜ ⵏ ⵜⴰⵍⵍⵉⵜ ⵜⴰⵎⴰⵢⵏⵓⵜ ⵏ ⵜⴻⵍⵡⵉⵜ, ⵏ ⵓⵔⴽⴰⴷ ⴰⴽⴽⴻⴷ ⵓⵎⵙⵓⵖⴰⵍ ⴰⵖⴻⵍⵏⴰⵡ’’.