ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵛⵉⵔⴼⵓⵙⵜ / ⵜⴰⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵏ ⴷⴷⴰⵡ 19 ⵏ ⵢⵉⵙⴻⴳⴳⴰⵙⴻⵏ (ⴰⵙⵙ ⵡⵉⵙ 3) : ⵍⴻⵣⵣⴰⵢⴻⵔ ⵜⴻⵔⵏⴰ ⴳⵉⵏⵢⴰ

ⴱⴰⵎⴰⴽⵓ – ⵜⴰⵖⵍⴰⵎⵜ ⵜⴰⵣⵣⴰⵢⵔⵉⵜ ⵏ ⴷⴷⴰⵡ 19 ⵏ ⵢⵉⵙⴻⴳⴳⴰⵙⴻⵏ ⵏ ⵜⵛⵉⵔⴼⵓⵙⵜ ⵜⴻⵔⵏⴰ ⵜⴰⵖⵍⴰⵎⵜ ⵜⴰⴳⵉⵏⵉⵜ ⵙ (32-27) ⴷⴻⴳ ⵜⴻⵎⵍⵉⵍⵉⵜ ⵉ ⴷ-ⵢⴻⴹⵔⴰⵏ ⴰⵙⵙ ⵏ ⵍⵃⴻⴷⴷ ⵜⴰⵎⴻⴷⴷⵉⵜ ⴷⴻⴳ ⴱⴰⵎⴰⴽⵓ, ⴰⵍⵎⴻⵏ ⵏ ⵓⵃⵔⵉⵛ ⴰⵎⴻⵣⵡⴰⵔⵓ ⵏ ⵜⴻⵍⵖⵓⵖⴰ ⵜⴰⴼⵔⵉⵇⵉⵜ ⵏ ⵢⵉⵖⵍⴰⵍⴻⵏ ⵉ ⵍⴰ ⵉⴹⴻⵔⵔⵓⵏ ⵜⵓⵔⴰ ⴷⴻⴳ ⵜⵎⵓⵔⵜ ⵏ ⵎⴰⵍⵉ.

ⵜⴻⵣⴳⴻⵔ ⵢⴰⴽⴰⵏ ⵖⴻⵔ ⵓⵃⵔⵉⵛ ⵡⵉⵙ ⴽⵓⵥ ⵏ ⵜⴰⴳⴳⴰⵔⴰ ⵙⴻⴳ ⵜⴻⵔⴱⴻⵃ ⴰⵙⵙ ⵏ ⵙⵙⴻⴱⵜ ⵎⴳⴰⵍ ⵎⴰⵍⵉ ⵙ (46-16), ⵉⵣⴻⴳⵣⴰⵡⴻⵏ ⵓⵔⴰⵔⴻⵏ ⵜⵉⵎⵍⵉⵍⵉⵜ ⵏ ⵜⴻⴳⵔⴰⵡⵜ ‘’ⴰ’’ ⵙ ⵡⵓⵍ. ⴷ ⴰⵢⴰ ⵉ ⵜⴻⵏ-ⵢⴻⵙⵙⴰⵡⴹⴻⵏ ⴰⴷ ⵔⴻⴱⵃⴻⵏ ⵉ ⵜⵉⴽⴽⴻⵍⵜ ⵜⵉⵙ ⴽⵔⴰⴹ.

ⵇⴱⴻⵍ ⴰⴷ ⵔⵏⵓⵏ ⵎⴰⵍⵉ ⴰⴽⴽⴻⴷ ⴳⵉⵏⵢⴰ, ⵣⵡⴰⵔⴻⵏ ⴷⴻⴳ ⵜⴻⵖⵍⴰⵎⵜ ⵏ ⵎⴻⵔⵔⵓⴽ ⵙ (33-22).