ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⴻⵏⵏⵓⵖ ⵎⴳⴰⵍ ⵜⴰⵔⴻⵎⵎⵉⵖⵜ : ‘’ⵢⴻⴵⵀⴻⴷ’’ ⵓⵎⴻⴷⵀⴻⵍ ⴳⴰⵔ ⵍⴻⵣⵣⴰⵢⴻⵔ ⴰⴽⴽⴻⴷ ⵎⴰⵔⵉⴽⴰⵏ (ⵎⴰⵍⵉⵏⵧⵡⵙⴽⵉ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵎⴰⵔⴰⵢ ⴰⵏⵎⴰⵣⵓⵍ ⵏ ⵓⵡⴰⵏⴻⴽ ⴰⵎⴰⵔⵉⴽⴰⵏⵉ ⵉ ⵜⵓⴳⴷⵓⵜ, ⵉⵣⴻⵔⴼⴰⵏ ⵏ ⵓⵎⴷⴰⵏ ⴰⴽⴽⴻⴷ ⵓⵎⴰⵀⵉⵍ, ⵜⵧⵎ ⵎⴰⵍⵉⵏⵧⵡⵙⴽⵉ, ⵢⴻⵏⵏⴰ-ⴷ ⴰⵙⵙ ⵏ ⵍⴰⵔⴻⴱⵄⴰ ⴷⴻⴳ ⵜⵉⵖⵔⴻⵎⵜ ⵏ ⵍⴻⵣⵣⴰⵢⴻⵔ ⴷⴰⴽⴽⴻⵏ ’’ⵢⴻⴵⵀⴻⴷ’’ ⵓⵎⴻⴷⵀⴻⵍ ⴳⴰⵔ ⵍⴻⵣⵣⴰⵢⴻⵔ ⴰⴽⴽⴻⴷ ⵎⴰⵔⵉⴽⴰⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⴻⵏⵏⵓⵖ ⵎⴳⴰⵍ ⵜⴰⵔⴻⵎⵎⵉⵖⵜ. ⵡⵓⵏⴰⴽ ⵢⴻⴷⴷⵓⴽⵍⴻⵏ ⴰⴽⴽⴻⴷ ⵍⴻⵣⵣⴰⵢⴻⵔ ⵢⴻⵙⴷⵓⴽⴻⵍ-ⵉⵜⴻⵏ ⵓⵛⵔⴰⴽ ⵢⴻⵍⵍⴰⵏ ⴳⴰⵔ-ⴰⵙⴻⵏ ⴷⴻⴳ ⵡⴰⵟⴰⵙ ⵏ ⵜⵉⵖⵓⵍⴰ, ⵔⵏⵓ-ⴷ ⵓⵍⴰ ⴷ ⴰⵎⴻⵏⵏⵓⵖ ⵎⴳⴰⵍ ⵜⴰⵔⴻⵎⵎⵉⵖⵜ ⵉⴷⴻⴳ ⵢⴻⴵⵀⴻⴷ ⵓⵎⴻⴷⵀⴻⵍ’’, ⵉ ⴷ-ⵢⴻⵏⵏⴰ ⵎⴰⵙⵙ ⵎⴰⵍⵉⵏⵧⵡⵙⴽⵉ ⵉ ⵜⵏⴻⴳⴳⴰ ⵏ ⴰⵒⵙ ⵖⴻⵔ ⵜⴰⵎⴰ ⵏ ⵢⵉⵡⴻⵜ ⵏ ⵜⵏⴻⵎⵙⴻⵍⵜ ⵜⴰⴳⵔⴰⵖⵍⴰⵏⵜ ⵖⴻⴼ ‘’ⵜⴻⵎⵍⵉⵍⵜ ⵏ ⵜⵓⴳⴷⵓⵜ ⴷⴻⴳ ⵜⴰⵣⴻⵔⵜ ⴰⴽⴽⴻⴷ ⵓⵎⴻⵏⵏⵓⵖ ⵎⴳⴰⵍ ⵜⴰⵥⵔⵉⵖⴻⴼⵜ ⵜⵓⴽⵔⵉⴹⵜ ⴰⴽⴽⴻⴷ ⵜⵔⴻⵎⵎⵉⵖⵜ’’.

ⵓⵍⴰⵛ ⵜⴰⵎⵓⵔⵜ ⵉ ⵉⵣⴻⵎⵔⴻⵏ ⴰⴷ ⵜⴻⵎⵏⴻⵖ, ⵉ ⵢⵉⵎⴰⵏ-ⵉⵙ, ⴰⴽⴽⴻⴷ ⵡⴰⵟⴰⵏ-ⴰ ⵏ ⵜⵔⴻⵎⵎⵉⵖⵜ ⵡⴰⵔ ⵜⴰⵍⵍⴰⵍⵜ ⴰⴽⴽⴻⴷ ⵓⵛⵔⴰⴽ ⵏ ⵜⵎⵓⵔⴰ ⵏⵏⵉⴹⴻⵏ’’, ⵉ ⴷ-ⵢⴻⵣⵣⵉⵔⴻⴳ ⵓⵎⴰⵙⴰⵢ ⴰⵎⴰⵔⵉⴽⴰⵏⵉ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⵖⴻⵏ ⵢⴻⴼⵔⴻⵃ ⵙ ⴱⴻⴹⴹⵓ ⵏ ⵜⴻⵔⵎⵉⵜ ⵜⴰⵎⴰⵔⵉⴽⴰⵏⵉⵜ ⴷⴻⴳ ⵜⴰⵖⵓⵍⵜ ⵏ ⵓⵎⴻⵏⵏⵓⵖ ⵎⴳⴰⵍ ⵉⵔⴻⵎⵎⴰⵖⴻⵏ ⴰⴽⴽⴻⴷ ⵓⵍⵎⴰⴷ ⵙⴻⴳ ⵜⴻⵔⵎⵉⵜ ‘’ⵖⴻⵣⵣⵉⴼⴻⵏ’’ ⵏ ⵢⵉⵣⵣⴰⵢⵔⵉⵢⴻⵏ.