ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵙⵙⴻⴼⴽ ⴰⴷ ⵜⵜⵡⴰⴼⴻⵔⵇⴻⵏ ⴰⴽⴽ ⵜⵜⴰⵡⵉⵍⴰⵜ ⵉ ⵡⴻⴹⵎⴰⵏ ⵏ ⵜⵖⴻⵍⵍⵉⵙⵜ ⵏ ⵎⴻⴷⴷⴻⵏ (ⵜⴰⵎⵙⴻⵜⵍⴰ)
ⵙⴽⵉⴽⴷⴰ – ⵉⴳⴻⵔ-ⴷ ⵜⵉⵖⵔⵉ ⵓⵎⴻⵏⵣⴰⴹ ⵏ ⵡⴻⵏⵣⴰⴹ ⴰⵎⵏⴰⴹⴰⵏ ⵡⵉⵙ 5 ⵏ ⵜⴻⵎⵙⴻⵜⵍⴰ (ⴷⴰⵔⴰⴽ) ⵜⴰⵖⴻⵍⵏⴰⵜ, ⴰⴽⵏⴰⵏⴻⵔ ⵜⴰⵀⴰⵔ ⵎⵧⵔⴰⵍⴻⵏⵜ, ⴰⵙⵙ ⵏ ⵍⴻⵜⵏⵉⵢⴻⵏ ⵉ ⵍⵎⴻⵏⴷ ⵏ ⵡⴻⵣⵔⴰⵄ ⵏ ⵡⴰⴽⴽ ⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵢⴻⵙⵙⴻⴼⴽⴻⵏ ⵉ ⵡⴻⴹⵎⴰⵏ ⵏ ⵜⵖⴻⵍⵍⵉⵙⵜ ⵏ ⵎⴻⴷⴷⴻⵏ.
ⵎⵉ ⴷ-ⵢⴻⵙⵙⴰⵡⴻⵍ ⴷⴻⴳ ⵜⴼⵓⴳⵍⴰ (ⵃⴰⴼⵍ) ⵏ ⵓⵙⵙⴻⵏⵚⴻⴱ ⵏ ⵓⴳⴻⵏⵙⴻⵙ-ⴰⴽⵏⴰⵏⴻⵔ ⵙⴰⵍⵉⵎ ⵎⴻⵙⵙⴰⵉ ⵖⴻⴼ ⵢⵉⵖⴻⴼ ⵏ ⵡⴻⵎⵙⴻⴳⵔⴰⵡ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ ⴷⴻⴳ ⵜⵡⵉⵍⴰⵢⵜ ⵏ ⵙⴽⵉⴽⴷⴰ, ⵢⴻⵏⵏⴰ-ⴷ ⵡⴻⴽⵏⴰⵏⴻⵔ ⵜⴰⵀⴰⵔ ⵎⵧⵔⴰⵍⴻⵏⵜ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴰⵍⵉ ⵡⴻⵙⵡⵉⵔ ⵏ ⵜⵣⴻⵎⵎⴰⵔ ⴷ ⵜⵓⴳⵔⵉⵏⵜ (ⵉⵏⴹⵉⴱⴰⵟ) ⴷⴻⴳ ⵜⴻⵎⵙⴻⵜⵍⴰ ⵙ ⵓⵖⴻⵍⵍⴻⵜ « ⵓⵎⵎⵉⴷ » ⵏ ⵡⴰⴽⴽ ⵜⵉⵖⴱⵓⵍⴰ ⵜⴰⵍⵙⴰⵏⵉⵏ ⴷ ⵜⵜⴰⵡⵉⵍⴰⵜ ⵢⴻⵍⵍⴰⵏ ⵉ ⵢⵉⵎⴻⵏⵖⵉ ⵎⴳⴰⵍ ⴰⴽⴽ ⵍⴻⵚⵏⴰⴼ ⵏ ⵜⴻⵊⵔⵉⵎⵜ ⴷ ⵡⴻⵃⵔⴰⵣ ⵏ ⵓⵎⵎⵉⵣⵡⴻⵔ ⴷ ⵜⵖⴻⵍⵍⵉⵙⵜ ⵜⴰⵏⴰⴳⴷⵓⴷⵜ ⴷ ⵢⵉⵎⴻⵏⵖⵉ ⵎⴳⴰⵍ ⵢⵉⵙⴻⵀⵡⴰ ⵏ ⵡⴻⴱⵔⵉⴷ.
ⵉⴳⴻⵔ-ⴷ ⴷⴰⵖ ⵜⵉⵖⵔⵉ ⵡⴻⴽⵏⴰⵏⴻⵔ ⵎⵧⵔⴰⵍⴻⵏⵜ ⵉ ⵡⴻⵎⵄⴰⵡⴻⵏ ⵎⴻⵖⵖⵔⴻⵏ, ⵢⴻⵜⵜⴽⴻⵎⵎⵉⵍⴻⵏ ⴳⴰⵔ ⵜⵙⵓⴷⴰ ⵏ ⵜⴻⵖⴷⴻⵎⵜ, ⵏ ⵜⴻⴷⴱⴻⵍⵜ ⴷ ⵜⵖⴻⵍⵍⵉⵙⵜ ⵉ ⵍⵎⴻⵏⴷ ⵏ ⵡⴻⴹⵎⴰⵏ ⵏ ⵜⵖⴻⵍⵍⵉⵙⵜ ⴰⵔⴰ ⵉⴷⵓⵎⴻⵏ.
ⴷⴻⴳ ⵜⴼⵓⴳⵍⴰ-ⴰ ⴰⵢ ⴷ-ⵢⴻⵍⵍⴰⵏ ⵙ ⵡⴻⵃⴷⴰⵕ ⵏ ⵢⵉⴷⵓⴱⴰ ⵉⴷⵉⴳⴰⵏⴻⵏ (ⵎⴰⵃⴰⵍⵍⵉⵢⵢⴰ) ⵉⵖⴰⵔⵉⵎⴻⵏ ⴷ ⵢⵉⵙⴻⵔⴷⴰⵙⴰⵏⴻⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵡⴻⵅⵅⴰⵎ ⵏ ⵡⴻⵎⵙⴻⴳⵔⴰⵡ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ ⵏ ⵙⴽⵉⴽⴷⴰ, ⵢⴻⵔⵙ ⵓⴳⴻⵏⵙⴻⵙ-ⴰⴽⵏⴰⵏⴻⵔ ⵙⴰⵍⵉⵎ ⵎⴻⵙⵙⴰⵉ ⴷⴻⴳ ⵡⴻⵎⴽⴰⵏ ⵏ ⵓⴳⴻⵏⵙⴻⵙ-ⴰⴽⵏⴰⵏⴻⵔ ⵜⴰⵢⴻⴱ ⵍⴰⴽⵀⵎⵉⵙⵙⵉ ⴰⵢ ⵢⴻⵜⵜⵡⴰⵣⵏⴻⵏ ⴰⴷ ⴷ-ⵢⴻⵍⵀⵓ ⵙ ⵍⴻⵛⵖⴰⵍ ⵏⵉⴹⴻⵏ, ⴷⵖⴰ ⵉ ⵍⵎⴻⵏⴷ ⵏ ⵡⴰⵢⴰ, ⵉⵄⵓⵀⴻⴷ ⵎⴻⵙⵙⴰⵉ ⴰⴷ ⵢⴻⴳ ⴰⵢⴻⵏ ⵢⴻⵣⵎⴻⵔ ⴰⴽⴽⴻⵏ ⴰⴷ ⵢⴻⴹⵎⴻⵏ ⵜⴰⵖⴻⵍⵍⵉⵙⵜ ⵏ ⵢⵉⵖⴻⵔⵎⴰⵏⴻⵏ (ⵎⵓⵡⴰⵟⵉⵏⵉⵏ) ⴷ ⵡⴰⵢⵍⴰ-ⵏⵙⴻⵏ.
