ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⴷⵣⴰⵢⵔⵉⵢⴻⵏ ⴷⴻⴳ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵢⵉⵎⴻⵄⴷⴰⵕ ⵏ 2016: « ⵏⵓⵎⴰⵔ ⵢⴻⵙ-ⵡⴻⵏ » (ⴰⵏⴻⵖⵍⴰⴼ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ, ⴻⵍ ⵀⴰⴷⵉ ⵧⵓⵍⴷ ⴰⵍⵉ, ⴰⵙⵙ ⵏ ⵍⴻⵅⵎⵉⵙ, ⵎⵉ ⴷ-ⵜⴻⵡⵡⴻⴹ ⵜⴻⴳⵔⴰⵡⵜ ⵜⴰⵎⴻⵣⵡⴰⵔⵓⵜ ⵏ ⵢⵉⵏⴰⴷⴷⴰⵍⴻⵏ ⵉⴷⵣⴰⵢⵔⵉⵢⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵢⵉⵎⴻⵄⴷⴰⵕ ⵏ 2016 ⵏ ⵔⵉⵧ ⴷⴻ ⵊⴰⵏⴻⵉⵔⵧ (7 ⵖⴻⵔ 18 ⵛⵜⴻⵎⴱⴻⵕ) ⵖⴻⵔ ⵓⵏⴰⴼⴰⴳ ⵏ ⵀⵧⵓⴰⵔⵉ-ⴱⵧⵓⵎⴻⴷⵉⴻⵏⴻ ⵏ ⵍⴻⵣⵣⴰⵢⴻⵔ, ⴷⴰⴽⴽⴻⵏ ⵉⵏⴰⴷⴷⴰⵍⴻⵏ-ⴰ ⴷ « ⵜⴰⵍⴰ ⵏ ⵣⵣⵓⵅ » ⵉ ⵜⵎⵓⵔⵜ ⵏ ⵍⴻⵣⵣⴰⵢⴻⵔ.

« ⵏⵓⵎⴰⵔ ⵢⴻⵙ-ⵡⴻⵏ ⴷ ⵜⵎⴻⴳⵔⴰ-ⵏⵡⴻⵏ ⴷⴻⴳ ⵔⵉⵧ. ⵜⴳⴻⵏⵙⴻⵙⴻⵎ-ⴷ ⵍⴻⵣⵣⴰⵢⴻⵔ ⴰⴽⴽⴻⵏ ⵉⴳⴻⵔⵔⴻⵣ ⴷⴻⴳ ⵜⵜⵉⵄⴰⴷ-ⴰ ⴰⴳⵔⴰⵖⵍⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ, ⴻⵍ ⵀⴰⴷⵉ ⵧⵓⵍⴷ ⴰⵍⵉ, ⴰⵢ ⵢⴻⴷⴷⴰⵏ ⴰⴷ ⵢⴻⵎⵎⴰⴳⴻⵔ ⵉⵏⴰⴷⴷⴰⵍⴻⵏ-ⴰ ⴰⵢ ⴷ-ⵢⴻⴽⴽⴰⵏ ⵙⴻⴳ ⵔⵧⵎⴰ.

ⵉ ⵍⵎⴻⵏⴷ ⵏ ⵡⴰⵢⴰ, ⵜⴻⴷⴷⴰ-ⴷ ⵢⵉⴷ-ⵙ ⵜⵏⴻⵖⵍⴰⴼⵜ ⵏ ⵜⴻⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) ⵜⴰⵖⴻⵍⵏⴰⵡⵜ, ⵎⵧⵓⵏⵉⴰ ⵎⴻⵙⵍⴻⵎ.

« ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴰⵢ ⵉⴹⴻⴼⵔⴻⵏ ⵓⵔⴰⵔⴻⵏ-ⴰ ⵙ ⵍⵇⴻⵔⴱ, ⵢⴻⴼⴽⴰ-ⴷ ⵍⴻⵡⵚⴰⵢⴰⵜ ⴷ ⵜⵓⵖⵜⵉⵙⵉⵏ ⵉ ⵓⵄⴰⵡⴻⵏ ⵏ ⵜⴰⴳⴳⴰⵢⵜ-ⴰ (ⴼⵉ’ⴰ) ⵏ ⵢⵉⵏⴰⴷⴷⴰⵍⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵧⵓⵍⴷ ⴰⵍⵉ.

ⵜⴻⵔⴱⴻⵃ-ⴷ ⵍⴻⵣⵣⴰⵢⴻⵔ 16 ⵏ ⵜⵣⴰⵍⵖⵉⵡⵉⵏ (4 ⵏ ⵡⵓⵔⴻⵖ, 5 ⵏ ⵡⴻⵥⵔⴻⴼ ⴷ 7 ⵏ ⵡⴻⴱⵕⵓⵏⵣ) ⵢⴻⵔⵏⵓ ⵜⵓⵙⴰ-ⴷ ⴷ ⵜⵉⵙ 27 ⴷⴻⴳ ⵓⵙⴻⵜⵜⴻⴼ ⵏ 83 ⵏ ⵜⵎⵓⵔⴰ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵡⵓⵔⴰⵔⴻⵏ-ⴰ.

« ⵏⴻⵙⵜⴻⵇⵏⴻⵄ ⵙ ⵢⴻⴳⵎⴰⴹ ⴰⵢ ⴷ-ⵏⴻⵡⵡⵉ ⴷⴻⴳ ⵔⵉⵧ. ⵢⴻⵍⵍⴰ-ⴷ ⵡⴻⵙⵡⵉⵔ ⴷ ⵓⵏⵏⵉⴳ ⵖⴻⴼ ⵍⴻⵃⵙⴰⴱ ⵏ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵢⴻⵣⵔⵉⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵍⵧⵏⴷⵧⵏ ⴷⴻⴳ 2012. ⴰⵎⴹⴰⵏ ⵏ ⵢⴻⵎⵜⵜⴻⴽⴽⵉⵢⴻⵏ ⵢⴻⵍⵍⴰ-ⴷ ⵎⴻⵖⵖⴻⵔ ⵙ ⵡⴰⵟⴰⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⴰⵜⵡⵉⵍⴰⵏ (ⵜⵉⵇⵏⵉ) ⴰⵖⴻⵍⵏⴰⵡ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵡⴰⴷⴷⴰⵍⴻⵏ ⵏ ⵢⵉⵎⴻⵄⴷⴰⵕ, ⵣⵧⵓⴱⵉⵔ ⴰⵉⵛⵀⴰⵉⵏⴻ.