ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵎⴰⵣⵣⴰⵢⴻⵏ ⴳⵔⴻⵏ-ⴷ ⵜⵉⵖⵔⵉ ⵉ ⵓⵙⵙⵉⴷⴻⴼ ⵏ ⵜⴻⵜⵡⵉⵍⵉⵏ ⵜⵉⵙⴼⴰⵔⴰⵏⵉⵏ ⵉ ⵓⵙⵙⴻⵊⵀⴻⴷ ⵏ ⵓⵙⵙⵉⴵⴻⵡ ⵏ ⵢⵉⴼⴰⵔⵉⵙⴻⵏ ⵏ ⵜⴽⴻⵔⵔⴰⵣⵜ

ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, 6 ⵜⵓⴱⴻⵕ 2016 – ⵜⴰⵥⴻⵖⵍⴰⴽⴰⵍⵜ, ⴰⵙⵙⵡⴰⵢ ⵙ ⵜⴳⵓⵔⵉ ⵏ ⵡⴰⵎⴰⵏ, ⴰⵙⵙⴻⵏⵥⴻⵡ ⵏ ⵓⴼⴰⵔⴻⵙ ⴷ ⴽⵔⴰ ⵙⴻⴳ ⵜⴻⵜⵡⵉⵍⵉⵏ ⵜⵉⵙⴼⴰⵔⴰⵏⵉⵏ (ⵉⴱⴷⴰⵄⵉⵢⵢⴰ) ⴰⵢⵙⴻⴳ ⵜⴻⵣⵎⴻⵔ ⴰⴷ ⴷ-ⵜⴻⵙⴼⴰⵢⴷⵉ ⵍⴷⵣⴰⵢⴻⵔ ⵉ ⵓⵙⵙⴻⵎⵖⴻⵔ ⵏ ⵓⴼⴰⵔⴻⵙ-ⵏⵏⴻⵙ ⴰⵏⴽⴻⵔⵔⴰⵣ ⴰⴽⴽⴻⵏ ⴰⴷ ⴷ-ⵜⵃⴻⵍⵍⵉ ⴰⵎⴽⴰⵏ ⴷⴻⴳ ⵍⴻⵙⵡⴰⵇ ⵉⴳⵔⴰⵖⵍⴰⵏⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⴰⵣⵣⴰⵢⴻⵏ ⴰⵢ ⴷ-ⵉⵡⴻⴽⴽⴷⴻⵏ ⴷⴰⴽⴽⴻⵏ ⵜⴰⵎⵓⵔⵜ-ⴰ ⵜⴻⵙⵄⴰ ⵜⵉⵣⴻⵎⵎⴰⵔ ⴷ ⵜⵉⵎⴻⵇⵔⴰⵏⵉⵏ.

ⵎⴻⵏⵖⵉⵔ ⴰⵏⴻⵣⵡⵉ (ⵎⴰⵏⴰⵅ) ⵏ ⵜⵎⵓⵔⵜ ⴰⵢ ⵢⴻⵍⵀⴰⵏ ⵉ ⵜⴽⴻⵔⵔⴰⵣⵜ, ⵜⴻⵙⵄⴰ ⴷⴰⵖ ⵍⴷⵣⴰⵢⴻⵔ ⵜⵉⵣⴻⵎⵎⴰⵔ ⴰⵢ ⵉⵣⴻⵎⵔⴻⵏ ⴰⴷ ⵜⵜⵡⴰⵖⴻⵍⵍⵜⴻⵏⵜ ⵙ ⵜⴻⵙⵏⴰⵜⵡⵉⵍⵉⵏ (ⵜⵉⴽⵏⵓⵍⵓⴵⵉⵢⵢⴰⵜ) ⵜⵉⵙⴼⴰⵔⴰⵏⵉⵏ, ⵖⴻⴼ ⵡⴰⴽⴽⴻⵏ ⴰⵢ ⵎⵜⴰⵡⴰⵏ ⵢⵉⵎⴰⵣⵣⴰⵢⴻⵏ ⴰⵢ ⴷ-ⵢⴻⵙⵙⴰⵡⵍⴻⵏ ⴷⴻⴳ ⵢⵉⵊⵉⴼⴻⵕ ⵏ ⵜⵎⴻⵙⵔⵉⵜ ⵜⴰⴳⵔⴰⵖⵍⴰⵏⵜ ⵜⵉⵙ 16 ⵏ ⵜⴽⴻⵙⵙⴰⵡⵜ ⴷ ⵜⵜⴰⵡⵉⵍ ⵏ ⵜⴽⴻⵔⵔⴰⵣⵜ (ⵙⵉⵒⵙⴰ-ⵙⵉⵎⴰ).

ⵜⴰⵥⴻⵖⵍⴰⴽⴰⵍⵜ ⴷ ⵢⵉⵡⴻⵜ ⵙⴻⴳ ⵜⴻⵜⵡⵉⵍⵉⵏ ⵜⵉⵙⴼⴰⵔⴰⵏⵉⵏ ⴰⵢ ⴷ-ⵛⴻⴽⵕⴻⵏ ⴽⵔⴰ ⵏ ⵢⵉⵎⴰⵣⵣⴰⵢⴻⵏ (ⵎⵓⵅⵜⴰⵚⵚⵉⵏ) ⵉ ⵡⴻⵙⵏⴻⴼⵍⵉ ⵏ ⵜⴽⴻⵔⵔⴰⵣⵜ ⴷⴻⴳ ⵓⵏⴻⵥⵔⵓⴼ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⴽⴻⵔⵔⴰⵣⵜ ⵏ ⵜⵉⴷⴰⵍ (ⵅⵓⴹⴰⵔ). « ⴷ ⴰⵢⴰ ⴰⵔⴰ ⴰⵖ-ⵢⴻⴵⴵⴻⵏ ⴰⴷ ⵏⴻⵙⵄⵓ ⵍⵖⴻⵍⵍⴰⵜ ⵜⵉⵣⵉⴽⴰⵏⵉⵏ ⴰⵢ ⴷ-ⵙⵙⵓⵜⵓⵔⴻⵏ ⴰⵟⴰⵙ ⵏ ⵍⴻⵙⵡⴰⵇ ⵉⵡⴻⵔⴷⴰⵏⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ, ⵎⴰⵙⵙ ⵎⵧⴽⵔⴰⵏⴻ ⵏⵧⵓⴰⴷ, ⵏ ⵜⴻⵙⴱⴻⴷⴷⵉⵜ ⴼⵉⵍⴰⵀⴰ ⵉⵏⵏⵧⵠ. ⵖⴻⴼ ⵍⴻⵃⵙⴰⴱ-ⵏⵏⴻⵙ, ⴰⵙⵙⴻⵇⴷⴻⵛ ⵏ ⵜⴻⵙⵏⴰⵜⵡⵉⵍⵜ-ⴰ « ⵢⴻⵙⵄⴰ ⵏⵏⴼⴻⵄ ⴷ ⴰⵎⴻⵇⵔⴰⵏ ⵉ ⵜⴷⴰⵎⵙⴰ ⵜⴰⵏⴽⴻⵔⵔⴰⵣⵜ ⴷⴻⴳ ⵡⴰⴽⵓⴷ ⴰⵢⴷⴻⴳ ⵜⴰⵎⵓⵔⵜ ⵍⴰ ⵜⴻⵙⵙⴰⴵⴰⵡ ⴽⴰⵏ 0,2% ⵙⴻⴳ ⵜⵣⴻⵎⵎⴰⵔ-ⵏⵏⴻⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⴳⵓⵎⵎⴰ ⴷ ⵜⵉⴷⴰⵍ ».