ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵣⴰⵍ ⵏ 30 ⵏ ⵢⴻⴷⵍⵉⵙⴻⵏ ⵉⵎⴰⵢⵏⵓⵜⴻⵏ ⵙ ⵜⵎⴰⵣⵉⵖⵜ ⵉ ⵜⵎⴻⵙⵔⵉⵜ ⵜⴰⴳⵔⴰⵖⵍⴰⵏⵜ ⵜⵉⵙ 21 ⵏ ⵡⴻⴷⵍⵉⵙ ⵏ ⵍⴷⵣⴰⵢⴻⵔ

ⵍⴷⵣⴰⵢⴻⵔ ⵜⴰⵎⴰⵏⴻⵖⵜ – ⴰⵣⴰⵍ ⵏ 30 ⵏ ⵢⴻⴷⵍⵉⵙⴻⵏ ⵉⵎⴰⵢⵏⵓⵜⴻⵏ ⵙ ⵜⵎⴰⵣⵉⵖⵜ ⴰⵔⴰ ⴷ-ⵢⴻⵔⵙⴻⵏ ⴷⴻⴳ ⵜⵎⴻⵙⵔⵉⵜ ⵜⴰⴳⵔⴰⵖⵍⴰⵏⵜ ⵜⵉⵙ 21 ⵏ ⵡⴻⴷⵍⵉⵙ ⵏ ⵍⴷⵣⴰⵢⴻⵔ ⴰⵔⴰ ⵉⵔⴻⵥⵎⴻⵏ ⴰⵙⵙ ⵏ 27 ⵜⵓⴱⴻⵕ. ⵉⴷⵍⵉⵙⴻⵏ-ⴰ ⴰⴷ ⵜⴻⵏ-ⵉⴷ-ⵢⴰⵡⵉ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ ⵢⴻⵔⵏⵓ ⴰⴷ ⵉⵍⵉⵏ ⴳⴰⵔ-ⴰⵙⴻⵏ ⵢⴻⴷⵔⴰⵡⴰⵍⴻⵏ, ⵉⵎⴰⵡⴰⵍⴻⵏ, ⵉⵅⴻⴷⴷⵉⵎⴻⵏ ⵉⵙⴷⴰⵡⴰⵏⴻⵏ ⴷ ⵜⵙⵓⵖⵍⵉⵏ ⵜⵉⵙⴻⴽⵍⴰⵏⵉⵏ.

ⴰⴳⴷⵓⴷ ⴰⴷ ⵢⴻⵣⵎⴻⵔ ⴰⴷ ⵉⵥⴻⵔ ⵉⴷⵍⵉⵙⴻⵏ-ⴰ ⴷⴻⴳ ⵜⵎⵓⴳⴻⵔⵜ (ⵎⴰⵄⵔⴰⴹ) ⵢⴻⵔⵏⵓ ⴰⴷ ⴷ-ⵉⵍⵉⵏⵜ ⴷⴰⵖ ⵜⵖⵉⵎⵉⵢⵉⵏ ⵏ ⵓⵙⵙⴻⵏⵣⵉ ⵙ ⵀⴻⴷⴷⵓ. ⴰⴷ ⴷ-ⵢⴻⴼⵙⴻⵔ ⴷⴰⵖ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ ⵉⴷⵍⵉⵙⴻⵏ ⵏ ⵜⴻⵥⵔⵉⴳⵉⵏ ⵜⵉⵏⴰⴳⴷⵓⴷⵉⵏ ⴷ ⵜⵓⵙⵍⵉⴳⵉⵏ ⴰⵢ ⴷ-ⵢⴻⴼⴼⵖⴻⵏ ⵙ ⵡⴻⵎⵄⴰⵡⴻⵏ ⴷ ⵓⵙⴻⵇⵇⴰⵎⵓ.

ⵢⵓⵖ ⵍⵃⴰⵍ, ⴰⵙⴻⵇⵇⴰⵎⵓ ⵉⴳⴰ ⵜⵉⵛⵛⵓⵔⴽⴰ ⴷ ⵢⵉⵎⴰⵥⵔⴰⴳⴻⵏ (ⵏⴰⵛⵉⵔⵉⵏ) ⵉⵖⴻⵍⵏⴰⵡⴻⵏ ⴰⵎ ⴰⵏⴻⵒ, ⵧⵒⵓ (ⴰⴷⵉⵡⴰⵏ ⵏ ⵜⵙⵓⴼⵉⵖⵉⵏ ⵜⵉⵙⴷⴰⵡⴰⵏⵉⵏ), ⵜⵉⵥⵔⵉⴳⵉⵏ ⵏ ⵜⵉⵔⴰ, « ⵠⵧⵉⵔ ⵒⴰⵔ ⵍⴻ ⵙⴰⵠⵧⵉⵔ » ⴷ ⵜⴻⵥⵔⵉⴳⵉⵏ ⵏⵉⴹⴻⵏ ⵉ ⵍⵎⴻⵏⴷ ⵏ ⵡⴻⵙⴱⴻⵢⵢⴻⵏ ⵏ ⵡⴻⴷⵍⵉⵙ ⴰⵎⴰⵣⵉⵖ ⴷ ⵡⴻⵣⵔⴰⵄ-ⵏⵏⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ ⴷⴻⴳ ⵓⵇⴻⴷⴷⴻⵎ ⵏ ⵡⴰⵀⵉⵍ-ⵏⵏⴻⵙ.

ⵢⴻⵜⵜⵓⵏⴻⴼⴽ ⴷⴰⵖ ⵡⴻⵎⴽⴰⵏ ⵙ ⵡⴰⵣⴰⵍ-ⵏⵏⴻⵙ ⵉ ⵢⵉⵎⴰⵡⴰⵍⴻⵏ ⵢⴻⵎⵎⵓⵣⵣⴳⴻⵏ ⵙ ⵜⴻⵏⵜⴰⵍⵉⵡⵉⵏ ⵜⵉⵎⴰⵣⵉⵖⵉⵏ ⵢⴻⵎⴳⴻⵔⵔⴰⴷⴻⵏ (ⵜⴰⵣⵏⴰⵜⵉⵜ, ⵜⴰⵛⴰⵡⵉⵜ, ⵜⴰⵎⴰⵛⴻⵖⵜ, ⴰⵜⴳ.), ⴷⴻⴳ ⵜⴽⴻⵔⵔⴰⵣⵜ ⴷ ⵡⴰⵡⴰⵍⴻⵏ ⵉⵎⴰⵢⵏⵓⵜⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⴼⴼⵖⴻⵏ ⴷⴰⵖ ⵢⴻⴷⵍⵉⵙⴻⵏ ⵖⴻⴼ ⵓⵙⵙⴻⵍⵎⴻⴷ, ⵉⵙⵎⴰⵡⴻⵏ ⵏ ⵜⵡⴰⵛⵓⵍⵉⵏ, ⵓⵏⴳⴰⵍⴻⵏ ⴷ ⵜⵙⵓⵖⵍⵉⵏ ⵏ ⵢⴻⴷⵍⵉⵙⴻⵏ ⴰⵢ ⴷ-ⵢⴻⴼⴼⵖⴻⵏ ⵏⴰⵇⴰⵍ ⵙ ⵜⴰⵄⵕⴰⴱⵜ ⴷ ⵜⴻⴼⵕⴻⵏⵙⵉⵙⵜ.

ⵍⴰ ⵢⴻⵙⵙⴻⴼⵔⴰⵢ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ, ⴷⴰⵖ, ⴰⴷ ⵢⴻⴳ ⴰⵙⵙ ⵏ 3 ⵡⴰⵎⴱⴻⵔ ⴷ « ⴰⵙⵙ ⵓⵣⵣⵉⴳ ⵉ ⵜⵉⵎⵎⵓⵣⵖⴰ », ⵢⴻⵔⵏⵓ ⴰⵃⵔⵉⵛ ⵙⴻⴳ ⵡⴰⵙⵙ-ⵏⵏⵉ ⴰⴷ ⴷ-ⵇⴻⴷⴷⵎⴻⵏ ⴷⴻⴳ-ⵙ ⵜⵉⵙⵏⴰⵜⵡⵉⵍⵉⵏ (ⵜⵉⴽⵏⵓⵍⵓⴵⵉⵢⵢⴰⵜ) ⵜⵉⵎⴰⵢⵏⵓⵜⵉⵏ ⴷ ⴷⴷⵓⵕ-ⵏⵙⴻⵏⵜ ⴷⴻⴳ ⵡⴻⵙⵎⴰⵍ ⵏ ⵜⵎⴰⵣⵉⵖⵜ.

ⴰⴷ ⴷ-ⵜⵉⵍⵉ ⵜⵎⴻⵙⵔⵉⵜ ⵜⴰⴳⵔⴰⵖⵍⴰⵏⵜ ⵜⵉⵙ 21 ⵏ ⵡⴻⴷⵍⵉⵙ ⵏ ⵍⴷⵣⴰⵢⴻⵔ ⵙⴻⴳ 27 ⵜⵓⴱⴻⵕ ⵖⴻⵔ 6 ⵡⴰⵎⴱⴻⵔ ⴷⴻⴳ ⵍⴻⵇⵚⴻⵔ ⵏ ⵜⵣⵉⴽⴽⵏⵉⵏ ⴷⴻⴳ ⵓⵣⵓⵎⴱⵉ ⵏ ⵢⵉⵍⴻⵍ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ.