ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴷⴱⴻⵍⵜ ⵏ ⵜⴻⵔⵎⵉⵙⵜ "ⵙⴻⵜⵔⴰⵎ" ⵜⴻⵎⵢⴰⴳⴻⵔ ⴰⴽⴽⴻⴷ ⵢⵉⴳⴻⵏⵙⴰⵙⴻⵏ ⵏ ⵢⵉⵅⴻⴷⴷⴰⵎⴻⵏ ⵏ ⵓⵜⵔⴰⵎⵡⴰⵢ ⴷⴻⴳ ⵡⴰⵙⵙ ⵡⵉⵙ ⵙⵉⵏ ⵏ ⵓⵙⵓⵏⴷⴻⴷ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴰⴷⴱⴻⵍⵜ ⵏ ⵜⴻⵕⵎⵉⵙⵜ ⵏ ⵓⵙⴻⵎⵀⴻⵍ ⵏ ⵓⵜⵔⴰⵎⵡⴰⵢ (ⵙⴻⵜⵔⴰⵎ) ⵏ ⵜⴻⵎⴷⵉⵏⵜ ⵏ ⵍⴻⵣⵣⴰⵢⴻⵔ ⵜⴳⴰ ⴰⵙⵙ ⵏ ⵍⴰⵔⴻⴱⵄⴰ ⵜⴰⵏⵣⴰⵢⵜ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴰⴽⴽⴻⴷ ⵢⵉⴳⴻⵏⵙⴰⵙⴻⵏ ⵏ ⵢⵉⵅⴻⴷⴷⴰⵎⴻⵏ ⵏ ⵓⵜⵔⴰⵎⵡⴰⵢ, ⴰⴽⴽⴻⵏ ⴰⴷ ⵃⴻⴱⵙⴻⵏ ⴰⵙⵓⵏⴷⴻⴷ-ⵏⵙⴻⵏ, ⵉ ⵢⴻⵜⵜⴽⴻⵎⵎⵉⵍⴻⵏ ⴷⴻⴳ ⵡⴰⵙⵙ-ⵉⵙ ⵡⵉⵙ ⵙⵉⵏ, ⵜⵓⵔⴰ ⵙⵙⴻⵎⵔⴰⵙⴻⵏ ⵍⴽⵉⵔⴰⵏ ⵏ ⵜⴻⵕⵎⵉⵙⵜ ⵏ ⴻⵜⵓⵙⴰ ⴰⴽⴽⴻⴷ ⵡⵉⴷ ⵏ ⵜⴻⵕⵎⵉⵙⵉⵏ ⵜⵓⵙⵍⵉⴳⵉⵏ ⴰⴽⴽⴻⵏ ⴰⴷ ⵢⵉⵍⵉ ⵡⴻⵙⵡⵉⵔ-ⵏⵏⵉ ⴰⴷⴷⴰⵢ ⵏ ⵓⵙⵉⵡⴻⴹ ⵏ ⵢⵉⵎⵙⵉⴽⵍⴻⵏ.
ⴷⴻⴳ ⵜⴻⵙⵖⵉⵎⵜ ⵏ ⴱⴻⵔⴵ ⵍⴽⵉⴼⴰⵏ, ⵎⵍⴰⵍⴻⵏ-ⴷ ⵢⵉⵅⴻⴷⴷⴰⵎⴻⵏ ⵏ ⵓⵜⵔⴰⵎⵡⴰⵢ ⵖⴻⵔ ⵜⴻⵡⵡⵓⵔⵜ ⵏ ⵜⴻⴷⴱⴻⵍⵜ-ⵏⵙⴻⵏ, ⵜⵜⵔⴰⴵⵓⵏ ⴷⴻⴳ ⵜⴻⵍⵡⵉⵜ ⴰⴳⵎⵓⴹ ⵏ ⵜⴻⵎⵍⵉⵍⵉⵜ, ⴷⴻⴳ ⵢⵉⵡⴻⵏ ⵏ ⵓⴽⵓⴷ ⵉⴷⴻⴳ ⵢⴻⵃⴱⴻⵙ ⵓⵜⵔⴰⵎⵡⴰⵢ, ⵉⵎⵉ ⵜⴻⵙⴱⴻⴽ ⵍⵉⵃⴰⵍⴰ.
ⵍⴽⵉⵔⴰⵏ ⵏ ⵜⴻⵕⵎⵉⵙⵜ ⵏ ⴻⵜⵓⵙⴰ ⵉ ⵢⴻⵜⵜⴰⵡⵉⵏ ⵉⵎⵙⵉⴽⵍⴻⵏ ⵙⴻⴳ ⵜⴻⵖⵙⵉⵔⵜ ⵏ ⴷⴻⵔⴳⴰⵏⴰ ⵜⴰⵍⴻⵎⵎⴰⵙⵜ ⵖⴻⵔ ⵜⵉⴷ ⵏ ⵄⴰⵏⴰⵚⴻⵔ ⵣⴳⴰⵏⵜ ⵞⵞⵓⵔⴻⵏ.
