ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵣⵖⵉⵏⵜ ⴷⴻⴳ ⵍⵉⴱⵢⴰ : ⵢⵓⵍⴻⵙ-ⴷ ⵎⴻⵙⵙⴰⵀⴻⵍ ⵉ ⵜⵎⵓⵖⵍⵉ ⵏ ⵍⴻⵣⵣⴰⵢⴻⵔ ⵢⴻⴱⵏⴰⵏ ⵖⴻⴼ ⵜⵉⴼⵔⴰⵜ ⵜⴰⵙⴻⵔⵜⴰⵏⵜ ⴰⴽⴽⴻⴷ ⵓⵎⵙⵓⵖⴰⵍ ⴰⵖⴻⵍⵏⴰⵡ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵏⴻⵖⵍⴰⴼ ⵏ ⵢⵉⵡⴻⵥⵍⴰ ⵏ ⵜⵎⴰⵣⵖⴰ, ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴰⴽⴽⴻⴷ ⵜⴻⵎⵖⵓⵏⵜ ⵏ ⵢⵉⵡⵓⵏⴰⴽ ⴰⵄⵔⴰⴱⴻⵏ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⵢⴻⵏⵏⴰ-ⴷ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵜⵎⴰⵏⴻⵖⵜ ⵏ ⵍⴻⵣⵣⴰⵢⴻⵔ ‘’ⵜⴰⵎⵓⵖⵍⵉ ⵏ ⵍⴻⵣⵣⴰⵢⴻⵔ ⵢⴻⵔⵣⴰⵏ ⴼⴻⵔⵔⵓ ⵜⴻⵣⵖⵉⵏⵜ ⴷⴻⴳ ⵍⵉⴱⵢⴰ, ⵢⴻⴱⵏⴰⵏ ⵖⴻⴼ ‘’ⵜⵉⴼⵔⴰⵜ ⵜⴰⵙⴻⵔⵜⴰⵏⵜ, ⴰⵎⵛⵉⵡⴻⵔ ⴰⴽⴽⴻⴷ ⵓⵎⵙⵓⵖⴰⵍ ⴰⵖⴻⵍⵏⴰⵡ’’.

ⴷⴻⴳ ⵜⴰⴳⴳⴰⵔⴰ ⵏ ⵓⵎⵢⵉⴳⴻⵔ ⴰⴽⴽⴻⴷ ⵓⴳⴻⵏⵙⴰⵙ ⵓⵣⵣⵉⴳ ⵏ ⵓⵎⴰⵔⴰⵢ ⴰⵎⴰⵜⵓ ⵏ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ ⵉ ⵍⵉⴱⵢⴰ, ⴰⵖⴻⵍⵍⴰ ⵜⵓⵖⴷⴰⴹⵜ ⵏ ⵜⴰⵍⵍⴻⵍⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ ⵉ ⵍⵉⴱⵢⴰ (ⵎⴰⵏⵓⵍ), ⵎⴰⵔⵜⵉⵏ ⴽⵧⴱⵍⴻⵔ, ⵢⴻⵏⵏⴰ-ⴷ ⵎⴰⵙⵙ ⵎⴻⵙⵙⴰⵀⴻⵍ ⴰⵎⵢⵉⴳⴻⵔ ⵢⴻⵔⵙⴻⵏ ⴷⴻⴳ ⵓⴽⴰⵜⴰⵔ ⵏ ⵓⵎⵛⵉⵡⴻⵔ ⵢⴻⵣⴳⴰⵏ ⴳⴰⵔ ⵍⴻⵣⵣⴰⵢⴻⵔ ⴰⴽⴽⴻⴷ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ ⵜⴻⵙⵙⴰⵡⴻⵚ-ⴰⵖ ⴰⴽⴽⴻⵏ ⴰⴷ ⵏⴻⴱⴷⴻⵔ ⵍⵉⵃⴰⵍⴰ ⵢⴻⵍⵍⴰⵏ ⴷⴻⴳ ⵜⵎⵓⵔⵜ ⵏ ⵍⵉⴱⵢⴰ ⴰⴽⴽⴻⴷ ⵢⵉⵙⵉⵀⴰⵔⴻⵏ ⵉ ⴷ-ⵉⵜⴻⴷⴷⵓⵏ ⴰⵎⴻⴷⵢⴰ ⵏ ⵜⴻⵎⵍⵉⵍⵉⵜ ⵏ ⵏⵢⴰⵎⵉ (ⵏⵏⵉⵊⴻⵔ), ⴰⴷ ⵜⵉⵍⵉ ⴰⵙⵙ ⵏ 19 ⵜⵓⴱⴻⵔ ⵉ ⴷ-ⵉⵜⴻⴷⴷⵓⵏ.

ⴰⵎⵢⵉⴳⴻⵔ-ⴰ ⴷ ⴰⴼⴰⵔⴻⵙ ⵏ ⵜⴻⴳⵏⵉⵜ ⴰⴽⴽⴻⵏ ‘’ⴰⴷ ⵏⴰⵍⴻⵙ ⵉ ⵜⵎⵓⵖⵍⵉ ⵏ ⵍⴻⵣⵣⴰⵢⴻⵔ ⵖⴻⴼ ‘’ ⵢⵉⵡⴻⵜ ⵏ ⵜⵉⴼⵔⴰⵜ ⵜⴰⵙⴻⵔⵜⴰⵏⵜ, ⴰⵎⵛⵉⵡⴻⵔ ⴰⴽⴽⴻⴷ ⵓⵎⵙⵓⵖⴰⵍ ⴰⵖⴻⵍⵏⴰⵡ’’, ⴰⴽⴽⴻⵏ ⴰⴷ ⵜⴻⴼⵔⵓ ⵜⴰⵍⵓⴼⵜ ⴷⴻⴳ ⵜⵎⵓⵔⵜ ⵏ ⵍⵉⴱⵢⴰ.