ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴼⴰⵙⴽⴰ ⵏ ⵄⴻⵏⵏⴰⴱⴰ ⵏ ⵓⵙⴰⵔⵓ ⴰⴳⵔⴰⴽⴰⵍ: ⴷ ⴰⵙⴰⵔⵓ ⵏ ⵙⴰⵍⴻⵎ ⴱⵔⴰⵀⵉⵎⵉ ⴰⵢ ⴷ-ⵉⵔⴻⴱⵃⴻⵏ ⴰⵔⵔⴰⵣ ⵏ ⵡⵓⵔⴻⵖ

ⵄⴻⵏⵏⴰⴱⴰ– ⴷ ⴰⵙⴰⵔⵓ ⴰⴷⵣⴰⵢⵔⵉ ⵏ « ⵉⵎⵉⵔ-ⴰ ⵣⴻⵎⵔⴻⵏ ⴰⴷ ⴷ-ⴰⵙⴻⵏ » ⵏ ⵙⴰⵍⴻⵎ ⴱⵔⴰⵀⵉⵎⵉ ⴰⵢ ⴷ-ⵉⵔⴻⴱⵃⴻⵏ, ⴰⵙⵙ ⵏ ⵍⴰⵕⴻⴱⵄⴰ ⵜⴰⵎⴻⴷⴷⵉⵜ, ⴰⵔⵔⴰⵣ ⵏ « ⵄⴻⵏⵏⴰⴱ ⵏ ⵡⵓⵔⴻⵖ » ⴷⴻⴳ ⵜⴻⵥⵔⵉⴳⵜ ⵜⵉⵙ ⵙⵏⴰⵜ ⵏ ⵜⴼⴰⵙⴽⴰ ⵏ ⵄⴻⵏⵏⴰⴱⴰ ⵏ ⵓⵙⴰⵔⵓ ⴰⴳⵔⴰⴽⴰⵍ.

ⵙ ⵡⴰⵢⴰ, ⵢⵓⵡⴻⵢ ⵢⴻⵎⵙⴻⴹⵔⵓ (ⵎⵓⵅⵔⵉⴵ) ⵙⴰⵍⴻⵎ ⴱⵔⴰⵀⵉⵎⵉ ⴰⵔⵔⴰⵣ ⵏ 10.000 ⵏ ⵢⵉⴷⵓⵍⴰⵕⴻⵏ ⴷⴻⴳ ⵜⴼⵓⴳⵍⴰ ⵏ ⵡⴻⵅⵜⴰⵎ, ⵙ ⵡⴻⵃⴷⴰⵕ ⵏ ⵓⵏⴻⵖⵍⴰⴼ ⵏ ⵢⴻⴷⵍⴻⵙ, ⴰⵣⵣⴻⴷⵉⵏⴻ ⵎⵉⵀⵧⵓⴱⵉ, ⵉⴷⵓⴱⴰ ⵉⴷⵉⴳⴰⵏⴻⵏ ⵉⵖⴰⵔⵉⵎⴻⵏ ⴷ ⵢⵉⵙⴻⵔⴷⴰⵙⴰⵏⴻⵏ, ⵉⵇⴻⵏⵚⵓⵍⴻⵏ ⵏ ⵜⵓⵏⴻⵙ ⴷ ⴼⵕⴰⵏⵙⴰ, ⴷ ⵡⴰⵛⵃⴰⵍ ⵏ ⵢⵉⵏⴰⵥⵓⵔⴻⵏ ⴷ ⵍⵖⴰⵛⵉ.

ⴰⵔⵔⴰⵣ ⵏ ⴷⴷⵓⵕ ⵉⵎⵅⴻⵢⵢⴻⵔ ⵏ ⵡⴻⵔⴳⴰⵣ ⵢⵓⵡⴻⵢ-ⵉⵜ ⴰⵎⴰⵣⵉⴳⵀ ⴽⴰⵜⴻⴱ ⵖⴻⴼ ⴷⴷⵓⵕ-ⵏⵏⴻⵙ ⴷⴻⴳ « ⵉⵎⵉⵔ-ⴰ ⵣⴻⵎⵔⴻⵏ ⴰⴷ ⴷ-ⴰⵙⴻⵏ » ⴰⵢ ⴷ-ⴼⵓⵔⵙⴻⵏ ⵙⴰⵍⴻⵎ ⴱⵔⴰⵀⵉⵎⵉ ⴷ ⵎⵉⵛⵀⴻⵍⴻ ⵔⴰⵢ-ⴳⴰⵠⵔⴰⵙ.

ⴰⵙⴰⵔⵓ-ⴰ ⵏ ⵜⵙⴰⵄⴻⵜ ⴷ 55 ⵏ ⵜⴻⴷⵇⵉⵇⵉⵏ ⵉⵃⴻⴽⴽⵓ-ⴷ ⵜⴰⴽⴻⵙⵏⴰ (ⵎⴰ’ⵙⴰⵜ) ⴰⵢⴷⴻⴳ ⵜⴻⵣⴷⴻⵔ ⵍⴻⵣⵣⴰⵢⴻⵔ ⴷⴻⴳ ⵜⴰⵍⵍⵉⵜ ⵏ ⵜⵔⴻⵎⵎⵉⵖⵜ (ⵉⵔⵀⴰⴱ), ⴷ ⵜⴰⵃⴽⴰⵢⵜ ⵏ ⵢⴰⵙⵎⵉⵏⴰ ⴷ ⵏⵧⵓⵔⴻⴷⴷⵉⵏⴻ ⴰⵢ ⵢⴻⵍⵍⴰⵏ ⵎⵃⴻⵎⵎⴰⵍⴻⵏ, ⵎⴰⵛⴰ ⵎⴱⴰⵄⴰⴷⴻⵏ ⴳⴰⵔ-ⴰⵙⴻⵏ ⵖⴻⴼ ⵍⴵⴰⵍ ⵏ ⵜⵓⴷⴻⵔⵜ ⵉⵡⴻⵄⵕⴻⵏ ⴷⴻⴳ ⵜⴰⵍⵍⵉⵜ-ⵏⵏⵉ.

ⵙⴷⴰⵜ ⵍⵖⴰⵛⵉⵏ ⴰⵢ ⵉⵃⴻⴷⵕⴻⵏ ⴷⴻⴳ ⵓⵎⴻⵣⴳⵓⵏ ⴰⵎⵏⴰⴹⴰⵏ ⵏ ⴰⵣⵣⴻⴷⵉⵏⴻ-ⵎⴻⴷⵊⵧⵓⴱⵉ, ⵢⴻⵏⵏⴰ-ⴷ ⵢⴻⵎⵙⴻⴹⵔⵓ, ⵎⵉ ⵢⴻⴹⴹⴻⴼ ⴰⵔⵔⴰⵣ-ⵏⵏⴻⵙ, ⴷⴰⴽⴽⴻⵏ ⴰⵙⴰⵔⵓ-ⴰ ⴷ « ⵜⴰⵊⵎⵉⵍⵜ ⵉ 200.000-ⵏⵏⵉ ⵏ ⵢⴻⵎⴷⴰⵏⴻⵏ ⴰⵢ ⵜⴻⵏⵖⴰ ⵜⵔⴻⵎⵎⵉⵖⵜ ⴷ ⵍⴻⴱⵖⵉ ⵏ ⵡⴻⵖⵔⴻⴼ ⵙ ⵍⴻⴽⵎⴰⵍ-ⵏⵏⴻⵙ ⴰⴽⴽⴻⵏ ⴰⴷ ⵢⴻⵣⴱⵓ ⵢⴻⵔⵏⵓ ⴰⴷ ⴷ-ⵉⵃⴻⵜⵜⴻⵎ ⴰⵣⵔⴻⴼ ⵏ ⵜⵓⴷⴻⵔⵜ ».