ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵖⵍⴰⵎⵜ ⵜⴰⵖⴻⵍⵏⴰⵡⵜ: ⴰⵙⵍⴻⵖⵎⴰⵢ ⴰⴷ ⵢⵉⵍⵉ ⵢⴻⵜⵜⵡⴰⴼⵔⴻⵏ-ⴷ ⴰⵙⵎⵉ ⴰⵔⴰ ⵜⵓⵔⴰⵔ ⵍⴻⵣⵣⴰⵢⴻⵔ ⴷ ⵏⵉⵊⵉⵔⵢⴰ (ⵔⴰⵧⵓⵔⴰⵧⵓⴰ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⴹⴰⵔⵜ, ⵎⵧⵀⴰⵎⴻⴷ ⵔⴰⵧⵓⵔⴰⵧⵓⴰ, ⴰⵙⵙ ⵏ ⵍⴰⵕⴻⴱⵄⴰ, ⴷⴰⴽⴽⴻⵏ ⴰⵙⵍⴻⵖⵎⴰⵢ ⴰⵎⴰⵢⵏⵓ ⴰⵔⴰ ⴷ-ⵉⵅⴻⵍⴼⴻⵏ ⴰⵙⴻⵔⴱⵉ ⵎⵉⵍⵧⵠⴰⵏ ⵔⴰⵊⴻⵠⴰⵛ, ⵢⴻⵣⵎⴻⵔ ⴰⴷ ⴷ-ⵢⴻⵜⵜⵡⴰⴼⵔⴻⵏ ⵓⵇⴱⴻⵍ ⵎⴰ ⵜⵓⵔⴰⵔ ⵍⴻⵣⵣⴰⵢⴻⵔ ⵎⴳⴰⵍ ⵏⵉⵊⵉⵔⵢⴰ ⴷⴻⴳ 12 ⵡⴰⵎⴱⴻⵔ ⴰⵢ ⴷ-ⵢⴻⵜⵜⴻⴷⴷⵓⵏ ⴷⴻⴳ ⵓⵢⵧ ⴷⴻⴳ ⵓⴽⴰⵜⴰⵔ ⵏ ⵡⴰⵙⵙ ⵡⵉⵙ ⵙⵉⵏ ⵏ ⵜⴻⵎⵍⵉⵍⵉⵢⵉⵏ ⵏ ⵡⴰⴼⴼⴰⵙ ⵏ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ 2018.

« ⵙⴻⴳ ⵡⴰⵙⵙ ⵏ ⵍⴻⵅⵎⵉⵙ ⴰⵔⴰ ⵏⴻⴱⴷⵓ ⵉⵙⵓⵔⵉⴼⴻⵏ ⵉ ⵓⵙⵙⴻⵎⵔⴻⵙ ⵏ ⵡⴻⵙⵍⴻⵖⵎⴰⵢ ⴰⵎⴰⵢⵏⵓ ⴰⵔⴰ ⵢⵉⵍⵉⵏ ⴷⴻⴳ ⵡⴻⵙⵡⵉⵔ, ⴷ ⵡⵉⵏ ⴰⵔⴰ ⵢⵉⵍⵉⵏ ⵢⴻⵙⵄⴰ ⵜⵜⴻⵊⵕⵉⴱⴰ, ⵍⴰⴷⵖⴰ ⴷⴻⴳ ⵜⴻⵎⵙⴰⵍⵜ ⵏ ⵜⴻⵖⵡⴰⵍⵜ (ⵉⵜⵜⵉⵚⴰⵍ). ⵢⴻⵣⵎⴻⵔ ⵍⵃⴰⵍ ⴰⴷ ⵢⵉⵍⵉ ⵡⴻⵙⵍⴻⵖⵎⴰⵢ ⴰⵎⴰⵢⵏⵓ ⵢⴻⵜⵜⵡⴰⴼⵔⴻⵏ-ⴷ ⵢⴰⴳⵉ ⴰⵙⵎⵉ ⴰⵔⴰ ⴷ-ⵜⵉⵍⵉ ⵜⴻⵎⵍⵉⵍⵉⵜ ⵎⴳⴰⵍ ⵏⵉⵊⵉⵔⵢⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵔⴰⵧⵓⵔⴰⵧⵓⴰ ⴷⴻⴳ ⵜⵍⵉⵥⵔⵉ ⵜⴰⵖⴻⵍⵏⴰⵡⵜ.

ⵢⴻⵜⵜⴰⵅⴻⵔ ⵎⵉⵍⵧⵠⴰⵏ ⵔⴰⵊⴻⵠⴰⵛ ⵙⴻⴳ ⵡⴻⵎⴽⴰⵏ-ⵏⵏⴻⵙ ⴰⵙⵙ ⵏ ⵜⵜⵍⴰⵜⴰ, ⴷⴻⴼⴼⵉⵔ ⵜⴻⵎⵍⵉⵍⵉⵜ-ⵏⵏⵉ ⴰⵢ ⵉⴼⵓⴽⴻⵏ ⵙ ⵜⴳⴰⴷⴷⴰ ⵎⴳⴰⵍ ⴽⴰⵎⵔⵓⵏ (1 ⵖⴻⵔ 1) ⴰⵙⵙ ⵏ ⵍⵃⴻⴷⴷ ⵜⴰⵎⴻⴷⴷⵉⵜ ⴷⴻⴳ ⵓⵙⴰⵔⵉⵔ ⵏ ⵎⵓⵙⵜⴰⵒⵀⴰ-ⵜⵛⵀⴰⴽⴻⵔ ⴷⴻⴳ ⵍⴻⴱⵍⵉⴷⴰ, ⴷⴻⴳ ⵓⴽⴰⵜⴰⵔ ⵏ ⵡⴰⵙⵙ ⴰⵎⴻⵣⵡⴰⵔⵓ ⵏ ⵜⴻⵎⵍⵉⵍⵉⵢⵉⵏ ⵏ ⵡⴰⴼⴼⴰⵙ ⵏ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ 2018.

« ⵜⴰⵖⵍⴰⵎⵜ-ⵏⵏⴻⵖ ⵜⴻⵙⵄⴰ ⴰⵣⴰⵍ, ⴷ ⵉⵙⵍⴻⵖⵎⴰⵢⴻⵏ ⴰⵢ ⴷ-ⵢⴻⵜⵜⴰⵙⴻⵏ ⵖⴻⵔ-ⵏⴻⵖ, ⵎⴰⵛⵉ ⴷ ⵏⴻⴽⴽⵏⵉ ⴰⵢ ⵢⴻⵜⵜⴻⴷⴷⵓⵏ ⵖⴻⵔ-ⵙⴻⵏ. ⵏⴻⵙⵙⴻⴱⴷⴻⴷ-ⴷ ⵜⴰⵙⵎⵉⵍⵜ ⴰⵔⴰ ⵉⵣⴻⵔⵡⴻⵏ ⴰⴽⴽ ⵉⴽⴰⵔⴰⵎⴻⵏ ⵏ ⵢⵉⵎⴰⵣⵡⴰⵔⴻⵏ ⵢⴻⵔⵏⵓ ⴰⴷ ⴷ-ⵜⴻⴼⴽ ⵜⵉⴳⵔⴰⵢⵉⵏ-ⵏⵏⴻⵙ ⵉ ⵜⵏⴰⵔⵉⵜ ⵜⴰⴼⵉⴷⵉⵕⴰⵍⵉⵜ ⴰⵔⴰ ⵢⴻⴷⴷⵎⴻⵏ ⵕⵕⴰⵢ ⴰⵏⴻⴳⴳⴰⵔⵓ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵍⴻⵖⵎⴰⵢ ⴰⵎⴰⵢⵏⵓ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ ⴰⵎⴻⵣⵡⴰⵔⵓ ⵏ ⵜⴼⵉⴷⵉⵕⴰⵍⵉⵜ. ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵙⵙⴻⴱⴱⴰ ⵏ ⵓⵜⵜⵉⵅⴻⵔ ⵏ ⵔⴰⵊⴻⵠⴰⵛ ⴷⴻⴼⴼⵉⵔ 3 ⴽⴰⵏ ⵏ ⵡⴰⵢⵢⵓⵔⴻⵏ ⵙⴻⴳ ⵡⴰⵙⵎⵉ ⴰⵢ ⴷ-ⵢⵓⴷⴻⴼ, ⵢⴻⵏⵏⴰ-ⴷ ⵔⴰⵧⵓⵔⴰⵧⵓⴰ ⴷⴰⴽⴽⴻⵏ ⵢⴻⵍⵍⴰ-ⴷ ⵢⵉⴷ-ⵙ « ⵡⵓⴳⵓⵔ ⵏ ⵜⴻⵖⵡⴰⵍⵜ ».