ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵀⴻⵏⵏⴰ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴰⵎⴰⵔⵓ ⴰⵎⴰⵜⵓ ⴰⵎⴰⵢⵏⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵉⵀⴻⵏⵏⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴷⴻⴳ ⵢⵉⵡⴻⵏ ⵏ ⵢⵉⵣⴻⵏ, ⵎⴰⵙⵙ ⴰⵏⵜⵉⵏⵉⵧ ⵎⴰⵏⵓⴻⵍ ⴷⴻ ⵧⵍⵉⵠⴻⵉⵔⴰ ⴳⵓⴻⵜⴻⵔⵔⴻⵙ ⵉ ⵍⵎⴻⵏⴷ ⵏ ⵡⴻⴼⵔⴰⵏ-ⵏⵏⴻⵙ ⴷ ⴰⵎⴰⵔⵓ ⴰⵎⴰⵜⵓ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵢⴻⵔⵏⵓ ⵢⵓⵍⴻⵙ ⵉⵡⴻⴽⴽⴻⴷ-ⴷ ⵓⵙⴻⵍⵡⴰⵢ ⵖⴻⴼ ⵓⵄⴻⵡⵡⴻⵍ ⴷ ⵡⴻⵡⵊⴰⴷ ⵏ ⵍⴻⵣⵣⴰⵢⴻⵔ ⴰⴽⴽⴻⵏ ⴰⴷ ⵜⴻⵅⴷⴻⵎ « ⴷⴷⵓⴽⴽⵍⵉ ⵢⴻⵔⵏⵓ ⵙ ⵜⴻⵎⵙⴻⵜⵍⴻⵍⵜ » ⵖⴻⵔ ⵢⵉⴷⵉⵙ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵇⴰⴷⴻⵔ ⵏ ⵢⵉⵎⴻⵏⵣⴰⵢⴻⵏ ⵏ ⵡⴻⵔⴽⴰⵡⴰⵍ (ⵎⵉⵜⴰⵇ) ⵏ ⵜⵓⴷⴷⵙⴰ-ⴰ.
« ⵜⴰⴼⵔⴰⵏⵜ-ⵏⵏⴻⴽ ⵜⵓⵔⴱⵉⵃⵜ ⵖⴻⵔ ⵡⴻⵎⴽⴰⵏ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵜⴻⴼⴽⴰ-ⵉⵢⵉ-ⴷ ⵜⴰⴳⵏⵉⵜ ⴰⴽⴽⴻⵏ ⴰⴷ ⴽ-ⵀⴻⵏⵏⵉⵖ ⵙⴻⴳ ⵡⵓⵍ, ⵙ ⵢⵉⵙⴻⵎ-ⵉⵏⵓ ⵓⴷⵎⴰⵡⴰⵏ ⴷ ⵡⵉⵏ ⵏ ⵓⵏⴰⴱⴰⴹ ⴷ ⵡⴻⵖⵔⴻⴼ ⴰⴷⵣⴰⵢⵔⵉ, ⵢⴻⵔⵏⵓ ⵙⵙⴰⵔⴰⵎⴻⵖ-ⴰⴽ ⵔⵔⴱⴻⵃ ⴷⴻⴳ ⵜⵓⵖⴷⴰⴹⵜ-ⵏⵏⴻⴽ ⵜⴰⵀⴰⴳⴳⴰⵔⵜ ⴰⵢⵢⴻⵙ ⴰⵢ ⴽ-ⵉⵡⴻⴽⴽⴻⵍ ⵡⴻⵎⵖⵉⵡⴰⵏ (ⵎⵓⴵⵜⴰⵎⴰⵄ) ⴰⴳⵔⴰⵖⵍⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⵓⵔⴰ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴷⴻⴳ ⵢⵉⵣⴻⵏ-ⵏⵏⴻⵙ.
« ⴰⵎⴻⵛⵡⴰⵕ-ⵏⵏⴻⴽ ⴰⵙⴻⵔⵜⴰⵏ ⴷ ⵓⵙⴰⴷⵓⵔⴰⵏ ⴰⵎⴰ ⴷⴻⴳ ⵜⵎⵓⵔⵜ-ⵏⵏⴻⴽ, ⴰⵎⴰ ⴷⴻⴳ ⵡⴻⵣⵖⴰⵔ, ⵖⴻⴼ ⵢⵉⵖⴻⴼ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵢⴻⵣⵔⴰⵣⴰⵖⴻⵏ ⴰⴽⴽⴻⴷ ⵛⵛⵖⴻⵍ ⵓⵎⵉ ⵜⴻⴼⴽⵉⴷ ⵜⴰⵙⴻⴽⵜⴰ ⵓⵔ ⵢⴻⵙⵄⵉⵏ ⵜⴰⵎⵜⵉⵍⵜ, ⴷ ⴰⵢⴻⵏ ⴰⵢ ⴽ-ⵉⴷ-ⵢⴻⵙⵡⴻⵊⴷⴻⵏ ⴰⴽⴽⴻⵏ ⴰⴷ ⵜⴻⴹⴹⴼⴻⴷ ⵜⴰⵎⴰⵙⵉⵜ-ⴰ (ⵎⴰⵙ’ⵓⵍⵉⵢⵢⴰ) ⵜⴰⵅⴰⵜⴰⵔⵜ ⴰⵢ ⵢⴻⵙⵙⴰⵡⴹⴻⵏ ⴰⴷ ⵜⴻⵊⵎⴻⵄ ⵜⵉⵀⵀⵓⴳⴳⵔⴰ ⴷ ⵍⵊⴻⵀⴷ ⵏ ⵢⵉⵣⴻⵏ-ⵏⵏⴻⵙ ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⵜⵜⵡⴰⵙⵙⴻⴱⴷⴻⴷ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴷ ⵜⵓⵖⴷⴰⴹⵜ ⴰⵢ ⵢⴻⵣⴱⴰⵏ ⵉ ⵡⴰⴽⴽ ⵓⴳⵓⵔⴻⵏ ⴰⵢ ⵢⴻⴳⴳⵣⴻⵏ ⵜⵓⵎⵎⴷⴰ ⴷ ⵡⴻⵇⴷⴰⵙ ⵏ ⵡⴰⵣⴰⵍⴻⵏ ⵉⴳⴻⵊⴷⴰⵏⴻⵏ ⵉⵡⴻⵍⵀⴰⵏⴻⵏ ⵏ ⵜⵓⴷⴷⵙⴰ-ⵏⵏⴻⵖ ⴰⵢ ⵢⴻⴱⵏⴰⵏ ⵖⴻⴼ ⵡⴻⵃⵔⴰⵣ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⵜⴰⴳⵔⴰⵖⵍⴰⵏⵜ, ⴰⵙⵎⴰⵍ ⵏ ⵡⴻⵎⵄⴰⵡⴻⵏ ⴰⴳⵔⴰⵖⵍⴰⵏ ⵙ ⵡⴻⵙⵏⴻⴼⵍⵉ ⴰⵔⴰ ⴷ-ⵢⵉⵍⵉⵏ ⵙ ⵓⵇⴰⴷⴻⵔ ⵏ ⵜⴳⴰⴷⴷⴰ (ⵎⵓⵙⴰⵡⴰⵜ) ⴳⴰⵔ ⵢⴻⵖⵍⴰⵏⴻⵏ ⴷ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵖⴻⴼ ⵏ ⵜⵎⵓⵔⵜ.
